Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 См.: 🔗2Пар. 10:1 | И иде царь ровоамъ въ Сикиму, яко въ Сикиму прiиде весь Израиль воцарити его. |
12:2 См.: 🔗2Пар. 10:2 🔗3Цар. 11:40 | И бысть егда услыша иеровоамъ сынъ наватовъ, сущу ему еще во Египтѣ, яко убѣглъ бѣ от лица соломона, и возвратися иеровоамъ изъ Египта: |
12:3 | и послаша, и призваша его. И прiиде иеровоамъ и весь сонмъ Израилевъ, и рекоша людiе къ царю ровоаму глаголюще: |
12:4 | отецъ твой отягчи яремъ нашъ, ты же нынѣ облегчи от работы отца твоего жестокiя и от ярма его тяжкаго, егоже возложи на ны, и поработаемъ ти. |
12:5 См.: 🔗2Пар. 10:5 | И рече къ нимъ: отидите [и пребудите] до третiяго дне, и возвратитеся ко мнѣ. И идоша. |
12:6 См.: 🔗2Пар. 10:6 | И возвѣсти ровоамъ царь старѣйшинамъ, иже быша предстояще предъ соломономъ отцемъ его, еще живу ему сущу, глаголя: како вы мыслите, да отвѣщаю людемъ симъ слово? |
12:7 См.: 🔗2Пар. 10:7 🔗Сир. 37:18 | И рѣша ему, глаголюще: аще въ днешнiй день будеши рабъ людемъ симъ и поработаеши имъ, и речеши имъ словеса блага, и будутъ ти раби во вся дни. |
12:8 | И пренебреже совѣтъ старѣйшинъ, яже совѣщаша ему, и совѣтова со отроки воспитанными съ нимъ предстоявшими предъ лицемъ его, |
12:9 | и рече имъ: что вы совѣщаваете? и что отвѣщаю людемъ симъ, иже рѣша ко мнѣ, глаголюще: облегчи нашъ яремъ, егоже возложи отецъ твой на ны? |
12:10 См.: 🔗2Пар. 10:10 | И глаголаша къ нему отроцы воспитаннiи съ нимъ и рѣша ему: сице да глаголеши людемъ симъ, иже рѣша къ тебѣ, глаголюще: отецъ твой отягчи яремъ нашъ: ты же нынѣ облегчи от насъ: сiя речеши къ нимъ: юность моя толстѣе чреслъ отца моего: |
12:11 См.: 🔗2Пар. 10:11 | и нынѣ отецъ мой наложи на вы яремъ тяжекъ, азъ же приложу къ ярму вашему: отецъ мой наказа вы ранами, азъ же накажу вы скорпiонами. |
12:12 См.: 🔗2Пар. 10:12 | И прiиде весь Израиль къ царю ровоаму въ день третiй, якоже рече имъ царь, глаголя: возвратитеся ко мнѣ въ день третiй. |
12:13 | И отвѣща царь къ людемъ жестоко: и остави царь ровоамъ совѣтъ старѣйшинъ, яже совѣщаша ему, |
12:14 | и рече къ нимъ по совѣту отроковъ, глаголя: отецъ мой отягчи яремъ вашъ, азъ же приложу къ ярму вашему: отецъ мой наказа вы ранами, азъ же накажу вы скорпiонами. |
12:15 См.: 🔗3Цар. 11:31 | И не послуша царь людій, яко бѣ превращенiе от Господа, яко да утвердитъ глаголъ свой, егоже глагола рукою Ахіи Силонитянина о иеровоамѣ сынѣ наватовѣ. |
12:16 См.: 🔗2Пар. 10:16 | И видѣ весь Израиль, яко не послуша царь гласа ихъ, и отвѣщаша людiе царю, глаголюще: кая намъ часть въ давидѣ? и нѣсть намъ наслѣдiя въ сынѣ Иессеовѣ: бѣжи, Израилю, въ кровы своя: нынѣ паси домъ твой, давиде. И отъиде Израиль въ кровы своя. |
12:17 См.: 🔗3Цар. 11:32 | Надъ сынми же Израилевыми, иже живяху во градѣхъ Иудиныхъ, воцарися ровоамъ надъ ними. |
12:18 | И посла царь ровоамъ Адонирама, иже надъ данiю, и поби его каменiемъ весь Израиль, и умре. Царь же ровоамъ потщася взыти на колесницу убѣжати во Иерусалимъ. |
12:19 См.: 🔗4Цар. 17:21 | И отложися Израиль от дому давидова даже до днесь. |
12:20 См.: 🔗3Цар. 11:11 | И бысть егда услыша весь Израиль, яко возвратися иеровоамъ от Египта, и послаша, и призваша его на соборъ, и воцариша его надъ Израилемъ: и не бѣ вслѣдъ дому давидова, токмо хоругвь Иудина и Венiаминова. |
12:21 См.: 🔗2Пар. 11:1 | И ровоамъ вниде во Иерусалимъ и собра весь сонмъ Иудинъ и хоругвь Венiаминю, сто и двадесять тысящъ юношей, творящихъ брань, ратовати на домъ Израилевъ, еже возвратити царство ровоаму сыну соломоню. |
12:22 См.: 🔗2Пар. 11:2 | И бысть слово Господне ко самею человѣку Божiю, глаголя: |
12:23 | рцы къ ровоаму сыну соломоню царю Иудину и ко всему дому Иудину и Венiаминову и ко оставшымся людемъ, глаголя: |
12:24 См.: 🔗3Цар. 12:15 | тако глаголетъ Господь: не восходите, ниже ратуйте на братiю вашу, на сыны Израилевы: но возвратитеся кійждо въ домы своя, яко от мене бысть глаголъ сей. И послушаша словесе Господня, и престаша ити по глаголу Господню. |
12:25 | И созда иеровоамъ Сикиму въ горѣ Ефремли, и вселися въ ней, и изыде оттуду, и созда фануила. |
12:26 | И рече иеровоамъ въ сердцы своемъ: се, нынѣ возвратится царство въ домъ давидовъ, |
12:27 | аще взыдутъ людiе сіи вознести жертву въ храмѣ Господни во Иерусалимъ, и обратится сердце людій ко Господу и господину своему, къ ровоаму царю Иудину, и убiютъ мя, и возвратятся къ ровоаму царю Иудину. |
12:28 См.: 🔗Исх. 32:8 🔗4Цар. 17:16 | И усовѣтова царь, и сотвори двѣ юницы златы, и рече къ людемъ: довлѣетъ вамъ восходити во Иерусалимъ: се, бози твои, Израилю, изведшiи тя изъ земли Египетскiя. |
12:29 См.: 🔗Иер. 48:13 | И постави едину въ Веѳили, а другую въ данѣ. |
12:30 | И бысть слово сiе на согрѣшенiе, и идяху людiе предъ лицемъ юницы единыя даже до Дана, и оставиша храмъ Господень. |
12:31 См.: 🔗2Пар. 11:15 🔗2Пар. 13:9 | И сотвори капища на высокихъ, и сотвори жерцовъ часть от людій, иже не бѣша от сыновъ Левіиныхъ. |
12:32 См.: 🔗Ос. 7:5 | И сотвори иеровоамъ праздникъ въ осмый месяцъ въ пятыйнадесять день месяца, по празднику, иже въ земли бѣ Иудинѣ, и взыде на олтарь, егоже сотвори въ Веѳили, жрети юницамъ, яже сотвори, и постави въ Веѳили жерцы на высокихъ, яже сотвори. |
12:33 См.: 🔗Ам. 3:14 🔗Рим. 1:25 | И взыде на олтарь, егоже сотвори въ Веѳили, въ осмый месяцъ, въ пятыйнадесять день въ праздникъ, егоже состави по сердцу своему: и сотвори праздникъ сыномъ Израилевымъ, и взыде на олтарь еже пожрети. |