Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 24 | |
24:1 См.: 🔗2Пар. 36:6 🔗Дан. 1:1 | Во днехъ его взыде навуходоносоръ царь Вавилонскiй, и бысть ему Иоакимъ рабъ три лѣта, и отвратися, и отвержеся его. |
24:2 См.: 🔗4Цар. 22:15 🔗Иер. 13:9 | И посла Господь ему единопоясники халдейскiя и единопоясники сирійскiя, поясники сыновъ Аммонихъ, и посла ихъ въ землю Иудову на побѣжденiе по словеси Господню, еже глагола рукою рабовъ своихъ пророковъ. |
24:3 См.: 🔗4Цар. 21:11 | Обаче прiиде по гнѣву Господню на Иуду, еже отставити его от лица своего грѣхъ ради Манассіиныхъ, по всѣмъ елика сотвори, |
24:4 См.: 🔗4Цар. 21:16 | и кровь неповинную пролiя, и наполни Иерусалимъ крове неповинныя, сего ради не восхотѣ Господь умилостивитися. |
24:5 См.: 🔗2Пар. 36:5 | И прочая словесъ Иоакимовыхъ, и вся елика сотвори, не се ли, сiя написана въ книзѣ словесъ дній царей Иудиныхъ? |
24:6 См.: 🔗Мф. 1:11 | И успе Иоакимъ со отцы своими, и воцарися Иехоніа вмѣсто его. |
24:7 См.: 🔗Быт. 15:18 | И не приложи ксему царь Египетскiй изыти изъ земли своея, яко взя царь Вавилонскiй от потока Египетска даже до рѣки Евфрата, вся елика быша царя Египетска. |
24:8 См.: 🔗2Пар. 36:9 | Сынъ осминадесяти лѣтъ Иехоніа, егда нача царствовати, и три месяцы царствова во Иерусалимѣ. Имя же матере его несѳа, дщи Еланасѳана, от Иерусалима. |
24:9 См.: 🔗4Цар. 23:32 | И сотвори лукавое предъ очима Господнима, по всему елико сотвори отецъ его. |
24:10 См.: 🔗Дан. 1:1 | И во время то взыде навуходоносоръ царь Вавилонский на Иерусалимъ, и бысть градъ во облеженiи. |
24:11 | И прiиде навуходоносоръ царь Вавилонскiй на градъ Иерусалимъ, и отроцы его около обсѣдяху градъ. |
24:12 См.: 🔗Иер. 22:24 🔗Иер. 29:2 | И изыде Иехоніа царь Иудинъ ко царю Вавилонскому, самъ и отроцы его, и мати его, и князи его, и скопцы его, и взя его царь Вавилонскiй въ осмое лѣто царства своего. |
24:13 | И изнесе вся сокровища оттуду сущая во храмѣ Господни и сокровища дому царева, и сокруши вся сосуды златыя, яже сотвори соломонъ царь Израилевъ во храмѣ по глаголу Господню, |
24:14 | и пресели Иерусалимляны и вся князи, и сильныя крѣпостiю, плѣна десять тысящъ плѣнивъ, и всякаго древодѣля, и художники: и никтоже остася, токмо убозiи земли тоя: |
24:15 См.: 🔗2Пар. 36:10 🔗Есф. 2:6 | и преведе Иехонію въ Вавилонъ, и матерь цареву, и жены царевы, и скопцы его, и крѣпкiя земли тоя введе на преселенiе изъ Иерусалима въ Вавилонъ: |
24:16 | и вся мужы силы, седмь тысящъ, и древодѣль и художниковъ тысящу, вси сильнiи творящiи брань, и введе ихъ царь Вавилонскiй въ преселенiе въ Вавилонъ. |
24:17 См.: 🔗Иер. 37:1 | И постави царемъ Вавилонскiй царь ватѳанію сына его вмѣсто его, и преложи имя ему седекіа. |
24:18 См.: 🔗2Пар. 36:11 🔗Иер. 52:1 | Сынъ двадесяти и единаго лѣта седекіа, внегда нача царствовати, и единонадесять лѣтъ царствова во Иерусалимѣ. Имя же матере его Амитала, дщи иереміина, от ловны. |
24:19 См.: 🔗4Цар. 23:32 | И сотвори лукавое предъ очима Господнима, по всему елика сотвори Иоакимъ, |
24:20 См.: 🔗4Цар. 17:18 🔗2Пар. 36:13 | яко ярость бѣ Господня на Иерусалимѣ и на Иудѣ, дондеже отверже я от лица своего. И отвержеся седекіа царя Вавилонска. |