Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗Отк. 1:16 | Ангелу Ефесскiя церкве напиши: тако глаголетъ Держяй седмь звѣздъ въ десницѣ Своей, Ходяй посредѣ седми свѣтилниковъ златыхъ: |
2:2 | вѣмъ твоя дѣла, и трудъ твой, и терпѣнiе твое, и яко не можеши носити злыхъ, и искусилъ еси глаголющыяся быти апостолы, и не суть, и обрѣлъ еси ихъ ложныхъ: |
2:3 См.: 🔗Гал. 6:9 | и понеслъ еси, и терпѣнiе имаши, и за имя Мое трудился еси и не изнемоглъ еси. |
2:4 | Но имамъ на тя, яко любовь твою первую оставилъ еси. |
2:5 См.: 🔗Иез. 18:24 🔗Отк. 3:3 | Помяни убо, откуду спалъ еси, и покайся, и первая дѣла сотвори: аще же ни, гряду тебѣ скоро и двигну свѣтилникъ твой от мѣста своего, аще не покаешися. |
2:6 | Но се имаши, яко ненавидиши дѣлъ Николаитскихъ, ихже и Азъ ненавижду. |
2:7 См.: 🔗Быт. 2:9 🔗1Езд. 7:58 | Имѣяй ухо да слышитъ, что Духъ глаголетъ церквамъ: побѣждающему дамъ ясти от древа животнаго, еже есть посредѣ рая Божiя. |
2:8 | И Ангелу церкве Смирнскiя напиши: тако глаголетъ Первый и Послѣднiй, Иже бысть мертвъ, и [се,] живъ есть: |
2:9 | вѣмъ твоя дѣла и скорбь и нищету, но богатъ еси, и хулы глаголющихся быти Иудей, и не суть, но сонмище сатанино. |
2:10 См.: 🔗Мф. 10:21 | Не бойся ничесоже, яже имаши пострадати. Се, имать дiаволъ всаждати от васъ въ темницы, да искуситеся: и имѣти будете скорбь до десяти дній. Буди вѣренъ даже до смерти, и дамъ ти вѣнецъ живота. |
2:11 См.: 🔗Отк. 21:8 | Имѣяй ухо слышати да слышитъ, что Духъ глаголетъ церквамъ: побѣждаяй не имать вредитися от смерти вторыя. |
2:12 См.: 🔗Отк. 1:16 🔗Отк. 19:21 | И Ангелу Пергамскiя церкве напиши: тако глаголетъ Имѣяй мечь обоюду изощренъ: |
2:13 | вѣмъ дѣла твоя, и гдѣ живеши, идѣже престолъ сатанинъ: и держиши имя Мое, и не отверглся еси вѣры Моея и въ [Моя] дни, въ няже Антипасъ свидѣтель Мой вѣрный, иже убiенъ бысть въ васъ, идѣже живетъ сатана. |
2:14 См.: 🔗Чис. 25:1 🔗Чис. 31:16 | Но имамъ на тя мало, яко имаши ту держащихъ ученiе Валаамово, иже учаше Валака положити соблазнъ предъ сынми Израилевыми, ясти жертвы идолскiя и любы творити. |
2:15 | Тако имаши и ты держащыя ученiе Николаитско, егоже ненавижду. |
2:16 | Покайся: аще ли ни, прiиду тебѣ скоро и брань сотворю съ ними мечемъ устъ Моихъ. |
2:17 См.: 🔗Ис. 65:15 🔗Ин. 6:33 | Имѣяй ухо слышати да слышитъ, что Духъ глаголетъ церквамъ: побѣждающему дамъ ясти от манны сокровенныя, и дамъ ему камень бѣлъ и на камени имя ново написано, егоже никтоже вѣсть, токмо прiемляй. |
2:18 См.: 🔗Отк. 1:14 | И Ангелу Ѳиатирскiя церкве напиши: тако глаголетъ Сынъ Божiй, Имѣяй очи свои яко пламень огненъ, и нозѣ Его подобнѣ халколивану: |
2:19 См.: 🔗2Кор. 9:12 | вѣмъ твоя дѣла и любовь, и службу и вѣру, и терпѣнiе твое и дѣла твоя, и послѣдняя болша первыхъ. |
2:20 См.: 🔗Исх. 34:15 🔗1Кор. 10:19 | Но имамъ на тя мало, яко оставляеши женѣ Иезавели, глаголющей себе быти пророчицу, учити и льстити Моя рабы, любодѣйствовати и снѣсти жертву идолскую. |
2:21 | И дахъ ей время, да покается от любодѣйства своего, и не покаяся. |
2:22 | Се, Азъ полагаю ю на одрѣ и любодѣющыя съ нею въ скорбь велiю, аще не покаются от дѣлъ своихъ: |
2:23 | и чада ихъ умрутъ смертiю {и чада ея убiю смертiю}: и уразумѣютъ вся церкви, яко Азъ есмь испытаяй сердца и утробы: и дамъ вамъ комуждо по дѣломъ вашымъ. |
2:24 | Вамъ же глаголю и прочымъ сущымъ въ Ѳиатирѣ, иже не имутъ ученiя сего и иже не разумѣютъ глубинъ сатаниныхъ, якоже глаголютъ: не возложу на вы тяготы иныя: |
2:25 | токмо, еже имате, держите, дондеже прiиду. |
2:26 | И побѣждающему и соблюдающему дѣла Моя до конца, дамъ ему власть на языцѣхъ, |
2:27 См.: 🔗Пс. 2:9 | и упасетъ я жезломъ желѣзнымъ, яко сосуды скудельничи сокрушатся, якоже и Азъ прiяхъ от Отца Моего: |
2:28 См.: 🔗2Пет. 1:19 🔗Отк. 22:16 | и дамъ ему звѣзду утреннюю. |
2:29 | Имѣяй ухо слышати да слышитъ, что Духъ глаголетъ церквамъ. |