Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 См.: 🔗3Цар. 15:8 | И успе Авіа со отцы своими, и погребоша его во градѣ давидовѣ. И воцарися аса сынъ его вмѣсто его во дни же асы почи земля Иудина лѣтъ десять. |
14:2 См.: 🔗3Цар. 15:11 | И сотвори аса благое и правое предъ Господемъ Богомъ своимъ: |
14:3 См.: 🔗3Цар. 15:12 | и отверже олтари чуждыхъ и высокая, и сокруши идолы и посѣче дубравы: |
14:4 | и повелѣ Иудѣ, да взыщетъ Господа Бога отецъ своихъ и да сотворитъ законъ его и заповѣди: |
14:5 | и изверже изъ всѣхъ градовъ Иудиныхъ олтари и идолы, и царствова въ мирѣ. |
14:6 | И созда грады крѣпки въ земли Иудинѣ, зане въ покои бысть земля, и не бѣ ему брани въ лѣта сiя, миръ бо Господь даде ему. |
14:7 | Рече же Иудѣ: созиждемъ грады сiя, и сотворимъ стѣны и столпы, и врата и вереи, дондеже землею господствуемъ: зане якоже взыскахомъ Господа Бога нашего, взыска и насъ, и воздаде намъ миръ окрестъ, и благопоспѣшствова намъ. |
14:8 | И бысть сила асѣ оруженосцевъ носящихъ щиты и копiя въ земли Иудинѣ триста тысящъ, въ земли же Венiамини щитниковъ и стрѣлцевъ двѣсти осмьдесятъ тысящъ: вси сіи воини сильнiи. |
14:9 См.: 🔗2Пар. 16:8 | Изыде же противу ихъ зарай еѳiоплянинъ съ силою въ тысящы тысящей, и колесницъ триста, и прiиде даже до мариса. |
14:10 | И изыде аса противу ему и устрои брань въ дебри на сѣверъ мариса. |
14:11 См.: 🔗1Цар. 14:6 | И возопи аса ко Господу Богу своему и рече: Господи, не изнеможетъ у тебе спасати во многихъ и въ малыхъ, укрѣпи насъ, Господи Боже нашъ, яко на тя уповахомъ и о имени твоемъ изыдохомъ на множество многое сiе: Господи Боже нашъ, ты еси Богъ, да не превозможетъ противу тебе человѣкъ. |
14:12 См.: 🔗2Пар. 13:15 🔗2Пар. 16:8 | И порази Господь еѳiопы предъ асою и Иудою и бѣжаша еѳiопи: |
14:13 | и погна ихъ аса и людiе его даже до гедора: и падоша еѳiопи, даже не быти въ нихъ останку, яко сотрени быша предъ Господемъ и предъ силою его, и плѣниша корысти многи: |
14:14 См.: 🔗2Пар. 17:10 🔗2Пар. 20:29 | и изсѣкоша веси ихъ окрестъ гедора, великъ бо страхъ Господень объятъ ихъ, и плѣниша вся грады ихъ, зане многи корысти быша въ нихъ: |
14:15 | и кущы скотскiя и Амазоновъ изсѣкоша, и взяша скота множество и велблюды, и возвратишася во Иерусалимъ. |