Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 19 | |
19:1 | И по сихъ слышахъ гласъ велiй народа многа на небеси, глаголющаго: аллилуiа: спасенiе и слава, и честь и сила Господу нашему, |
19:2 | яко истинни и прави суди Его: яко судилъ есть любодѣйцу велику, яже посмради {растли} землю любодѣянiемъ своимъ, и отмстилъ кровь рабовъ Своихъ от руки ея. |
19:3 См.: 🔗Ис. 34:10 🔗Отк. 14:11 | И второе рѣша: аллилуiа. И дымъ ея восхождаше во вѣки вѣковъ. |
19:4 | И падоша двадесять и четыри старцы и четыри животна и поклонишася Богови сѣдящему на престолѣ, глаголюще: аминь, аллилуiа. |
19:5 | И гласъ изыде от престола глаголющь: пойте Богу нашему, вси раби Его и боящiися Его, и малiи и велицыи. |
19:6 См.: 🔗Иез. 1:24 🔗Отк. 11:15 | И слышахъ яко гласъ народа многа, и яко гласъ водъ многихъ, и яко гласъ громовъ крѣпкихъ, глаголющихъ: аллилуiа, яко воцарися Господь Богъ Вседержитель: |
19:7 | радуимся и веселимся, и дадимъ славу Ему: яко прiиде бракъ Агнчiй, и жена Его уготовила есть себе. |
19:8 См.: 🔗Отк. 3:18 | И дано бысть ей облещися въ виссонъ чистъ и свѣтелъ: виссонъ бо оправданiя святыхъ есть. |
19:9 | И глагола ми: напиши: блажени званнiи на вечерю брака Агнча. И глагола ми: сiя словеса истинна Божiя суть. |
19:10 | И падъ предъ ногама его, поклонихся ему: и глагола ми: виждь, ни: клевретъ ти есмь и братiй твоихъ имущихъ свидѣтелство Иисусово: Богу поклонися: свидѣтелство бо Иисусово есть духъ пророчествiя. |
19:11 См.: 🔗Отк. 6:2 | И видѣхъ небо отверсто, и се, конь бѣлъ, и сѣдяй на немъ Вѣренъ и Истиненъ, и Правосудный и Воинственный: |
19:12 См.: 🔗Отк. 1:14 🔗Отк. 2:18 | очи же Ему [еста] яко пламень огненъ, и на главѣ Его вѣнцы мнози: имый имя написано, еже никтоже вѣсть, токмо Онъ Самъ: |
19:13 | и облеченъ въ ризу червлену кровiю. И нарицается имя Его Слово Божiе. |
19:14 См.: 🔗Отк. 7:9 | И воинства небесная идяху вслѣдъ Его на конехъ бѣлыхъ, облечени въ виссонъ бѣлъ и чистъ. |
19:15 | И изъ устъ Его изыде оружiе остро, да тѣмъ избiетъ языки: и Той упасетъ я жезломъ желѣзнымъ, и Той перетъ точило вина ярости и гнѣва Божiя Вседержителева. |
19:16 См.: 🔗Отк. 17:14 🔗Отк. 19:12 | И имать на ризѣ и на стегнѣ Своемъ имя написано: Царь царемъ и Господь господемъ. |
19:17 См.: 🔗Иер. 12:9 🔗Иез. 39:17 | И видѣхъ единаго Ангела стояща на солнцѣ: и возопи гласомъ велiимъ, глаголя всѣмъ птицамъ парящымъ посредѣ небесе: прiидите и соберитеся на вечерю великую Божiю, |
19:18 | да снѣсте плоти царей и плоти крѣпкихъ и плоти тысящниковъ, и плоти коней и сѣдящихъ на нихъ, и плоти всѣхъ свободныхъ и рабовъ, и малыхъ и великихъ. |
19:19 | И видѣхъ звѣря и цари земныя и вои ихъ собраны сотворити брань съ Сѣдящимъ на кони и съ воинствы Его. |
19:20 См.: 🔗Отк. 20:10 | И ятъ бысть звѣрь и съ нимъ лживый пророкъ, сотворивый знаменiя предъ нимъ, имиже прельсти прiемшыя начертанiе звѣрино и покланяющыяся иконѣ его: жива ввержена быста оба въ езеро огненное горящее жупеломъ: |
19:21 | а прочiи убiени быша оружiемъ Сѣдящаго на кони, изшедшимъ изъ устъ Его: и вся птицы насытишася от плотей ихъ. |