Вторая книга Паралипоменон (Вторая книга Хроник, Вторая Летопись), глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗3Цар. 10:1 🔗Мф. 12:42 🔗Лк. 11:31	Царица же савска услыша имя соломоново и прiиде искусити его гаданьми во Иерусалимѣ съ силою тяжкою зѣло: и велблюды носящiи ароматы и злата множе­с­т­во и каменiя драгаго: и прiиде къ соломону и глагола ему вся, елика бѣша въ сердцы ея.
9:2 См.: 🔗3Цар. 10:3	И воз­вѣсти ей соломонъ вся словеса ея, и не прейде слово, егоже бы не воз­вѣстилъ ей.
9:3 См.: 🔗3Цар. 10:4	И видѣ царица савска премудрость соломоню, и домъ егоже созда,
9:4	И яди столовъ его, и сѣдалища рабовъ его, и состоянiе служебниковъ его и ризы ихъ, и виночерпчiя его и украшенiе ихъ, и всесожженiя, яже жряше въ дому Господни, и внѣ себе бысть.
9:5 См.: 🔗3Цар. 10:6	Рече же ко царю: истин­но есть слово, еже слышахъ въ земли мо­ей о словесѣхъ тво­ихъ и о премудрости тво­ей:
9:6	и не вѣровахъ словесемъ ихъ, дондеже прiидохъ, и видѣста очи мо­и, и се, не воз­вѣстиша мнѣ половины множе­ст­ва премудрости тво­ея: при­­ложилъ еси ко слышанiю яже слышахъ:
9:7 См.: 🔗3Цар. 10:8 🔗Мф. 13:16	блажени мужiе тво­и и блажени раби тво­и сіи, иже предстоятъ предъ тобою на всяко время и слышатъ премудрость твою:
9:8 См.: 🔗3Цар. 10:9 🔗2Пар. 2:11	да будетъ Господь Богъ твой благословенъ, иже благоволи въ тебѣ, еже дати тя на престолъ свой царя Господу Богу тво­ему: зане воз­люби Господь Богъ твой Израиля, еже утвердити его во вѣкъ, и постави тя надъ ними царя, да сотвориши судъ и правду.
9:9 См.: 🔗3Цар. 10:10	Даде же царю сто двадесять талантъ злата и ароматы многи зѣло и каменiе драгое, и не быша ароматы таковы яко сiя, яже даде царица савска царю соломону.
9:10 См.: 🔗3Цар. 10:11	Но и раби хирамовы съ рабы соломоними при­­ношаху злато соломону драгое.
9:11	И сотвори соломонъ царь от­ древъ певговыхъ степени въ домъ Господень и въ домъ царевъ, и гусли и псалтири пѣсней, и никогдаже видѣна быша въ земли Иудинѣ прежде такоая.
9:12 См.: 🔗3Цар. 10:13	Царь же соломонъ даде царицѣ савстѣй вся по желанiю ея, ихже просила, кромѣ всѣхъ яже при­­несе царю соломону, и воз­вратися въ землю свою.
9:13 См.: 🔗3Цар. 10:14	Бѣ же вѣсъ злата при­­носимаго къ соломону на всяко лѣто шесть сотъ шестьдесятъ шесть талантъ злата,
9:14	кромѣ мужей поддан­ныхъ и купцовъ, иже при­­ношаху, и всѣхъ царей Аравскихъ и властелей земли, иже вси при­­ношаху злато и сребро царю соломону.
9:15 См.: 🔗3Цар. 10:16 🔗3Цар. 14:26	Сотвори убо царь соломонъ двѣсти щитовъ златыхъ тягненыхъ, шесть сотъ златникъ чистыхъ бяху во единѣмъ щитѣ:
9:16	и триста щитовъ златыхъ тягненыхъ, по триста златникъ бяше во единѣмъ ко­емждо щитѣ, и положи я царь въ дому древа Ливанова.
9:17 См.: 🔗3Цар. 10:18	Сотвори же царь престолъ от­ слоновыхъ зубовъ великъ, и позлати его златомъ чистымъ,
9:18	и шесть степенiй у престола позлащени златомъ, и мышчицы двѣ туду и сюду надъ престоломъ сѣдалища, и два льва стояща близъ мышчцей,
9:19	и два­на­де­сять львовъ стоящихъ тамо на шести степенехъ от­ обо­ихъ странъ: и не бысть таковъ престолъ во всяцѣмъ цар­ст­вѣ.
9:20 См.: 🔗3Цар. 10:21	Вси же сосуди царя соломона бяху златы, и вси сосуди дому дубравы Ливанскiя златомъ окружены, сребро бо во днехъ соломонихъ ни во что вмѣняшеся:
9:21 См.: 🔗3Цар. 10:22	зане корабль царевъ хожда­ше въ Ѳарсисъ съ рабы хирамовыми, единицею въ лѣта три при­­хожда­ше корабль от­ Ѳарсиса ко царю, полнъ злата и сребра и зубовъ слоновыхъ и обезъянъ.
9:22 См.: 🔗3Цар. 10:23 🔗2Пар. 1:12	И воз­величися соломонъ паче всѣхъ царей земныхъ богат­ст­вомъ и мудростiю.
9:23 См.: 🔗Иак. 1:5	Вси же царiе земстiи желаху видѣти лице соломоне и слышати премудрость его, юже даде Богъ въ сердце его:
9:24	и при­­ношаху ему кійждо дары своя, сосуды сребряны и златы, и одѣянiя и стакту, и сладости, кони и мски, на всякое лѣто.
9:25 См.: 🔗3Цар. 4:26 🔗3Цар. 10:26	И бяху царю соломону четыредесять тысящъ кобылицъ къ колесницы и два­на­де­сять тысящъ кон­никъ, и постави ихъ во градѣхъ колесничныхъ и со царемъ во Иерусалимѣ.
9:26 См.: 🔗3Цар. 4:21	И быть вождь всѣхъ царей от­ рѣки [Евфрата] даже до земли иноплемен­никъ и даже до предѣлъ Египетскихъ.
9:27 См.: 🔗3Цар. 10:27 🔗2Пар. 1:15	И даде царь злато и сребро во Иерусалимѣ яко каменiе, и кедры яко черничiе, еже [раждает­ся] въ поляхъ множе­с­т­во.
9:28	И при­­водяху кони соломону от­ Египта и от­ всея земли.
9:29 См.: 🔗3Цар. 1:11 🔗3Цар. 11:41	И прочая словеса соломоня первая и послѣдняя, се, сiя писана суть въ словесѣхъ наѳана пророка и въ словесѣхъ Ахіи Силониты и въ видѣнiихъ Иоиля видящаго, противу иеровоама сына наватова.
9:30 См.: 🔗3Цар. 11:42	И цар­ст­вова соломонъ во Иерусалимѣ надъ всѣмъ Израилемъ четыредесять лѣтъ.
9:31 См.: 🔗3Цар. 11:43	И успе соломонъ со отцы сво­ими, и погребоша его во градѣ давида отца его. И воцарися ровоамъ сынъ его вмѣсто его.