Вторая книга Царств (Вторая книга Самуила), глава 23

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 23
23:1 См.: 🔗2Цар. 7:12 🔗Кол. 3:16	И сiя словеса давидова послѣдняя. Вѣренъ давидъ сынъ Иессеовъ, и вѣренъ мужъ, егоже воз­стави Господь въ христа Бога Иаковля, и благолѣпны псалмы Израилевы.
23:2 См.: 🔗Деян. 1:16 🔗Мк. 12:36	И Духъ Господень глагола во мнѣ, и слово его на языцѣ мо­емъ.
23:3 См.: 🔗Исх. 17:5	Глаголетъ Богъ Израилевъ: мнѣ глагола хранитель Израилевъ притчу: рѣхъ въ человѣцѣхъ: како удержите страхъ Божiй?
23:4 См.: 🔗Ин. 1:4 🔗Пс. 109:3 🔗Прит. 4:18	И во свѣтѣ Божiи утрен­нѣмъ, и воз­сiя солнце заутра, не прейде от­ сiянiя, и яко от­ дождя злачна от­ земли.
23:5 См.: 🔗2Цар. 7:15	Не тако бо домъ мой съ крѣпкимъ: завѣтъ бо вѣченъ положи ми, готовъ во всякомъ времени сохраненъ: яко все спасенiе мое и все хотѣнiе во Господѣ, яко не имать прозябнути беззакон­ный.
23:6 См.: 🔗Пс. 57:10 🔗Евр. 6:8	Якоже тернiе извержено вси сіи, яко не возмут­ся рукою,
23:7 См.: 🔗Ис. 1:31	и мужъ не потрудит­ся въ нихъ: и множе­с­т­во желѣза, и древо копійное, и огнемъ сожжетъ, и попалят­ся въ срамоту свою.
23:8 См.: 🔗1Пар. 11:11	Сiя имена сильныхъ давидовыхъ: Иевосѳей Хананеанинъ князь третiяго есть: Адинонъ Асоней, сей обнажи мечь свой на осмь сотъ воиновъ [и побѣди] единою.
23:9 См.: 🔗1Пар. 11:12 🔗1Пар. 27:4	И по немъ Елеазаръ, сынъ отца брата его, въ трiехъ сильныхъ братiяхъ, сей бѣ со давидомъ [во сирранѣ] внегда поносити ему во иноплемен­ницѣхъ: и иноплемен­ницы собрашася тамо на брань,
23:10 См.: 🔗1Цар. 11:13 🔗1Цар. 14:45	и изыдоша мужiе Израилевы противу лица ихъ, и той воста и убива­ше иноплемен­ники, дондеже утрудися рука его и при­­льпе рука его къ мечу: и сотвори Господь спасенiе велико въ той день: и людiе обратишася вслѣдъ его токмо совлачати.
23:11	И по немъ самаіа сынъ асы, Арухейскiй: и собрашася иноплемен­ницы во Ѳирію: и бѣ тамо часть села исполнь лящи: и людiе бѣжаша от­ лица иноплемен­нича:
23:12	и ста аки столпъ посредѣ части, и исхити ю, и порази иноплемен­ники: и сотвори Господь спасенiе велико.
23:13 См.: 🔗1Пар. 11:15	И снидоша три князи от­ тридесятихъ, и прiидоша въ касонъ къ давиду въ вертепъ Одолламъ: и чинове иноплемен­никъ ополчишася во юдоли Рафаинстѣй.
23:14 См.: 🔗1Пар. 11:16	И давидъ тогда бѣ во обдержанiи, и станъ иноплемен­ническъ бѣ тогда въ Виѳлеемѣ.
23:15 См.: 🔗1Пар. 11:17	И воз­жада давидъ и рече: кто напо­итъ мя водою изъ рова, иже въ Виѳлеемѣ при­­ вратѣхъ? станъ же бѣ тогда иноплемен­ничь въ Виѳлеемѣ.
23:16	И расторгоша трiе сильнiи ополченiе иноплемен­ничо, и почерпоша воды изъ рова Виѳлеемскаго, иже при­­ вратѣхъ: и взяша, и прiидоша ко давиду, и не восхотѣ пити ея: и воз­лiя ю Господу
23:17 См.: 🔗1Пар. 11:19	и рече: милостивъ мнѣ, Господи, еже сотворити сiе, кровь ли мужей пошедшихъ въ душахъ сво­ихъ пити имамъ? И не восхотѣ пити ея. Сiя сотвориша трiе сильнiи.
23:18 См.: 🔗1Пар. 11:20 🔗2Цар. 21:17	И Авесса братъ Иоавль сынъ саруинъ, сей бѣ князь въ трiехъ, и сей воз­движе копiе свое на триста язвеныхъ, и тому имя есть въ трiехъ.
23:19	От трiехъ оныхъ славный, и бысть имъ князь, и даже до трiехъ не прiиде.
23:20 См.: 🔗1Пар. 11:22 🔗1Пар. 27:5 🔗Нав. 15:21	И ванеа сынъ Иодаевъ, мужъ сей премногъ въ дѣлѣхъ, от­ кавасаила, и сей уби два сына Арiила Моавскаго: и той сниде, и уби льва посредѣ рова въ день снѣженъ:
23:21	и той порази мужа Египтянина, мужа красна, въ руцѣ же Египтянина копiе яко древо лѣ­ст­вицы корабленыя: и сниде къ нему со палицею, и исторже копiе изъ руку Египтянина, и уби его копiемъ его:
23:22	сiя сотвори ванеа сынъ Иодаевъ, и тому имя въ трiехъ сильныхъ,
23:23	от­ трiехъ славный, и ко трiемъ не прiиде: и постави его давидъ надъ таин­ники сво­ими.
23:24 См.: 🔗1Пар. 11:26 🔗1Пар. 27:7	И сiя имена сильныхъ давида царя: Асаилъ братъ Иоавль, сей въ тридесятихъ: Елеананъ сынъ отца брата его от­ Виѳлеема:
23:25	семоѳъ Ародiинъ:
23:26	хеллисъ келоѳійскiй: Ира сынъ еккиса Ѳекоитскаго:
23:27	Авiезеръ Анаѳоѳитскiй: Савухей иже от­ Асоѳиты:
23:28	Еллонъ алонитскiй: мо­ей нетофаѳитянинъ:
23:29 См.: 🔗1Пар. 27:15	ели сынъ Ваань, иже от­ нетофаѳитъ: еѳѳи сынъ Ривань от­ гаваона сыновъ Венiаминихъ:
23:30 См.: 🔗1Пар. 11:31 🔗1Пар. 27:14	ванеасъ фараѳонитскiй: урій от­ Наалгеа:
23:31	Арiилъ сынъ Аравоѳитянина: заоръ Варсамитскiй:
23:32	Елеаса сынъ Салавонитскiй: Васей гонитскiй:
23:33	Ионаѳанъ сынъ самана Ароритскаго: Ахiанъ сынъ Арати Араѳурскаго:
23:34	Елифалаѳъ сынъ маахiавль: Елiавъ сынъ Ахитофела гелонитскаго:
23:35	Асараи кармилскiй: уремъ сынъ Асви:
23:36	и гала сынъ наѳановъ: и Ваанъ сынъ агаринъ:
23:37	елли Амманитскiй: гелорей вироѳійскiй, носяй оружiе Иоава сына саруина:
23:38	Ирасъ еѳѳирскiй: гаревъ иерѳейскiй: и уріа геѳейскiй.
23:39 См.: 🔗2Цар. 11:3	Всѣхъ тридесять и седмь.