Первое Соборное послание апостола Петра, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗1Пет. 2:21	[Зач. 61.] Христу убо пострадав­шу за ны плотiю, и вы въ ту же мысль вооружитеся: зане пострадавый плотiю, преста от­ грѣха,
4:2 См.: 🔗2Кор. 5:15 🔗Гал. 2:20	во еже не ктому человѣческимъ похотемъ, но воли Божiей прочее во плоти жити время.
4:3 См.: 🔗Еф. 4:17	Довлѣетъ бо вамъ мимошедшее время житiя, волю языческую творив­шымъ, хождшымъ въ нечистотахъ, въ похотехъ, [въ мужелож­ст­вѣ, въ скотолож­ст­вѣ, въ помыслѣхъ,] въ пiян­ствѣ, въ козлогласованiихъ, въ лихо­иманiи и богомерзкихъ идолослуженiихъ:
4:4 См.: 🔗1Пет. 2:12	о немже дивят­ся, не сходящымся вамъ въ тоже блуда разлiянiе, хуляще:
4:5 См.: 🔗2Тим. 4:1	иже воз­дадятъ слово готову Сущему судити живымъ и мертвымъ.
4:6	На се бо и мертвымъ благовѣстися, да судъ убо прiимутъ по человѣку плотiю, поживутъ же по Бозѣ духомъ.
4:7 См.: 🔗Лк. 21:34 🔗Иак. 5:8	Всѣмъ же кончина при­­ближися. Уцѣломудритеся убо и трезвитеся въ молитвахъ.
4:8 См.: 🔗Прит. 10:12	Прежде же всѣхъ другъ ко другу любо­вь при­­лѣжну имѣйте, зане любо­вь покрываетъ множе­с­т­во грѣховъ.
4:9 См.: 🔗Рим. 12:13 🔗Флп. 2:14 🔗Евр. 13:2	Стран­нолюбцы другъ ко другу, безъ роптанiи.
4:10 См.: 🔗Рим. 12:6	Кійждо якоже прiятъ дарованiе, между себе симъ служаще, яко добрiи стро­ителiе различныя благодати Божiя.
4:11 См.: 🔗Мф. 5:16	Аще кто глаголетъ, яко словеса Божiя: аще кто служитъ, яко от­ крѣпости, юже подаетъ Богъ: да о всемъ славит­ся Богъ Иисусъ Христомъ, Емуже есть слава и держава во вѣки вѣковъ. Аминь.
4:12 См.: 🔗1Пет. 1:7	[Зач. 62.] Возлюблен­нiи, не дивитеся еже въ васъ раждеженiю ко искушенiю вамъ бываему, яко чужду вамъ случающуся:
4:13 См.: 🔗2Кор. 4:10 🔗Флп. 3:10	но понеже при­­общаетеся Христовымъ страстемъ, радуйтеся, яко да и въ явленiе славы Его воз­радуетеся веселящеся.
4:14 См.: 🔗Мф. 5:11	Аще укоряеми бываете о имени Христовѣ, блажени есте яко Славы и Божiй Духъ на васъ почиваетъ: онѣми убо хулит­ся, а вами прославляет­ся.
4:15 См.: 🔗1Пет. 2:19 🔗1Пет. 3:17	Да не кто убо от­ васъ постраждетъ яко убійца, или яко тать, или яко злодѣй, или яко чуждопосѣтитель:
4:16	аще ли же яко Христiанинъ, да не стыдит­ся, да прославляетъ же Бога въ части сей.
4:17 См.: 🔗Иер. 25:29 🔗Иез. 9:6 🔗Лк. 23:31	Яко время начати судъ от­ дому Божiя: аще же прежде от­ васъ, кая кончина противящымся Божiю Евангелiю?
4:18 См.: 🔗Прит. 11:31	И аще праведникъ едва спасет­ся, нечестивый и грѣшный гдѣ явит­ся?
4:19	Тѣмже и страждущiи по воли Божiей, яко вѣрну Зиждителю да предадятъ душы своя во благотворенiи.