Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 11 | |
11:1 См.: 🔗Втор. 12:1 | И да возлюбиши Господа Бога твоего, и сохраниши стражбы Его и оправданiя Его и заповѣди Его и суды Его во вся дни. |
11:2 | И увѣсте днесь, яко не чада ваша, елицы не свѣдѣша, ниже видѣша наказанiя Господа Бога твоего и величества Его, и руки сильныя и мышцы высокiя, |
11:3 | и знаменiй Его и чудесъ Его, елика сотвори посредѣ Египта фараону царю Египетску и всей земли его, |
11:4 См.: 🔗Исх. 14:25 🔗Исх. 15:1 | и елика сотвори силѣ Египетстѣй: колесницы ихъ и кони ихъ како потопи вода моря Чермнаго, предъ лицемъ ихъ, гонящымъ имъ вслѣдъ васъ, и погуби ихъ Господь Богъ до днешняго дне: |
11:5 | и елика сотвори вамъ въ пустыни, дондеже прiидосте на мѣсто сiе: |
11:6 См.: 🔗Чис. 16:30 🔗Пс. 105:17 | и елика сотвори Даѳану и Авирону сыномъ Елiава сына Рувимля, яже отверзши земля уста своя пожре ихъ, и домы ихъ, и кущы ихъ, и все ихъ имѣнiе съ ними, среди всего Израиля: |
11:7 | яко очи ваши видѣста вся дѣла Господня великая, елика сотвори въ васъ днесь. |
11:8 | И сохраните вся заповѣди Его, елики азъ заповѣдаю вамъ днесь, да живете и умножитеся, и внидете и наслѣдите землю, на нюже вы преходите чрезъ Иорданъ тамо наслѣдити ю: |
11:9 См.: 🔗Втор. 4:40 🔗Втор. 5:33 | да многи дни будете на земли, еюже клятся Господь отцемъ вашымъ дати имъ и сѣмени ихъ по нихъ землю кипящую млекомъ и медомъ. |
11:10 См.: 🔗3Цар. 21:2 | Есть бо земля, на нюже вы идете тамо наслѣдити ю, не яко земля Египетска есть, отнюдуже изыдосте, егда сѣютъ сѣмя и напаяютъ ю ногами своими, аки вертоградъ зелейный: |
11:11 См.: 🔗Пс. 64:10 🔗Пс. 103:13 | земля же, въ нюже ты входиши тамо наслѣдити ю, земля нагорная и равная, от дождя небеснаго напаяется водою: |
11:12 См.: 🔗Пс. 64:12 | земля, на нюже Господь Богъ твой присѣщаетъ всегда, очи Господа Бога твоего на ней от начала лѣта и до конца лѣта. |
11:13 См.: 🔗Втор. 28:1 | Аще же слухомъ послушаете всѣхъ заповѣдiй Его, яже азъ заповѣдаю тебѣ днесь, любити Господа Бога твоего и служити Ему от всего сердца твоего и от всея души твоея, |
11:14 | и дастъ дождь земли твоей во время ранный и поздный, и собереши жита твоя и вино твое и елей твой: |
11:15 | и дастъ пищу на селѣхъ скотомъ твоимъ. |
11:16 См.: 🔗Исх. 23:24 | И ядый и насытився, внемли себѣ, да не разширится сердце твое, и преступите, и послужите богомъ инымъ, и поклонитеся имъ: |
11:17 См.: 🔗Лев. 26:19 🔗Втор. 4:26 | и яростiю разгнѣвается Господь на вы и затворитъ небо, и не будетъ дождя, и земля не дастъ плода своего, и погибнете вскорѣ от земли благія, юже Господь даде вамъ. |
11:18 | И вложите словеса сiя въ сердца ваша и въ душу вашу, и наважите я въ знаменiе на руку вашу, и будутъ непоколебима между очима вашима, |
11:19 См.: 🔗Втор. 4:9 🔗Втор. 6:7 | и научите симъ чада своя глаголати сiя, сѣдящу тебѣ въ дому и идущу тебѣ въ пути, и возлежащу ти и востающу ти: |
11:20 См.: 🔗Втор. 6:9 | и напишите я на празѣхъ домовъ вашихъ и вратъ вашихъ, |
11:21 См.: 🔗Пс. 88:30 | да умножатся дніе ваши и дни сыновъ вашихъ на земли, еюже клятся Господь отцемъ вашымъ дати имъ, якоже дніе неба на земли. |
11:22 См.: 🔗Втор. 6:5 | И будетъ аще слухомъ послушаете всѣхъ заповѣдiй сихъ, яже азъ заповѣдаю вамъ днесь творити, любити Господа Бога вашего и ходити во всѣхъ путехъ Его и прилѣплятися къ Нему, |
11:23 См.: 🔗Втор. 7:1 | тогда изженетъ Господь вся языки сiя от лица вашего, и одержите языки великiя и крѣпкiя паче васъ. |
11:24 См.: 🔗Нав. 1:3 | Всякое мѣсто, на немже станетъ стопа ногъ вашихъ, вамъ будетъ: от пустыни и Антиливана, и от рѣки великiя Евфрата, и даже до моря, еже на западѣ, будутъ предѣлы ваши: |
11:25 См.: 🔗Исх. 23:27 | никтоже противостанетъ предъ лицемъ вашимъ: и трепетъ вашъ и страхъ вашъ возложитъ Господь Богъ вашъ на лице всея земли, на нюже аще взыдете, якоже глагола Господь къ вамъ. |
11:26 См.: 🔗Втор. 28:2 🔗Втор. 30:1 | Се, азъ даю предъ вами днесь благословенiе и клятву: |
11:27 | благословенiе, аще послушаете заповѣдiй Господа Бога вашего, елики азъ заповѣдаю вамъ днесь: |
11:28 | и клятву, аще не послушаете заповѣдiй Господа Бога вашего, елики азъ заповѣдаю вамъ днесь, и совратитеся съ пути, егоже заповѣдахъ вамъ, идуще послужити богомъ инымъ, ихже не вѣсте. |
11:29 | И будетъ егда введетъ тебе Господь Богъ твой въ землю, въ нюже преходиши тамо наслѣдити ю, да даси благословенiе на горѣ Гаризинъ и клятву на горѣ Гевалъ: |
11:30 См.: 🔗Быт. 12:6 🔗Быт. 18:1 | не се ли сiя суть объ ону страну Иордана, за путемъ иже на западѣ солнца, въ земли Ханаана обитающаго на западѣ солнца близъ Галгала у дуба Высокаго? |
11:31 | Вы бо преходите Иорданъ, вшедше наслѣдити землю, юже Господь Богъ вашъ даетъ вамъ въ жребiй вся дни, и прiимете ю, и вселитеся въ ню: |
11:32 | и да сохраните творити вся заповѣди Его и суды Его, яже азъ даю предъ вами днесь. |