Второзаконие, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗Исх. 21:2 🔗Лев. 25:4 🔗Иер. 34:14	Въ седмое лѣто да сотвориши от­пущенiе.
15:2	И сице заповѣдь от­пущенiя: да оставиши весь долгъ твой, имже долженъ ближнiй тебѣ, и от­ брата сво­его не истяжеши, яко наречеся от­пущенiе Господу Богу тво­ему.
15:3	От чуждаго да истяжеши, елика суть твоя у него: брату же тво­ему от­пущенiе да сотвориши долга тво­его.
15:4 См.: 🔗Сир. 4:1	Яко не будетъ у тебе недостаточенъ: сего ради словесе благословенiемъ благословитъ тя Господь Богъ твой въ земли, юже тебѣ Господь Богъ даетъ во жребiй прiяти ю.
15:5 См.: 🔗Втор. 28:1	Аще же слухомъ послушаете гласа Господа Бога ва­шего хранити и творити вся заповѣди сiя, яже азъ заповѣдаю тебѣ днесь, яко Господь Богъ твой благословилъ тя есть, якоже глагола тебѣ,
15:6 См.: 🔗Втор. 28:11	и взаимъ даси языкомъ многимъ, ты же не займеши, и обладати будеши ты языки многими, тобою же не воз­обладаютъ.
15:7 См.: 🔗Исх. 22:25 🔗Лев. 25:35 🔗Мф. 5:42	Аще же братъ от­ братiи тво­ея будетъ тебѣ недостаточенъ во единѣмъ от­ градовъ тво­ихъ въ земли, юже Господь Богъ твой даетъ тебѣ, да не от­вратиши сердца тво­его, ниже сожмеши руки тво­ея предъ братомъ тво­имъ требу­ю­щимъ:
15:8 См.: 🔗Мф. 5:42	от­верзая да от­верзеши руку твою ему, и взаимъ да даси ему, елико проситъ, и елико ему не достанетъ.
15:9 См.: 🔗2Кор. 6:15	Внемли себѣ: да не будетъ слово тайно въ сердцы тво­емъ беззаконiя, глаголя: близъ есть седмое лѣто, лѣто от­пущенiя, и воз­лукавнуетъ око твое брату тво­ему требу­ю­щему, и не даси ему, и возопiетъ на тя ко Господу, и будетъ тебѣ грѣхъ великъ:
15:10 См.: 🔗Мф. 5:42 🔗Лк. 6:30	даянiемъ да даси ему, и взаимъ да даси ему, елико воспроситъ, якоже требуетъ: и не опечалися въ сердцы сво­емъ, дающу ти ему, яко сего ради слова благословитъ тя Господь Богъ твой во всѣхъ дѣлѣхъ тво­ихъ, и во всемъ, на неже воз­ложиши руку твою:
15:11 См.: 🔗Мф. 26:11	ибо не оскудѣетъ недостаточный от­ земли тво­ея, сего ради азъ заповѣдаю тебѣ творити слово сiе, глаголя: от­верзая от­верзи руцѣ тво­и брату тво­ему нищему и просящему на земли тво­ей.
15:12 См.: 🔗Исх. 21:2 🔗Иер. 34:14	Аще же продаст­ся тебѣ братъ твой Евреанинъ, или Евреаныня, да поработаетъ тебѣ шесть лѣтъ, и въ седмое да от­пустиши его свободна от­ себе:
15:13 См.: 🔗Быт. 21:14 🔗2Пар. 28:15	егда же пустиши его свободна от­ себе, да не от­пустиши его тща:
15:14	напутное ему да уготовиши от­ овецъ тво­ихъ и от­ пшеницы тво­ея и от­ вина тво­его: якоже благослови тя Господь Богъ твой, да даси ему,
15:15	и помяни, яко рабъ и ты былъ еси въ земли Египетстѣй, и свободи тя Господь Богъ твой от­туду: сего ради азъ заповѣдаю тебѣ творити слово сiе.
15:16 См.: 🔗Исх. 21:5	Аще же речетъ къ тебѣ: не от­иду от­ тебе, яко воз­любихъ тя и домъ твой, яко добро ему есть у тебе:
15:17	да возмеши шило, и провертиши ему ухо предъ дверьми у степени, и будетъ ти рабъ во вѣки: и рабѣ тво­ей сотвориши такожде.
15:18	Да не будетъ жестоко предъ тобою, от­пущаемымъ имъ от­ тебе свободнымъ, понеже годовую мзду наемничу работа тебѣ шесть лѣтъ: и благословитъ тя Господь Богъ твой во всемъ, еже твориши.
15:19 См.: 🔗Исх. 13:2 🔗Исх. 22:30 🔗Чис. 3:13	Всяко первородное, еже родит­ся от­ воловъ тво­ихъ и от­ овецъ тво­ихъ, мужескъ полъ да освятиши Господеви Богу тво­ему: да не дѣлаеши первороднымъ телцемъ тво­имъ и да не стрижеши первенца во овцахъ тво­ихъ.
15:20 См.: 🔗Втор. 12:11	Предъ Господемъ Богомъ тво­имъ да яси я от­ лѣта до лѣта, на мѣстѣ, идѣже изберетъ Господь Богъ твой, ты и домъ твой.
15:21 См.: 🔗Лев. 22:20 🔗Сир. 35:11	Аще же будетъ на немъ порокъ, хромота, или слѣпота, и всякiй порокъ золъ, да не пожреши его Господу Богу тво­ему.
15:22 См.: 🔗Втор. 12:15	Во градѣхъ тво­ихъ да снѣси я: нечистый и чистый у тебе такожде да ястъ, яко серну или еленя.
15:23 См.: 🔗Лев. 3:17 🔗Лев. 17:10 🔗Втор. 12:16	Токмо крове да не снѣсте: на землю проливай ю аки воду.