Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 См.: 🔗Втор. 11:1 | И сiя заповѣди и суды, яже снабдите творити на земли, юже Господь Богъ отецъ вашихъ даетъ вамъ въ жребiй во вся дни, въ няже вы жити будете на земли: |
12:2 См.: 🔗Исх. 34:13 | пагубою погубите вся мѣста, въ нихже служиша тамо языцы богомъ своимъ, яже вы прiимете, на горахъ высокихъ и холмѣхъ и подъ древомъ сѣновнымъ: |
12:3 | и да раскопаете требища ихъ и сокрушите столпы ихъ, и дубравы ихъ ссѣчете, и ваянiе боговъ ихъ сожжете огнемъ, и погубите имя ихъ от мѣста того. |
12:4 | Да не сотворите тако Господу Богу вашему, |
12:5 См.: 🔗Исх. 20:24 | токмо на мѣстѣ, идѣже изберетъ Господь Богъ вашъ, во единѣмъ от племенъ вашихъ, нарещи имя Его тамо и призвати, и взыщете, и внидете тамо: |
12:6 См.: 🔗Ос. 3:4 | и принесете тамо всесожженiя ваша, и жертвы вашя, и начатки ваши, и обѣты ваши, и вольная ваша, и исповѣданiя ваша, первенцы воловъ вашихъ и овецъ вашихъ, |
12:7 См.: 🔗Втор. 14:23 | и ясти будете тамо предъ Господемъ Богомъ вашимъ и возвеселитеся о всѣхъ, на няже возложите руки вашя вы и домове ваши, якоже тя благословилъ есть Господь Богъ твой. |
12:8 | Да не сотворите тамо всѣхъ, елика вы творите здѣ днесь, кійждо угодное предъ собою: |
12:9 См.: 🔗Евр. 4:8 | не прiидосте бо до нынѣ въ покой и въ наслѣдiе, еже Господь Богъ вашъ даетъ вамъ. |
12:10 См.: 🔗3Цар. 8:56 | И егда прейдете Иорданъ и вселитеся на земли, юже Господь Богъ вашъ дастъ въ наслѣдiе вамъ, и упокоитъ васъ от всѣхъ врагъ вашихъ, иже окрестъ васъ, и вселитеся со утвержденiемъ: |
12:11 | и будетъ мѣсто, еже изберетъ Господь Богъ вашъ призвати имя Его тамо, ту принесете вся, елика азъ заповѣдаю вамъ днесь: всесожженiя ваша и жертвы вашя, и десятины вашя и начатки рукъ вашихъ, и всякъ избранъ даръ вашъ, елика обѣщаете Господеви Богу вашему: |
12:12 См.: 🔗Чис. 18:20 🔗Втор. 10:9 | и возвеселитеся предъ Господемъ Богомъ вашимъ вы и сынове ваши и дщери ваши, и рабы ваши и рабыни ваши, и левити, иже у вратъ вашихъ: яко нѣсть имъ части ни жребiя съ вами. |
12:13 См.: 🔗Ос. 8:11 | Внемли себѣ, да не принесеши всесожженiй твоихъ на всякомъ мѣстѣ, еже аще узриши, |
12:14 | токмо на мѣстѣ, еже изберетъ Господь Богъ твой, въ единѣмъ от племенъ твоихъ, тамо да принесеши всесожженiя твоя и тамо сотвориши вся, елика азъ заповѣдаю тебѣ днесь. |
12:15 См.: 🔗Втор. 14:5 | Но токмо всѣмъ желанiемъ души твоея да пожреши, и снѣси мяса по благословенiю Господа Бога твоего, еже даде тебѣ во всякомъ градѣ: нечистый при тебѣ и чистый вкупѣ да ястъ я, яко серну, или еленя. |
12:16 См.: 🔗Быт. 9:4 | Токмо крове да не снѣсте: на землю пролiете ю, аки воду. |
12:17 См.: 🔗Лев. 27:30 | Не возможеши ясти въ градѣхъ твоихъ десятины пшеницы твоея и вина твоего и елеа твоего, первенцовъ воловъ твоихъ и овецъ твоихъ, и всѣхъ обѣтовъ, елики обѣщаете, и исповѣданiй вашихъ, и начатковъ рукъ вашихъ: |
12:18 См.: 🔗Втор. 14:23 | токмо предъ Господемъ Богомъ твоимъ да снѣси я на мѣстѣ, еже изберетъ Господь Богъ твой Себѣ, ты и сынъ твой и дщерь твоя, и рабъ твой и раба твоя, и левитъ, и пришлецъ иже во градѣхъ твоихъ, и возвеселишися предъ Господемъ Богомъ твоимъ во всѣхъ, на няже возложиши руку твою. |
12:19 См.: 🔗Втор. 14:27 | Внемли себѣ, да не оставиши левитина во все время, дондеже еси живъ на земли. |
12:20 См.: 🔗Быт. 28:14 🔗Втор. 19:8 | Аще же разширитъ Господь Богъ твой предѣлы твоя, якоже глагола тебѣ, и речеши: снѣмъ мяса, аще вожделѣетъ душа твоя, яко ясти мяса, во всемъ желанiи души твоея да снѣси мяса. |
12:21 | Аще же далече отстоитъ мѣсто от тебе, еже изберетъ Господь Богъ твой призывати имя Его тамо, и заколеши от воловъ твоихъ и от овецъ твоихъ, яже дастъ тебѣ Богъ твой, якоже заповѣдахъ тебѣ, и снѣси во градѣхъ твоихъ по желанiю души твоея. |
12:22 См.: 🔗Втор. 15:22 | Якоже ястся серна и елень, тако да снѣси е: нечистый при тебѣ, и чистый такожде да снѣстъ. |
12:23 См.: 🔗Лев. 3:17 🔗Лев. 17:14 | Вонми крѣпцѣ, еже не ясти крове: кровь бо есть душа его: да не снѣстся душа съ мясы: |
12:24 | да не снѣсте ея, на землю пролiете ю аки воду: |
12:25 | да не снѣси ю, да благо тебѣ будетъ и сыномъ твоимъ по тебѣ во вѣки, аще сотвориши се, еже добро и угодно есть предъ Господемъ Богомъ твоимъ. |
12:26 | Развѣ святая твоя, яже аще будутъ тебѣ, и обѣты твоя вземъ да прiидеши на мѣсто, еже изберетъ Господь Богъ твой оное себѣ призвати имя Его тамо: |
12:27 | и сотвориши всесожженiя твоя: мяса да вознесеши на олтарь Господа Бога твоего, кровь же жертвъ твоихъ да пролiеши предъ степени олтаря Господа Бога твоего, мяса же да снѣси. |
12:28 | Снабди и послушай, и да сотвориши вся словеса, яже азъ заповѣдаю тебѣ, да благо тебѣ будетъ и сыномъ твоимъ во вѣки, аще сотвориши добро и угодно предъ Господемъ Богомъ твоимъ. |
12:29 | Аще же потребитъ Господь Богъ твой языки, въ няже входиши ты тамо, наслѣдити землю ихъ, от лица твоего, и прiимеши ю въ наслѣдiе, и вселишися въ земли ихъ: |
12:30 | внемли себѣ, да не взыщеши послѣдовати имъ, по потребленiи ихъ от лица твоего, не взыщи боговъ ихъ, глаголя: якоже творятъ языцы сіи богомъ своимъ, сотворю и азъ: |
12:31 См.: 🔗Лев. 18:21 🔗4Цар. 16:3 | да не сотвориши Господу Богу твоему тако: мерзостна бо Господеви, яже возненавидѣ, сотвориша богомъ своимъ, яко сыны своя и дщери своя жгутъ огнемъ богомъ своимъ. |
12:32 См.: 🔗Втор. 4:1 🔗Прит. 30:6 | Всяко слово, еже азъ заповѣдаю тебѣ днесь, сiе снабди творити: да не приложиши къ сему, ни отъимеши от него. |