Четвёртая книга Царств (Вторая книга Царей), глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1 См.: 🔗Ис. 37:1	И бысть егда услыша царь езекіа, и раздра ризы своя, и облечеся во вретище, и вниде въ домъ Господень.
19:2 См.: 🔗4Цар. 18:18	И посла Елiакима стро­ителя, и сомнаса книгочiа и старѣйшины жерцевъ облечены во вретище ко Исаiи пророку сыну Амосову.
19:3 См.: 🔗Ис. 13:8 🔗Ис. 26:18 🔗Ис. 37:3	И рѣша ему: сице глаголетъ езекіа: день скорби и обличенiя и прогнѣванiя день сей, яко прiидоша сынове даже до болѣзнорожденiя, и крѣпости нѣсть раждающей:
19:4	аще како послушаетъ Господь Богъ твой всѣхъ словесъ рапсаковыхъ, егоже и посла царь Ассирійскiй господинъ его поносити Богу живому и хулити словесы, ихже слыша Господь Богъ твой, и прiими молитву о останцѣ обрѣтающемся.
19:5 См.: 🔗Ис. 37:6	И прiидоша отроцы царя езекіи ко Исаiи.
19:6	И рече имъ Исаiа: сице рцыте господину ва­шему: тако глаголетъ Господь: не убойся от­ лица словесъ, ихже слышалъ еси, имиже похулиша мя отроцы царя Ассирійска:
19:7 См.: 🔗4Цар. 7:6 🔗4Цар. 19:9	се, азъ даю ему духа, и услышитъ воз­вѣщенiе и воз­вратит­ся въ землю свою: и низложу его оружiемъ въ земли его.
19:8	И воз­вратися рапсакъ и обрѣте царя Ассирійска воююща на ловну: услыша бо, яко от­ступи от­ лахиса.
19:9 См.: 🔗Ис. 37:9	И слыша о Ѳаракѣ цари еѳiопстѣмъ, глаголя: се, изыде ратоватися съ тобою. И воз­вратися и посла послы ко езекіи, глаголя: тако рцыте езекіи царю Иудейску:
19:10 См.: 🔗4Цар. 18:30	да не воз­носитъ тя Богъ твой, на негоже ты надѣешися глаголя: не имать преданъ быти Иерусалимъ въ руцѣ царя Ассирійска:
19:11	се, ты слышалъ еси вся, елика сотвориша царiе Ассирійстiи всѣмъ землемъ, еже прокляти ихъ, и ты ли избудеши?
19:12 См.: 🔗4Цар. 18:33 🔗2Пар. 32:19	еда избавляюще избавиша ихъ и бози языковъ, ихже расточиша отцы мо­и, гозану и Харану, и Фаресу и сыны Едомли, иже во Ѳалассарѣ?
19:13	гдѣ есть царь Емаѳовъ и царь Арфадовъ? и гдѣ есть царь града Сепфаруима, Ана и Ава?
19:14 См.: 🔗Ис. 37:14	И прiятъ царь езекіа книги от­ руки пословъ и прочте я: и вниде въ храмъ Господень, и разгну ихъ езекіа предъ Господемъ,
19:15 См.: 🔗1Цар. 4:4 🔗Пс. 98:1	и молися езекіа предъ Господемъ и рече: Господи Боже Израилевъ, сѣдяй на херувимѣхъ, ты еси Богъ единъ бо всѣхъ цар­ст­вiихъ земли, ты сотворилъ еси небо и землю:
19:16 См.: 🔗1Цар. 17:10	при­­клони, Господи, ухо твое и услыши мя: от­верзи, Господи, очи тво­и и виждь, и услыши словеса сен­нахирима, яже посла поношая тебѣ Богу живу:
19:17	яко по­истин­нѣ, Господи, опустошиша царiе Ассирійстiи языки,
19:18	и даша боги ихъ на огнь, яко не бози бѣша, но дѣла руку человѣчу, древа и каменiя, и погубиша я:
19:19 См.: 🔗Сир. 36:5	и нынѣ, Господи Боже нашъ, спаси ны изъ руки его, и уразумѣютъ вся цар­ст­вiя земли, яко ты еси Господь Богъ единъ.
19:20 См.: 🔗2Пар. 32:20 🔗Ис. 37:21	И посла Исаiа сынъ Амосовъ ко езекіи, глаголя: тако глаголетъ Господь Богъ силъ, Богъ Израилевъ: слышахъ, о нихже молил­ся еси ко мнѣ, о сен­нахиримѣ царѣ Ассирійстѣ.
19:21 См.: 🔗Ис. 1:8	сiе слово, еже глагола Господь на него: уничижи тя и поругася тебѣ дѣвица и дщи Сiоня, надъ тобою главою сво­ею покива дщи Иерусалимля:
19:22	кому поносилъ еси, и кого похулилъ еси? и на кого воз­неслъ еси гласъ, и воз­двиглъ еси на высоту очи тво­и? на святаго Израилева.
19:23 См.: 🔗Ис. 37:24 🔗Зах. 11:2	рукою пословъ тво­ихъ поносилъ еси Господу, и реклъ еси: со множе­с­т­вомъ колесницъ мо­ихъ взыду азъ на вышнюю часть горы Ливанскiя, и усѣку величе­с­т­во от­ кедръ ея и избран­ныя кипарисовъ ея, и прiиду въ средину чащи кармилскiя:
19:24 См.: 🔗Ис. 37:25	азъ изсушихъ, и пiяхъ воды чуждыя, и опустошихъ стопами ногъ мо­ихъ вся рѣки окрестныя:
19:25 См.: 🔗Ис. 43:13 🔗Ис. 44:7	еда не слышалъ еси? издавна ю сотворихъ, от­ дній первыхъ создахъ ю и при­­несохъ ю: и бысть въ холмы преселниковъ воююшихъ грады тверды:
19:26 См.: 🔗Пс. 36:2 🔗Пс. 91:8 🔗Ис. 37:27	и живущiи въ нихъ изнемогоша рукою, сотрясошася и постыдѣшася, быша [яко] трава селная, или злачно былiе, злакъ иже на зданiихъ, и попранiя противу стоящаго:
19:27	и сѣдѣнiе твое, и исходъ твой, и входъ твой разумѣхъ, и гнѣвъ твой на мя,
19:28 См.: 🔗3Цар. 20:28 🔗Иез. 29:4	занеже разгнѣвал­ся еси на мя и шумъ твой вниде во ушы мо­и, и вложу удицу мою въ ноздри твоя и бразду во устнѣ тво­и, и воз­вращу тя по пути, имже при­­шелъ еси.
19:29 См.: 🔗Ис. 37:30 🔗Лев. 25:3	И сiе тебѣ знаменiе, [езекіе]: яждь въ сiе лѣто прозябающая самородная, и въ лѣто второе прозябающая, и въ лѣто третiе сѣйте сѣмена и жните, садите винограды, и да ясте плодъ ихъ:
19:30	и при­­ложитъ спасшееся дому Иудова, остав­шееся, корень долѣ, и сотворитъ плодъ горѣ,
19:31 См.: 🔗Ис. 37:32	яко изъ Иерусалима изыдетъ останокъ, и спасаемый изъ горы Сiони: ревность Господа силъ сотворитъ сiе.
19:32	сего ради тако глаголетъ Господь [силъ] на царя Ассирійска: не имать внити во градъ сей, и не имать устрѣлити намъ стрѣлы, и не достигнетъ къ нему щитъ, и не имать осыпати его землею:
19:33	но путемъ, имже прiиде тѣмже воз­вратит­ся, и во градъ сей не имать внити, глаголетъ Господь,
19:34 См.: 🔗4Цар. 20:6 🔗3Цар. 11:13	и защищу градъ сей, еже спасти его мене ради и давида ради раба мо­его.
19:35 См.: 🔗Сир. 48:24 🔗Ис. 37:36 🔗1Мак. 7:41 🔗2Мак. 8:19 🔗2Мак. 15:22 🔗2Пар. 32:21	И бысть въ нощь ону, и сниде ангелъ Господень и уби от­ полка Ассирійскаго сто осмьдесятъ и пять тысящъ. И восташа заутра, и се, вся трупiя мертва.
19:36	И воста, и отъиде, и воз­вратися сен­нахиримъ царь Ассирійскiй, и вселися въ Ниневію.
19:37 См.: 🔗Тов. 1:21 🔗1Езд. 4:2	И бысть ему кланя­ю­щуся во храмѣ месераха бога сво­его, и Адрамелехъ и сарасаръ сынове его убиста его мечемъ: сами же бѣжаста въ землю Араратску. И воцарися Асорданъ сынъ его вмѣсто его.