Вторая книга Паралипоменон (Вторая книга Хроник, Вторая Летопись), глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗3Цар. 15:17	И въ лѣто тридесять осмое цар­ст­ва асина, взыде Вааса царь Израилевъ на Иуду и стѣнами укрѣпи раму, да не дастъ входа и исхода асѣ царю Иудину.
16:2 См.: 🔗3Цар. 15:18 🔗4Цар. 12:18	И взя аса сребро и злато от­ сокровищъ дому Господня и дому царева, и посла ко [венададу] сыну Адера царя Сирска, живущему въ дамасцѣ, глаголя:
16:3	положи завѣтъ между мною и тобою и между отцемъ мо­имъ и отцемъ тво­имъ: се послахъ тебѣ сребро и злато: прiиди и от­жени от­ мене Ваасу царя Израилева, и да отъидетъ от­ мене.
16:4 См.: 🔗3Цар. 15:20	И послуша сынъ Адеровъ царя асы и посла началники воевъ сво­ихъ на грады Израилевы, и порази Аинона и Дана, и Авелмаина и вся окрестная Нефѳалимля.
16:5 См.: 🔗3Цар. 15:21	И бысть егда услыша Вааса царь Израилевъ, остави ктому созидати раму и остави дѣло свое.
16:6 См.: 🔗Нав. 18:24	Аса же царь взя всего Иуду и взя каменiе от­ рамы и лѣсъ ея, яже на созданiе уготова Вааса, и созда изъ нихъ гаваю и Масфу.
16:7 См.: 🔗2Пар. 19:2	И во время оно прiиде Ананiй пророкъ ко асѣ царю Иудину и рече ему: понеже имѣлъ еси упованiе на царя Сирска, а не уповалъ еси на Господа Бога тво­его, того ради спасеся сила царя Сирскаго от­ руку твоею:
16:8 См.: 🔗2Пар. 14:9 🔗Ис. 20:5	не еѳiопи ли и Ливиане бяху на тя въ силѣ мнозѣ, въ дерзости колесницъ и кон­никъ во множе­с­т­во зѣло? и егда уповалъ еси на Господа, предаде ихъ въ руку твою:
16:9 См.: 🔗2Мак. 9:5	очи бо Господни назираютъ всю землю, еже укрѣпити сущихъ сердцемъ совершен­нымъ къ нему: буе сотворилъ еси сiе, [сего ради] от­нынѣ будетъ на тя брань.
16:10	Разгнѣвася же аса на пророка и всади его въ темницу, понеже прогнѣвася о семъ: и уби аса от­ людій во время то [многихъ].
16:11	И се, словеса асы, первая и послѣдняя, писана суть въ книзѣ царей Иудиныхъ и Израиля.
16:12	И разболѣся аса въ лѣто тридесять девятое цар­ст­ва сво­его ногама, болѣзнiю зѣлнѣйшею: и ниже въ немощи сво­ей взыска Господа, но врачевъ.
16:13 См.: 🔗3Цар. 15:24	успе же аса со отцы сво­ими, и умре въ лѣто четыредесять первое цар­ст­ва сво­его:
16:14	и погребоша его во гробѣ, егоже ископа себѣ во градѣ давидовѣ, и положиша его на одрѣ, и наполниша ароматами и родами мировъ благо­ухан­ныхъ, и сотвориша ему погребенiе велико зѣло.