Откровение Иоанна Богослова (Апокалипсис), глава 17

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 17
17:1 См.: 🔗Наум. 3:4	И прiиде единъ от­ седми Ангелъ имущихъ седмь фiалъ, и глагола со мною, глаголя ми: прiиди, да покажу ти судъ любо­дѣйцы великiя, сѣдящiя на водахъ многихъ:
17:2 См.: 🔗Иер. 51:7 🔗Отк. 14:8 🔗Отк. 18:3	съ неюже любо­дѣяша царiе земстiи, и упишася живущiи на земли от­ вина любо­дѣянiя ея.
17:3 См.: 🔗2Фес. 2:3 🔗Отк. 13:1	И веде мя въ пусто мѣсто духомъ: и видѣхъ жену сѣдящу на звѣри червленѣ, исполненѣмъ именъ хулныхъ, иже имѣяше главъ седмь и роговъ десять.
17:4	И жена бѣ облечена въ порфиру и червленицу, и позлащена златомъ и каменiемъ драгимъ и бисеромъ, имущи чашу злату въ руцѣ сво­ей полну мерзости и сквернъ любо­дѣянiя ея:
17:5 См.: 🔗Отк. 16:19 🔗Отк. 18:2	и на челѣ ея написано имя: тайна, Вавилонъ великiй, мати любо­дѣйцамъ и мерзостемъ земскимъ.
17:6	И видѣхъ жену пiяну кровьми святыхъ и кровьми свидѣтелей Иисусовыхъ, и дивихся, видѣвъ ю, дивомъ великимъ.
17:7	И рече ми Ангелъ: что дивишися? Азъ ти реку тайну жены [сея] и звѣря носящаго ю, седмь главъ имуща и роговъ десять.
17:8 См.: 🔗Дан. 12:1 🔗Отк. 11:7 🔗Отк. 13:1 🔗Отк. 20:12	Звѣрь, егоже видѣлъ еси, бѣ, и нѣсть, и имать взыти от­ бездны, и въ пагубу пойдетъ: и удивят­ся живущiи на земли, имже имена не написана суть въ книгу животную от­ сложенiя мiра, видяще, яко звѣрь бѣ, и нѣсть, и преста {видяще звѣря, иже бѣ, и нѣсть, и предстанетъ}.
17:9	Здѣ умъ, иже имать мудрость. Седмь главъ горы суть седмь, идѣже жена сѣдитъ на нихъ,
17:10	и царiе седмь суть: пять ихъ пало, и единъ есть, [а] другій еще не прiиде: и егда прiидетъ, мало ему есть пребыти {подобаетъ быти}.
17:11	И звѣрь, иже бѣ и нѣсть, и той осмый есть, и от­ седмихъ есть, и въ пагубу идетъ.
17:12 См.: 🔗Дан. 7:20 🔗Отк. 13:1	И десять роговъ, яже видѣлъ еси, десять царей суть, иже цар­ст­ва еще не прiяша, но область яко царiе на единъ часъ прiимутъ со звѣремъ.
17:13	Сіи едину волю имутъ, и силу и область свою звѣрю дадутъ:
17:14 См.: 🔗Дан. 7:27 🔗Мф. 28:18 🔗1Тим. 6:15 🔗Отк. 18:8 🔗Отк. 19:16	сіи со Агнцемъ брань сотворятъ, и Агнецъ побѣдитъ я, яко Господь господемъ есть и Царь царемъ: и сущiи съ Нимъ зван­нiи и избран­нiи и вѣрни.
17:15 См.: 🔗Ис. 8:7	И глагола ми: воды, яже еси видѣлъ, идѣже любо­дѣйца сѣдитъ, людiе и народи суть, и племена и языцы.
17:16 См.: 🔗Отк. 18:8	И десять роговъ, яже видѣлъ еси на звѣри, сіи любо­дѣйцу воз­ненавидятъ, и запустѣв­шу сотворятъ ю и нагу, и плоть ея снѣдятъ, и сожгутъ ю огнемъ:
17:17	Богъ бо далъ есть въ сердца ихъ, сотворити волю Его, и сотворити едину волю, и дати цар­ст­во свое звѣрю, дондеже скончают­ся глаголы Божiи.
17:18 См.: 🔗Отк. 16:19	И жена, юже видѣлъ еси, градъ есть великiй, иже имать цар­ст­во надъ цари земными.