Третья книга Царств (Первая книга Царей), глава 5

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 5
5:1	И посла хирамъ царь тирскiй отроки своя къ соломону: услыша бо, яко помазаша его на цар­ст­во вмѣсто давида отца его, яко любяше хирамъ давида во вся дни.
5:2 См.: 🔗2Пар. 2:3	И посла соломонъ къ хираму, глаголя:
5:3 См.: 🔗1Пар. 28:3	ты вѣси отца мо­его давида, яко не воз­може создати дому имени Господа Бога мо­его, от­ лица противныхъ, окружив­шихъ его, дондеже даде я Господь подъ стопы ногъ его:
5:4 См.: 🔗Сир. 47:15	и нынѣ упокои Господь Богъ мой мнѣ окрестъ, нѣсть навѣтника, ниже сопротивника лукаваго:
5:5 См.: 🔗2Цар. 7:13 🔗3Цар. 6:12 🔗1Пар. 22:10	и се, азъ глаголю создати домъ имени Господа Бога мо­его, якоже глагола Господь Богъ къ давиду отцу мо­ему, глаголя: сынъ твой, егоже дамъ вмѣсто тебе на престолъ твой, той созиждетъ домъ имени мо­ему:
5:6 См.: 🔗2Пар. 2:8	и нынѣ заповѣждь, да насѣкутъ ми древъ от­ Ливана, и се, раби мо­и съ рабы тво­ими, и мзду трудовъ тво­ихъ дамъ ти по всему елика речеши, понеже ты вѣси, яко нѣсть намъ вѣдущаго древа сѣщи, якоже Сидоняне.
5:7 См.: 🔗3Цар. 10:9 🔗2Пар. 2:12	И бысть егда услыша хирамъ словеса соломоня, воз­радовася зѣло и рече: благословенъ Богъ днесь, иже даде давиду сына разумна надъ людьми сими многими.
5:8 См.: 🔗2Пар. 2:8 🔗2Цар. 5:11	И посла хирамъ къ соломону, глаголя: слышахъ о всѣхъ, ихже ради послалъ еси ко мнѣ: азъ сотворю все хотѣнiе твое о древахъ кедровыхъ и певговыхъ:
5:9	слуги мо­и изнесутъ я от­ Ливана къ морю, и азъ положу я въ складенiя на мѣсто, идѣже воз­вѣстиши мнѣ, и довезу я тамо: и ты возмеши, и сотвориши хотѣнiе мое, еже дати хлѣбы дому мо­ему.
5:10	И бѣ хирамъ дая соломону кедры и певги и всю волю его.
5:11 См.: 🔗2Пар. 2:10	И даде соломонъ хираму двадесять тысящъ мѣръ пшеницы, и пищу дому его, и двадесять тысящъ мѣръ елеа чистаго: по сему дава­ше соломонъ хираму на всяко лѣто.
5:12 См.: 🔗3Цар. 3:12	И Господь даде соломону премудрость, якоже глагола ему. И бѣ миръ между хирамомъ и между соломономъ, и положиша завѣтъ между собою.
5:13	И взя царь дань от­ всего Израиля, и бѣ дань тридесять тысящъ мужей.
5:14 См.: 🔗3Цар. 4:6 🔗3Цар. 12:18	И посла я въ Ливанъ, десять тысящъ на месяцъ въ премѣну: месяцъ быша въ Ливанѣ и два месяца въ дому сво­емъ: и бяше Адонирамъ надъ данiю.
5:15 См.: 🔗1Пар. 22:2 🔗2Пар. 2:18	И бяше соломону седмьдесятъ тысящъ носящихъ бремена и осмьдесятъ тысящъ сѣкущихъ каменiе въ горѣ,
5:16 См.: 🔗2Пар. 2:18	кромѣ старѣйшинъ при­­ставленыхъ надъ дѣлами соломоними, три тысящы и шесть сотъ при­­ставникъ дѣла­ю­щихъ дѣла.
5:17 См.: 🔗3Цар. 7:9	И заповѣда царь, и взяша каменiе великое, каменiе честное на основанiе храма, и каменiе нетесаное.
5:18 См.: 🔗Нав. 13:5 🔗Пс. 82:8 🔗Иез. 27:9	И истесаша сынове соломони и сынове хирамли и каменосѣчцы Гевалстiи: и изготовиша каменiя и древа въ три лѣта.