Вторая книга Паралипоменон (Вторая книга Хроник, Вторая Летопись), глава 29

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 29
29:1 См.: 🔗4Цар. 18:2	И езекіа нача цар­ст­вовати сый двадесяти и пяти лѣтъ, и двадесять девять лѣтъ цар­ст­вова во Иерусалимѣ. Имя же матери его Авіа, дщерь захарiина.
29:2 См.: 🔗4Цар. 18:3	Сотвори же правое предъ Господемъ по всѣмъ, яже сотвори давидъ отецъ его.
29:3 См.: 🔗2Пар. 28:24	И бысть егда ста на цар­ст­вѣ сво­емъ въ месяцъ первый, от­верзе двери дому Господня и обнови ихъ,
29:4	и введе священ­ники и левиты, и постави ихъ на странѣ яже къ востоку,
29:5 См.: 🔗Неем. 12:30	и рече имъ: послушайте мя, левити, нынѣ очиститеся и очистите домъ Господа Бога отецъ нашихъ, и изрините нечистоту изъ святилища:
29:6 См.: 🔗3Цар. 8:48 🔗Иер. 2:27 🔗Иез. 20:16	яко от­ступиша отцы наши и сотвориша лукавое предъ Господемъ Богомъ нашимъ, и оставиша его, и от­вратиша лице свое от­ скинiи Господни, и даша хребетъ,
29:7 См.: 🔗Чис. 28:6	и заключиша врата храма, и погасиша свѣтилники, и ѳимiамомъ не кадиша, и всесожженiй не при­­несоша во святилищи Богу Израилеву:
29:8 См.: 🔗Втор. 28:25 🔗3Цар. 9:8 🔗Иер. 51:37	и разгнѣвася яростiю Господь на Иуду и на Иерусалимъ, и предаде ихъ во ужасъ и погубленiе и на звизданiе, якоже вы видите очима вашима:
29:9	и се, поражени быша отцы наши мечемъ, и сынове наши и дщери нашя и жены нашя въ плѣненiи въ земли не сво­ей, якоже и нынѣ суть:
29:10	нынѣ убо положите на сердца ваша, еже завѣщати завѣтъ съ Господемъ Богомъ Израилевымъ, и от­вратитъ гнѣвъ ярости сво­ея от­ насъ:
29:11 См.: 🔗Втор. 10:8	и нынѣ не прене­брегайте, яко васъ избра Господь стояти предъ нимъ, служити ему, и да будете ему служаще и кадяще.
29:12 См.: 🔗1Пар. 6:44	И восташа левити, маалъ сынъ Амасіевъ и Иоиль сынъ захарiевъ от­ сыновъ Кааѳовыхъ, и от­ сыновъ Мерариныхъ кисъ сынъ Авдіевъ и азарiа сынъ илаелиловъ, и от­ сыновъ гедсонихъ Иоададъ сынъ земмань и Иоадамъ, сіи сынове Иоахаини:
29:13	от­ сыновъ Елисафанихъ самарiй и Иеiилъ, и от­ сыновъ Асафовыхъ захарiа и Матѳаніа,
29:14	и от­ сыновъ Еманихъ Иеiилъ и семей, от­ сыновъ же Идиѳумлихъ самаѳіа и Озiилъ:
29:15 См.: 🔗Исх. 19:10	собраша же братiю свою и освятишася по заповѣди царевѣ повелѣнiемъ Господнимъ, да очистятъ домъ Божiй:
29:16	и внидоша священ­ницы внутрь церкве Господни, да очистятъ ю, и извергоша всю нечистоту обрѣтен­ную въ дому Господни и во дворѣ дому Господня: и вземше левити, изнесоша къ потоку кедрску вонъ.
29:17 См.: 🔗4Цар. 23:12	И начаша въ первый день новомесячiя перваго месяца очищати, и въ день осмый того месяца внидоша во храмъ Господень, и очистиша церковь Господню во осми днехъ, и въ день шестый­на­де­сять месяца перваго совершиша.
29:18	И внидоша внутрь ко езекіи царю и рекоша: очистихомъ вся, яже въ дому Господни, олтарь всесожженiя и сосуды его, и трапезу предложенiя со всѣми сосуды ея,
29:19 См.: 🔗2Пар. 28:24	и вся сосуды, яже оскверни царь Ахазъ въ цар­ст­во свое во от­ступленiи сво­емъ, уготовахомъ и очистихомъ, и се, суть предъ олтаремъ Господнимъ.
29:20	И воста рано езекіа царь, и собра началники града, и взыде въ домъ Господень,
29:21 См.: 🔗Лев. 4:13	и воз­несе телцевъ седмь и овновъ седмь, агнцевъ седмь и козловъ от­ козъ седмь за грѣхъ, за цар­ст­во и за святилище и за Израиля, и рече сыномъ Ааронимъ священ­никомъ, да взыдутъ на олтарь Господень жрети телцевъ.
29:22 См.: 🔗Лев. 8:15	И заклаша телцевъ, и взяша кровь священ­ницы и излiяша на олтарь: и заклаша овновъ и кровь на олтарь воз­лiяша: и заклаша агнцевъ и облiяша кровiю олтарь:
29:23 См.: 🔗Исх. 29:10 🔗Лев. 1:4	и при­­ведоша козловъ, иже за грѣхъ, предъ царя и церковь, и воз­ложиша руки своя на нихъ,
29:24	и пожроша ихъ священ­ницы, и покропиша кровiю ихъ предъ олтаремъ, и помолишася о всемъ Израили: зане рече царь, о всемъ Израили всесожженiе и яже о грѣсѣ.
29:25 См.: 🔗1Пар. 6:31 🔗1Пар. 23:5 🔗1Пар. 24:19	Постави же левиты въ дому Господни съ кимвалы и псалтирми и гусльми, по заповѣди давида царя и гада провидца царю и наѳана пророка, яко по заповѣди Господней повелѣнiе [бысть] рукою пророковъ его.
29:26 См.: 🔗Чис. 10:10	Сташа же левити со органы давидовы и священ­ницы съ трубами.
29:27	И повелѣ езекіа, да воз­несутъ всесожженiе на олтарь: и егда начаша воз­носити всесожженiе, начаша хвалы пѣти Господеви и трубити при­­ органѣхъ давида царя Израилева.
29:28 См.: 🔗2Пар. 23:18	И вся церковь покланяшеся, и пѣвцы пояху, и трубы трубяху, дондеже совершися всесожженiе.
29:29	Егда же скончаша при­­ношенiе, преклонися царь и вси иже бяху съ нимъ и поклонишася Господеви.
29:30	Побелѣ же езекіа царь и князи левитомъ, да восхвалятъ Господа словесы давидовыми и Асафа пророка: иже восхвалиша въ веселiи, и падоша, и поклонишася Господеви.
29:31 См.: 🔗Лев. 7:12	И от­вѣща езекіа и рече: нынѣ исполнисте руки вашя Господу, при­­ведите и при­­несите жертвы хваленiя въ домъ Господень. И при­­несе [все] собранiе жертвы и хвалы въ домъ Господень, и всякъ усердный сердцемъ всесожженiя.
29:32	И бысть число всесожженiя, еже при­­несе собранiе, телцевъ седмьдесятъ, овновъ сто, агнцевъ двѣсти, вся сiя во всесожженiе Господеви:
29:33	освящен­ныхъ же телцевъ шестьсотъ, овецъ три тысящы.
29:34 См.: 🔗2Пар. 35:11	Но священ­ницы не мнози бяху и не можаху одирати кожъ всесожженiя, и помогоша имъ братiя ихъ левити, дондеже исполнися дѣло и дондеже освятишася жерцы, левити бо усерднѣе освятишася, нежели священ­ницы:
29:35 См.: 🔗Лев. 3:3	всесожженiя же много въ тукахъ совершенiя спасенiя, и воз­лiянiй всесожженiя: и исправися дѣло въ дому Господни.
29:36	Возвеселися же езекіа и вси людiе, яко уготова Богъ людемъ, понеже внезапу бысть слово.