Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 | И бысть егда устроися царство ровоамово, и укрѣпися, остави заповѣди Господни, и весь Израиль съ нимъ. |
12:2 См.: 🔗3Цар. 14:25 | И бысть въ лѣто пятое царства ровоамля взыде сусакимъ царь Египетскiй на Иерусалимъ, зане согрѣшиша предъ Господемъ, |
12:3 | съ тысящiю и двѣма сты колесницъ и шестьдесятъ тысящъ конникъ, и не бѣ числа народу пришедшему съ нимъ от Египта, Ливиане, троглодитяне и еѳiопляне: |
12:4 | и взяша грады крѣпкiя, иже бяху во Иудѣ, и прiидоша даже до Иерусалима. |
12:5 См.: 🔗2Пар. 15:2 | Самеа же пророкъ вниде къ ровоаму и къ началникомъ Иудинымъ, иже собрани бяху во Иерусалимъ от лица сусакимова, и рече къ нимъ: сiя рече Господь: вы остависте мя, и азъ оставлю васъ въ руку сусакима. |
12:6 См.: 🔗Дан. 9:14 | И посрамишася началницы Израилевы и царь и рекоша: праведенъ Господь. |
12:7 См.: 🔗Иер. 18:8 | Егда же видѣ Господь, яко смиришася, и бысть слово Господне къ самею, глаголя: смиришася, не разорю ихъ, и дамъ имъ вмалѣ спасенiе, и не уканетъ ярость моя на Иерусалимъ, |
12:8 | обаче будутъ въ рабы, да познаютъ работу мою и работу царства земли. |
12:9 | И взыде сусакимъ царь Египетскiй во Иерусалимъ, и взя сокровища, яже въ дому Господни, и сокровища, яже въ дому царевѣ, вся взя: и взя щиты златыя, ихже сотвори соломонъ. |
12:10 См.: 🔗3Цар. 14:27 | И сотвори царь ровоамъ щиты мѣдяны вмѣсто ихъ. И постави на нимъ сусакимъ царь Египетскiй началниковъ предходящихъ стрегущихъ врата царева: |
12:11 | и бысть внегда входити царю въ домъ Господень, вхождаху стрегущiи и предходящiи, и обращающеся восхождаху предходящiи ко оружехранителницѣ своей. |
12:12 См.: 🔗3Цар. 14:13 🔗3Цар. 21:29 | И егда смирися той, отвратися от него ярость Господня, а не въ разоренiе въ конецъ: ибо и во Иудѣ бяху словеса блага. |
12:13 См.: 🔗3Цар. 14:21 | И укрѣпися царь ровоамъ во Иерусалимѣ и царствова: четыредесяти же и единаго лѣта бысть ровоамъ, егда царствовати нача, и седмьнадесять лѣтъ царствова во Иерусалимѣ, во градѣ, егоже избра Господь, да именуется имя его ту от всѣхъ колѣнъ Израилевыхъ. Имя же матери его ноома Амманитыня. |
12:14 | И сотвори лукавое, яко не исправи сердца своего, да взыщетъ Господа. |
12:15 См.: 🔗3Цар. 14:29 🔗3Цар. 15:6 | Словеса же ровоамова первая и послѣдняя не се ли, суть писана въ словесѣхъ самеа пророка и адда провидящаго, и дѣянiя его? И воеваше ровоамъ и иеровоамъ во вся дни. |
12:16 См.: 🔗3Цар. 14:31 | И умре ровоамъ и погребенъ бысть со отцы своими во градѣ давидовѣ. И воцарися Авіа сынъ его вмѣсто его. |