Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 18 | |
18:1 См.: 🔗2Цар. 8:1 | И бысть по сихъ, и порази давидъ иноплеменники, и прогна ихъ: и взя геѳъ и веси его от руки иноплеменничи. |
18:2 См.: 🔗2Цар. 8:2 🔗Пс. 29:2 | И порази давидъ Моава, и бяху Моавити раби давиду приносяще ему дань. |
18:3 | И порази давидъ Адраазара царя сувска во Емаѳѣ, идущу ему поставити руку свою надъ рѣкою Евфратомъ: |
18:4 | и взя от него давидъ тысящу колесницъ и седмь тысящъ конникъ и двадесять тысящъ мужей пѣшцевъ, и разби давидъ вся колесницы, и остави от нихъ сто колесницъ, [ихже удержа себѣ]. |
18:5 | И прiиде Сиръ от Дамаска, да помощь дастъ Адраазару царю сувску, и порази давидъ от Сировыхъ двадесять двѣ тысящы мужей: |
18:6 См.: 🔗2Цар. 8:14 | и постави давидъ стражу въ сиріи, яже близъ Дамаска, и бяху давиду въ рабы приносяще дани: и спасе Господь давида во всѣхъ, въ нихже хождаше. |
18:7 См.: 🔗2Цар. 8:7 | И взя давидъ гривны златыя, ихже имѣша раби Адраазаровы, и принесе я во Иерусалимъ. |
18:8 См.: 🔗2Цар. 8:8 🔗3Цар. 7:23 | И изъ метавеѳа и от избранныхъ градовъ Адраазаровыхъ взя давидъ мѣди много зѣло, изъ неяже сотвори соломонъ море мѣдяно, и столпы, и сосуды мѣдяныя. |
18:9 См.: 🔗2Цар. 8:9 | И услыша Ѳоа царь Емаѳскiй, яко порази давидъ всю силу Адраазара царя сувска, |
18:10 | и посла Адурама сына своего къ царю давиду, да вопроситъ его, яже о мирѣ, и благословити его о семъ, яко побѣди Адраазара и порази его, понеже мужъ противенъ бяше Ѳоа Адраазару. |
18:11 | И вся сосуды златыя и сребряныя и мѣдяныя, и сiя освяти царь давидъ Господу со сребромъ и златомъ, яже взя от всѣхъ языкъ, от Идумеи и Моава, и от сыновъ Аммонихъ и от иноплеменникъ и от Амалика. |
18:12 | Авесса же сынъ саруiевъ порази Идумею во юдоли сланѣй, осмьнадесять тысящъ: |
18:13 | и постави во юдоли стражу, и бѣша вси Идумеане раби давиду. И спасаше Господь давида во всѣхъ, въ нихже хождаше. |
18:14 См.: 🔗2Цар. 8:15 🔗Пс. 100:1 | И воцарися давидъ надъ всѣмъ Израилемъ, и бѣ творя судъ и правду всѣмъ людемъ своимъ. |
18:15 См.: 🔗2Цар. 8:16 | Иоавъ же сынъ саруiевъ [бысть] надъ воинствомъ, и Иосафатъ сынъ Ахилудовъ памятописецъ, |
18:16 См.: 🔗1Пар. 24:6 | и садокъ сынъ Ахитовъ и Авимелехъ сынъ Авiаѳаровъ священницы, и суса книгочiй, |
18:17 См.: 🔗2Цар. 8:18 | и ванеа сынъ Иодаевъ надъ хереѳіемъ и надъ фелеѳіемъ: сынове же давидовы первiи преемницы царевы. |