Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 6 | |
6:1 См.: 🔗3Цар. 8:12 | Тогда рече соломонъ: Господь рече обитати во мглѣ, |
6:2 | азъ же создахъ домъ имени твоему святый тебѣ, и уготованъ еже обитати тебѣ во вѣки. |
6:3 См.: 🔗2Цар. 6:18 🔗3Цар. 8:14 | И обрати царь лице свое и благослови все собранiе Израилево, и все собранiе Израилево предстояше, и рече: |
6:4 См.: 🔗3Цар. 8:15 | благословенъ Господь Богъ Израилевъ, якоже глагола усты своими ко давиду отцу моему, и руками своими соверши, глаголя: |
6:5 См.: 🔗2Цар. 7:6 🔗3Цар. 8:16 | от дне, въ оньже изведохъ люди моя от земли Египетскiя, не избрахъ града от всѣхъ колѣнъ Израилевыхъ, да созиждется въ немъ домъ имени моему ту, ниже избрахъ мужа быти вождемъ надъ людьми моими во Израили: |
6:6 | но избрахъ Иерусалима, да будетъ имя мое въ немъ, и избрахъ давида быти надъ людьми моими Израилемъ: |
6:7 | и бысть на сердцы давида отца моего создати домъ имени Господа Бога Израилева: |
6:8 | и рече Господь ко давиду отцу моему: понеже бысть на сердцы твоемъ создати домъ имени моему, добрѣ сотворилъ еси, яко бысть на сердцы твоемъ, |
6:9 См.: 🔗3Цар. 8:19 🔗Прем. 9:8 | обаче ты не созиждеши мнѣ дому, но сынъ твой, иже изыдетъ изъ чреслъ твоихъ, той созиждетъ домъ имени моему: |
6:10 См.: 🔗3Цар. 8:20 | и соверши Господь слово сiе, еже глагола, и быхъ вмѣсто давида отца моего, и сѣдохъ на престолѣ Израилевѣ, якоже глагола Господь, и создахъ домъ имени Господа Бога Израилева, |
6:11 | и поставихъ въ немъ кивотъ, въ немже есть завѣтъ Господень, егоже завѣща Израилю. |
6:12 См.: 🔗3Цар. 8:22 🔗1Езд. 9:5 | И ста предъ олтаремъ Господнимъ, предъ всѣмъ множествомъ Израилевымъ, и простре руцѣ свои: |
6:13 | сотвори бо соломонъ стояло мѣдяно и постави его посредѣ двора святилища, пять лакотъ долгота его и пять лакотъ широта его и три лакти высота его: и ста на немъ, и паде на колѣна своя предъ всѣмъ множествомъ Израилевымъ, и простре руки своя на небо и рече: |
6:14 См.: 🔗2Мак. 2:10 🔗3Цар. 8:23 | Господи Боже Израилевъ, нѣсть подобенъ тебѣ Богъ на небеси и на земли, сохраняяй завѣтъ и милость съ рабы твоими, иже ходятъ предъ тобою всѣмъ сердцемъ своимъ, |
6:15 | яже сохранилъ еси рабу твоему давиду отцу моему, елика реклъ еси ему глаголя, и глаголалъ еси усты твоими и руками твоими совершилъ еси, якоже день сей: |
6:16 См.: 🔗3Цар. 8:25 🔗2Цар. 7:16 | и нынѣ, Господи Боже Израилевъ, сохрани рабу твоему давиду отцу моему, яже реклъ еси ему глаголя, и глаголалъ еси усты твоими и исполнилъ еси якоже въ день сей, глаголя: не оскудѣетъ тебѣ мужъ от лица моего сѣдяй на престолѣ Израилевѣ, токмо аще сохранятъ сынове твои пути моя ходити въ законѣ моемъ, якоже ходилъ еси предо мною: |
6:17 См.: 🔗3Цар. 8:17 | и нынѣ, Господи Боже Израилевъ, да укрѣпится слово твое, еже глаголалъ еси рабу твоему давиду: |
6:18 | убо истинно ли Богъ обитати будетъ съ человѣки на земли? аще небо и небо небесе не довлѣютъ ти, и кольми паче домъ сей, егоже создахъ? |
6:19 | и призри на моленiе раба твоего и на молитву мою, Господи Боже мой, еже услышати молитвы моя и моленiе, имже рабъ твой молится предъ тобою днесь, |
6:20 | еже быти очесемъ твоимъ отверстымъ на домъ сей день и нощь, на мѣсто сiе, о немже глаголалъ еси, да призовется имя твое тамо, еже услышати молитву, еюже рабъ твой молится на мѣстѣ семъ: |
6:21 См.: 🔗3Цар. 8:30 | и послушати мольбу раба твоего и людій твоихъ Израиля, елика аще помолятся на мѣстѣ семъ и ты услышиши на мѣстѣ жилища твоего съ небесе, и услышиши, и милостивъ будеши: |
6:22 См.: 🔗3Цар. 8:31 🔗Исх. 22:11 | аще согрѣшитъ мужъ ко искреннему своему и прiиметъ на него клятву еже клясти его, и прiидетъ и прокленетъ предъ олтаремъ въ дому семъ, |
6:23 См.: 🔗3Цар. 8:32 | и ты услыши от небесе и суди рабомъ твоимъ, еже воздати беззаконному, и воздати пути его на главу его, и оправдити праведнаго, воздая ему по правдѣ его: |
6:24 См.: 🔗3Цар. 8:33 🔗Втор. 28:25 | и аще одолѣни будутъ людiе твои Израиль от врагъ, аще согрѣшатъ тебѣ и обратятся, и исповѣдятся имени твоему, и помолятся предъ тобою въ храмѣ семъ, |
6:25 | и ты услыши съ небесе и милостивъ буди грѣхомъ людій твоихъ Израиля и возврати ихъ въ землю, юже далъ еси имъ и отцемъ ихъ: |
6:26 | егда заключиши небо, и не будетъ дождя, яко согрѣшатъ тебѣ, и помолятся на мѣстѣ семъ, и восхвалятъ имя твое, и обратятся от грѣхъ своихъ, егда смириши ихъ, |
6:27 | и ты услыши съ небесе и милостивъ буди грѣхомъ рабовъ и людій твоихъ Израиля, яко явиши имъ путь благъ, по немуже пойдутъ, и даждь дождь на землю твою, юже далъ еси людемъ твоимъ въ наслѣдiе: |
6:28 См.: 🔗2Пар. 20:9 | гладъ аще будетъ на земли, губителство аще будетъ, воздуха растлѣнiе и иктеръ, прузи и гусеницы аще будутъ, и аще оскорбитъ ихъ врагъ предъ градами ихъ, всякою язвою и всякою болѣзнiю, |
6:29 | и всяка молитва, и всяко моленiе, еже аще будетъ всякому человѣку и всѣмъ людемъ твоимъ Израилю, аще познаетъ человѣкъ язву свою и грѣхъ свой и простретъ руцѣ свои въ дому семъ, |
6:30 | и ты услыши съ небесе от готоваго жилища твоего, и очести, и даждь коемуждо по путемъ его, якоже вѣси по сердцу его, ты бо единъ вѣси сердца сыновъ человѣческихъ, |
6:31 | яко да боятся тебе, еже ходити бо всѣхъ путехъ твоихъ вся дни, въ няже живутъ на лицы земли юже далъ еси отцемъ нашымъ: |
6:32 См.: 🔗3Цар. 8:41 🔗Ис. 55:5 | и всякъ чуждіи, иже нѣсть от людій твоихъ Израиля, и прiидетъ от земли дальнiя ради имене твоего великаго и ради руки твоея сильныя и мышцы твоея высокiя, и прiидетъ и помолится на мѣстѣ семъ, |
6:33 | и ты услыши съ небесе от готоваго жилища твоего, и сотвориши по всему, елико призоветъ тя чуждій, да увѣдятъ вси людiе земли имя твое и убоятся тебе, якоже людiе твои Израиль, и познаютъ, яко имя твое призвано есть на домъ сей, егоже создахъ: |
6:34 | аще же изыдутъ людiе твои на брань противу супостатъ своихъ по пути, имже послеши ихъ, и помолятся тебѣ по пути града сего, егоже избралъ еси себѣ, и дому, егоже создахъ имени твоему, |
6:35 | да услышиши съ небесе молитву ихъ и моленiе ихъ, и сотвориши оправданiе ихъ: |
6:36 | зане согрѣшатъ тебѣ, яко нѣсть человѣкъ, иже не согрѣшитъ, и поразиши ихъ, и предаси ихъ въ руки враговъ ихъ, и плѣнятъ ихъ плѣняющiи въ землю враговъ, въ землю дальнюю или ближнюю, |
6:37 См.: 🔗Дан. 9:13 🔗Чис. 14:40 | и обратятъ сердце свое въ земли ихъ, въ нюже плѣнени будутъ, и тамо обратятся, и помолятся тебѣ въ плѣненiи своемъ, глаголюще: согрѣшихомъ, беззаконновахомъ, неправдовахомъ, |
6:38 См.: 🔗1Цар. 7:6 🔗3Цар. 8:47 | и обратятся къ тебѣ всѣмъ сердцемъ своимъ и всею душею своею въ земли плѣнившихъ я, идѣже плѣниша ихъ, и помолятся путемъ земли своея, юже далъ еси отцемъ ихъ, и града, егоже избралъ еси, и дому, егоже создахъ имени твоему: |
6:39 См.: 🔗Пс. 33:16 | да услышиши съ небесе от готоваго жилища твоего молитву ихъ и моленiе ихъ, и сотвориши судъ, и милостивъ буди людемъ твоимъ согрѣшившымъ ти: |
6:40 | и нынѣ, Господи, да будутъ отверстѣ очи твои, и уши твои внятнѣ къ моленiю мѣста сего: |
6:41 См.: 🔗Чис. 10:36 🔗Пс. 131:8 | и нынѣ востани, Господи Боже, въ покой твой, ты и кивотъ крѣпости твоея: священницы твои, Господи Боже, да облекутся во спасенiе, и преподобнiи твои возвеселятся во благихъ: |
6:42 См.: 🔗2Цар. 7:13 | Господи Боже, да не отвратиши лица христа твоего, помяни щедроты давида раба твоего. |