Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 22 | |
22:1 | И глагола давидъ ко Господу словеса пѣсни сея въ день, въ оньже избави и Господь изъ руки всѣхъ врагъ его и изъ руки Сауловы, |
22:2 См.: 🔗Пс. 17:3 | и рече пѣснь: Господи, каменю мой и утвержденiе мое, и избавляяй мя мнѣ: |
22:3 | Богъ мой, хранитель мой будетъ мнѣ, уповая буду на него: защитникъ мой и рогъ спасенiя моего, заступникъ мой и прибѣжище мое спасенiя моего, от неправеднаго спасеши мя. |
22:4 | Хвальнаго призову Господа, и от врагъ моихъ спасуся: |
22:5 | яко одержаша мя болѣзни смертныя и потоцы беззаконiя смятоша мя, |
22:6 | болѣзни смертныя обыдоша мя, предвариша мя жестокости смертныя. |
22:7 | Внегда скорбѣти ми призову Господа, и къ Богу моему воззову, и услышитъ от храма святаго своего гласъ мой, и вопль мой внидетъ во ушы его. |
22:8 См.: 🔗Пс. 17:8 | И смятеся и трепетна бысть земля, и основанiя небесе смятошася и подвигошася, яко прогнѣвася на ня Господь: |
22:9 См.: 🔗Исх. 24:17 🔗Втор. 4:24 | взыде дымъ гнѣвомъ его, и огнь изъ устъ его поястъ: углiе возгорѣшася от него, |
22:10 | и преклони небеса и сниде, и мракъ подъ ногама его, |
22:11 | и всѣде на херувимы и летѣ, и явися на крилу вѣтреню, |
22:12 См.: 🔗Иов. 36:28 🔗Ис. 50:3 | и положи тму закровъ свой: окрестъ его селенiе его, темноту водъ огусти во облацѣхъ воздушныхъ: |
22:13 | от сiянiя предъ нимъ разгорѣшася углiе огненнiи. |
22:14 См.: 🔗Пс. 28:3 | И возгремѣ съ небесе Господь, и вышнiй даде гласъ свой, |
22:15 | и посла стрѣлы, и расточи ихъ: и блесну молнiю, и устраши я: |
22:16 | и явишася источницы морстіи, и открышася основанiя вселенныя от запрещенiя Господня, от дохновенiя Духа гнѣва его: |
22:17 | посла съ высоты и прiятъ мя, извлече мя от водъ многихъ: |
22:18 | избави мя от врагъ моихъ сильныхъ и от ненавидящихъ мя, яко укрѣпишася паче мене: |
22:19 | предвариша мя въ день печали моея. И бысть Господь утвержденiе мое, |
22:20 См.: 🔗Пс. 30:9 | и изведе мя на широту, и избави мя, яко благоволи во мнѣ. |
22:21 См.: 🔗Иов. 22:30 🔗Пс. 4:2 | И воздаде ми Господь по правдѣ моей, и по чистотѣ руку моею воздаде ми, |
22:22 | яко сохранихъ пути Господни и не нечествовахъ от Бога моего, |
22:23 | яко вся судьбы его предо мною, и оправданiя его не отступиша от мене, |
22:24 | и буду непороченъ ему, и сохранюся от беззаконiя моего. |
22:25 См.: 🔗Пс. 7:10 | И воздастъ ми Господь по правдѣ моей и по чистотѣ руку моею предъ очима его. |
22:26 | Съ преподобнымъ преподобенъ будеши, и съ мужемъ неповиннымъ неповиненъ будеши: |
22:27 | и со избраннымъ избранъ будеши, и со строптивымъ развратишися: |
22:28 | люди же смиренныя спасеши, и очи гордыхъ смириши. |
22:29 | Яко ты просвѣщаеши свѣтилникъ мой, Господи, и Господь просвѣтитъ ми тму мою: |
22:30 | яко тобою потеку препоясанъ, и о Бозѣ моемъ прелѣзу стѣну. |
22:31 | Крѣпокъ, непороченъ путь его: глаголъ Господень державенъ, разжженъ: защитникъ есть всѣмъ уповающымъ на него. |
22:32 См.: 🔗Исх. 15:11 🔗Ис. 43:11 | Яко кто крѣпокъ развѣ Господа? и кто творецъ развѣ Бога нашего? |
22:33 | Крѣпокъ укрѣпляяй мя силою, и положи непороченъ путь мой: |
22:34 | положивый нозѣ мои яко елени, и на высокихъ поставляяй мя: |
22:35 См.: 🔗Быт. 49:8 🔗Втор. 33:29 | научаяй руцѣ мои на брань, и положивый лукъ мѣдянъ мышца моя. |
22:36 См.: 🔗Пс. 3:4 | И далъ ми еси защищенiе спасенiя моего, и кротость твоя умножи мя. |
22:37 | Разширилъ еси стопы моя подо мною, и не позыбнустѣся голени мои. |
22:38 | Пожену враги моя и потреблю я, и не возвращуся дондеже скончаю ихъ: |
22:39 См.: 🔗Пс. 26:2 | и сокрушу ихъ, и не востанутъ, и падутъ подъ ногама моима. |
22:40 | И укрѣпиши мя силою на брань, подклониши востающыя на мя подъ мя. |
22:41 См.: 🔗Быт. 49:8 | И враги моя далъ ми еси хребетъ, ненавидящыя мя, и умертвилъ еси ихъ: |
22:42 | возопiютъ, и нѣсть помощника, ко Господу, и не услыша ихъ: |
22:43 | и истнихъ я яко прахъ земный, яко бренiе путій истончихъ я. |
22:44 См.: 🔗2Цар. 8:6 🔗Пс. 59:10 | И избавиши мя от прерѣканiя людій моихъ, сохраниши мя въ главу языковъ. И людiе, ихже не вѣдяхъ, работаша ми. |
22:45 | Сынове чуждіи солгаша ми, въ слухъ уха услыша мя: |
22:46 | сынове чуждіи отвержени будутъ, и вострепещутъ во градѣхъ своихъ. |
22:47 | Живъ Господь, и благословенъ хранитель мой, и вознесется Богъ мой, хранитель спасенiя моего. |
22:48 | Крѣпкiй Господь даяй отмщенiя мнѣ и наказуяй люди подъ мя, |
22:49 | и изводяй мя от врагъ моихъ, и от востающихъ на мя вознесеши мя, от мужа неправедна избавиши мя. |
22:50 См.: 🔗Рим. 15:9 | Сего ради исповѣмся тебѣ, Господи, во языцѣхъ, и имени твоему воспою: |
22:51 | величаяй спасенiя царя своего, и творяй милость христу своему давиду и сѣмени его до вѣка. |