Первое Соборное послание апостола Петра, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Кол. 3:8 🔗Евр. 12:1	Отложше убо всяку злобу и всяку лесть и лицемѣрiе и зависть и вся клеветы,
2:2 См.: 🔗Мф. 18:3 🔗Мк. 10:14	яко новорождени младенцы, словесное и нелестное млеко воз­любите, яко да о немъ воз­растете во спасенiе:
2:3 См.: 🔗Пс. 33:9	понеже вкусисте, яко благъ Господь.
2:4 См.: 🔗Мф. 16:18 🔗Мф. 21:42	Къ Немуже при­­ходяще, камени живу, от­ человѣкъ убо уничижену, от­ Бога же избрану, честну,
2:5 См.: 🔗Мал. 1:11 🔗Отк. 1:6	и сами яко каменiе живо зиждитеся во храмъ духовенъ, святител­ст­во свято, воз­носити жертвы духовны, благопрiятны Богови Иисусъ Христомъ.
2:6 См.: 🔗Ис. 28:16 🔗Рим. 9:33	Зане писано есть въ Писанiи: се полагаю въ Сiонѣ камень крае­уголенъ, избранъ, честенъ: и вѣруяй въ онь не постыдит­ся.
2:7 См.: 🔗Пс. 117:22 🔗Ис. 8:14 🔗Мф. 21:42	Вамъ убо честь вѣру­ю­щымъ, а противящымся камень, егоже небрегоша зиждущiи, сей бысть во главу угла, и камень претыканiя и камень соблазна:
2:8	о немже и претыкают­ся слову противляющiися, на неже и положени быша.
2:9 См.: 🔗Исх. 19:6 🔗Ис. 61:6 🔗Деян. 26:18	Вы же родъ избранъ, царское священiе, языкъ святъ, людiе обновленiя, яко да добродѣтели воз­вѣстите изъ тмы васъ При­­звав­шаго въ чудный Свой свѣтъ:
2:10 См.: 🔗Ос. 2:23 🔗Ос. 1:10 🔗Рим. 9:25	иже иногда не людiе, нынѣ же людiе Божiи: иже не помиловани, нынѣ же помиловани бысте.
2:11 См.: 🔗Пс. 38:13 🔗Рим. 13:13 🔗Гал. 5:16	[Зач. 58Г.] Возлюблен­нiи, молю яко при­­шелцевъ и стран­никовъ, огребатися от­ плотскихъ похотей, яже воюютъ на душу,
2:12 См.: 🔗Мф. 5:16	житiе ва­ше имуще добро во языцѣхъ, да о немже клевещутъ васъ аки злодѣевъ, от­ добрыхъ дѣлъ видѣв­ше, прославятъ Бога въ день посѣщенiя.
2:13 См.: 🔗Рим. 13:1 🔗Тит. 3:1	Повинитеся убо всякому человѣчу созданiю {начал­ст­ву} Господа ради: аще царю, яко преобладающу:
2:14	аще ли же княземъ, яко от­ него послан­нымъ, во от­мщенiе убо злодѣемъ, въ похвалу же благотворцемъ.
2:15	Яко тако есть воля Божiя, благотворящымъ обуздовати безумныхъ человѣкъ невѣж­ст­во:
2:16 См.: 🔗Гал. 5:13	яко свободни, а не яко при­­кровенiе имуще злобы свободу, но яко раби Божiи.
2:17 См.: 🔗1Пет. 1:22 🔗Рим. 12:10	Всѣхъ почитайте, брат­ст­во воз­любите, Бога бойтеся, царя чтите.
2:18	Раби, повинуйтеся во всяцѣмъ страсѣ владыкамъ, не токмо благимъ и кроткимъ, но и строптивымъ.
2:19 См.: 🔗Мф. 5:10	Се бо есть угодно предъ Богомъ, аще совѣсти ради Божiя терпитъ кто скорби, стражда безъ правды.
2:20 См.: 🔗1Пет. 3:14 🔗1Пет. 4:14	Кая бо похвала, аще согрѣшающе мучими терпите? Но аще добро творяще и страждуще терпите, сiе угодно предъ Богомъ,
2:21 См.: 🔗Мф. 16:24 🔗Флп. 2:5	на сiе бо и звани бысте: [Зач. 59.] зане и Христосъ пострада по насъ, намъ оставль образъ, да послѣдуемъ стопамъ Его:
2:22 См.: 🔗Ис. 53:9 🔗1Ин. 3:5	иже грѣха не сотвори, ни обрѣтеся лесть во устѣхъ Его:
2:23 См.: 🔗Ис. 50:6 🔗Ис. 53:7	иже укаряемь противу не укаряше, стражда не преща­ше, предаяше же Судящему праведно:
2:24 См.: 🔗Мф. 8:17 🔗Рим. 6:2	иже грѣхи нашя Самъ воз­несе на тѣлѣ Сво­емъ на древо, да от­ грѣхъ избыв­ше, правдою поживемъ: Егоже язвою исцѣлѣсте.
2:25 См.: 🔗Ис. 53:4 🔗Иез. 34:5 🔗Ин. 10:11	Бѣсте бо яко овцы заблуждшыя [не имущя пастыря]: но воз­вратистеся нынѣ къ Пастырю и Посѣтителю душъ вашихъ.