Вторая книга Паралипоменон (Вторая книга Хроник, Вторая Летопись), глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗3Цар. 9:10	И бысть по двадесяти лѣтѣхъ, въ нихже созда соломонъ домъ Господень и домъ свой,
8:2 См.: 🔗3Цар. 9:11	и грады яже даде хирамъ соломону, созда оны соломонъ и всели ту сыны Израилевы.
8:3 См.: 🔗Чис. 13:22	И прiиде соломонъ во Емаѳъ-сува и одержа его.
8:4	И созда Ѳедморъ въ пустыни и вся грады крѣпкiя, яже созда во Емаѳѣ.
8:5 См.: 🔗3Цар. 9:17	Сострои же веѳоронъ вышнiй и веѳоронъ нижнiй, грады укрѣплены стѣнами, вратами и вереями:
8:6 См.: 🔗3Цар. 9:18	и Валааѳъ, и вся грады крѣпкiя, иже быша соломону, и вся грады колесницъ и грады кон­никъ, и елика восхотѣ соломонъ по желанiю создати бо Иерусалимѣ и въ Ливанѣ и во всемъ цар­ст­вѣ сво­емъ.
8:7 См.: 🔗3Цар. 9:20	Весь народъ остав­шiйся от­ Хеттеа и Аморреа, и Ферезеа и Евеа и Иевусеа, иже не бяху от­ племене Израилева,
8:8 См.: 🔗Нав. 16:10 🔗Суд. 1:28 🔗3Цар. 9:21	но бѣша от­ сыновъ ихъ остав­шихся по нихъ на земли, ихже не избиша сынове Израилевы, подведе ихъ соломонъ въ дань даже до дне сего.
8:9	От сыновъ же Израилевыхъ не даде соломонъ въ рабы цар­ст­ву сво­ему: тіи бо бяху мужiе ратницы и князи, и сильнiи и началницы колесницъ и кон­никъ его.
8:10 См.: 🔗3Цар. 9:23	И сіи началницы предстоящихъ царю соломону, двѣсти пятьдесятъ при­­ставницы надъ дѣлы людскими.
8:11 См.: 🔗3Цар. 9:24	Дщерь же фараоню преведе соломонъ от­ града давидова въ домъ, егоже созда ей, рече бо: да не обитаетъ жена моя въ дому давида царя Израилева, понеже освященъ есть, аможе вниде кивотъ Господень.
8:12	Тогда воз­несе соломонъ всесожженiя Господеви на олтарь, егоже созда Господеви предъ храмомъ,
8:13 См.: 🔗Исх. 23:14 🔗Лев. 24:8 🔗3Цар. 9:25	по словеси от­ дне до дне воз­носити, по повелѣнiю Моисееву, въ субботы и въ новомесячiя и въ праздники, трижды въ годъ, въ праздникъ опрѣсноковъ и въ праздникъ седмицъ и въ праздникъ кущей.
8:14 См.: 🔗1Пар. 24:1 🔗1Пар. 27:1	И постави по разсужденiю давида отца сво­его раздѣленiя священ­никомъ и по служениемъ ихъ: и левиты надъ стражами ихъ, да хвалятъ и служатъ предъ священ­ники по чину единаго ко­егождо дній: и дверницы по раздѣлениемъ ихъ, по вратомъ и вратомъ: тако бо повелѣ давидъ человѣкъ Божiй.
8:15	Не преступиша заповѣдiй царевыхъ о священ­ницѣхъ и левитѣхъ по всякому словеси, и въ сокровищихъ.
8:16	И уготовася всяко дѣланiе от­ дне, въ оньже основа, до дне, въ оньже соверши соломонъ домъ Господень.
8:17 См.: 🔗3Цар. 9:26	Тогда иде соломонъ въ гасiонъгаверъ и во Елаѳъ, иже при­­ мори въ земли Идумейстѣй.
8:18	И посла хирамъ рукою слугъ сво­ихъ корабли и рабы знающыя морскія проходы, и хождаху съ рабы соломоними въ Софиръ, и взяша от­туду четыреста и пятьдесятъ талантъ злата и при­­несоша ко царю соломону.