Первая книга Царств (Первая книга Самуила), глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗1Цар. 10:1	И рече самуилъ къ Саулу: посла мя Господь помазати тя на цар­ст­во въ людехъ его во Израили: и нынѣ послушай гласа словесъ Господнихъ:
15:2 См.: 🔗Исх. 17:8	сiя рече Господь Саваоѳъ: нынѣ от­мщу, яже сотвори Амаликъ Израилю, егда срѣте его на пути, восходящу ему от­ Египта:
15:3	и нынѣ ты иди, и поразиши Амалика и иерима, и вся яже суть его, и не снабдиши от­ нихъ [ничтоже], и искорениши его: и прокленеши его и вся сущая его, и не пощадиши его: и да убiеши от­ мужеска полу и до женска и от­ юношъ и до ссущихъ млеко, и от­ говядъ до овецъ и от­ велблюдъ до ослятъ.
15:4	И собра люди Саулъ и сочте я въ Галгалѣхъ двѣстѣ тысящъ пѣшихъ и десять тысящъ от­ Иуды въ полцѣхъ:
15:5 См.: 🔗Нав. 8:4	и прiиде Саулъ до градовъ Амаликовыхъ и засяде въ потоцѣ.
15:6 См.: 🔗Чис. 10:29 🔗Суд. 1:16	И рече Саулъ ко кинеови: иди и уклонися от­ среды Амалика, да не погублю тя съ нимъ, ты бо сотворилъ еси милость съ сынми Израилевыми, егда исхождаху изъ Египта. И уклонися киней от­ среды Амалика.
15:7 См.: 🔗Чис. 24:20	И порази Саулъ Амалика от­ Евилы даже до Сура, иже предъ лицемъ Египта:
15:8	и ятъ агага царя Амаликова жива, и вся люди изби, и иерима уби мечемъ.
15:9	И сохрани Саулъ и вси людiе агага царя жива и благая от­ стадъ и буйволовъ, и снѣдей [и одеждъ], и виноградовъ и от­ всѣхъ благихъ: и не хотяху искоренити я, точiю хуждшее и уничиженое истребиша.
15:10	И бысть глаголъ Господень къ самуилу, глаголя:
15:11 См.: 🔗Быт. 6:6	раскаяхся, яко помазахъ Саула на цар­ст­во, понеже от­вратися от­ мене и словесъ мо­ихъ не соблюде. И опечалися самуилъ и вопiяше ко Господу всю нощь.
15:12 См.: 🔗Нав. 15:55 🔗2Цар. 18:18	И воста рано самуилъ, и идяше на срѣтенiе Израилтяномъ рано. И воз­вѣстиша самуилу, глаголюще: идетъ Саулъ въ кармилъ, и се, воз­движе руку себѣ, и воз­врати колесницу, и сниде въ Галгалы. И прiиде самуилъ къ Саулу, и се, той воз­ноша­ше всесожженiе Господу, первая от­ корыстей, ихже взя от­ Амаликовъ.
15:13 См.: 🔗1Цар. 23:21	И прiиде самуилъ къ Саулу, и рече ему Саулъ: благословенъ ты Господу, сотворихъ бо вся, елика [ми] глагола Господь.
15:14	И рече самуилъ: и кій гласъ стадъ сихъ во ушiю моею, и гласъ говядъ, егоже азъ слышу?
15:15	И рече Саулъ: от­ Амалика при­­гнахъ я, ихже сохраниша людiе лучшая от­ стадъ и от­ воловъ, еже пожрети я Господу Богу тво­ему, прочая же избихъ.
15:16	И рече самуилъ къ Саулу: потерпи, и воз­вѣщу ти, яже глагола Господь ко мнѣ нощiю.
15:17 См.: 🔗1Цар. 9:21	И рече ему [саулъ]: глаголи. И рече самуилъ къ Саулу: еда не малъ былъ еси ты предъ нимъ, и не властелина ли тя постави хоругви колѣна Израилева? и помаза тя Господь на цар­ст­во Израилево:
15:18 См.: 🔗Быт. 13:13 🔗Пс. 25:9	и посла тя Господь путемъ и рече тебѣ: иди и искорени Амалика, и погуби согрѣшшихъ предо мною, и воюй ихъ, дондеже скончаеши ихъ:
15:19	и почто не послушалъ еси гласа Господня по всему, елико глагола тебѣ, но устремил­ся еси на корысти и сотворилъ еси лукавое предъ Господемъ?
15:20	И рече Саулъ къ самуилу: послушахъ гласа людій и идохъ путемъ, имже посла мя Господь, и при­­ведохъ агага царя Амаликова, и Амалики искоренихъ:
15:21	и взяша людiе корысти от­ стадъ и буйволы, первая от­ истребляемыхъ на пожренiе Господу Богу на­шему въ Галгалѣхъ.
15:22 См.: 🔗Сир. 4:15 🔗Ос. 6:6 🔗Мф. 9:13 🔗Мф. 12:7	И рече самуилъ: еда угодны Господу всесожженiя и жертвы, якоже послушати гласа Господня? се, послушанiе паче жертвы благи, и покоренiе паче тука овня:
15:23 См.: 🔗1Пар. 10:13	якоже грѣхъ есть чарованiе, тако [грѣхъ есть] противленiе, и якоже грѣхъ есть идолопоклоненiе, тако непокоренiе: понеже уничижилъ еси глаголъ Господень, и уничижитъ тя Господь не быти тебѣ царемъ во Израили.
15:24 См.: 🔗Исх. 32:22	И рече Саулъ къ самуилу: согрѣшихъ, яко преступихъ слово Господне и глаголъ твой, убояхся бо людій и послушахъ гласа ихъ:
15:25	и нынѣ воз­ми грѣхъ мой и воз­вратися со мною, да поклонюся Господу Богу тво­ему.
15:26 См.: 🔗1Цар. 16:1	И рече самуилъ къ Саулу: не воз­вращуся съ тобою, яко уничижилъ еси глаголъ Господень, и уничижитъ тя Господь не быти тебѣ царемъ во Израили.
15:27	И от­врати самуилъ лице свое еже от­ити: и ятъ Саулъ за воскрилiе ризы его и раздра е.
15:28 См.: 🔗1Цар. 28:17	И рече ему самуилъ: раздра Господь цар­ст­во Израилево от­ руку твоею днесь, и дастъ е ближнему тво­ему, лучшему паче тебе,
15:29 См.: 🔗Чис. 23:19 🔗Ос. 11:9	и раздѣлит­ся Израиль на дво­е: и не обратит­ся, ниже раскает­ся святый Израилевъ, занеже не яко человѣкъ есть, еже раскаятися ему, запретитъ, и не пребудетъ.
15:30 См.: 🔗Мк. 12:17 🔗Ин. 5:44	И рече Саулъ: согрѣшихъ, но прослави мя нынѣ предъ старѣйшины Израилевы и предъ людьми мо­ими, и воз­вратися со мною, и поклонюся Господу Богу тво­ему.
15:31	И воз­вратися самуилъ вслѣдъ Саула, и поклонися Саулъ Господу.
15:32	И рече самуилъ: при­­ведите ми агага царя Амаликова. И прiиде къ нему агагъ трепеща, и рече агагъ: тако ли горька смерть?
15:33 См.: 🔗Иер. 31:15 🔗3Цар. 18:40	И рече самуилъ ко агагу: якоже обезчад­ст­вова женъ оружiе твое, тако обезчадит­ся въ женахъ мати твоя. И закла самуилъ агага предъ Господемъ въ Галгалѣхъ.
15:34	И отъиде самуилъ во Армаѳемъ: и Саулъ отъиде въ домъ свой въ гаваю.
15:35 См.: 🔗1Цар. 16:1 🔗Рим. 9:2	И не при­­ложи самуилъ ктому видѣти Саула даже до дне смерти сво­ея, понеже плакаше самуилъ о Саулѣ, занеже раскаяся Господь, яко постави Саула царя во Израили.