Второзаконие, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗Исх. 12:18 🔗Лев. 23:5 🔗Чис. 9:2	Храни месяцъ новыхъ [плодовъ], и да сотвориши Пасху Господеви Богу тво­ему, яко въ месяцѣ новыхъ изшелъ еси изъ Египта нощiю.
16:2 См.: 🔗Исх. 12:3 🔗Чис. 28:19 🔗Втор. 12:5	И да пожреши Пасху Господеви Богу тво­ему, овцы и говяда на мѣстѣ, еже изберетъ Господь Богъ твой при­­зывати имя Его тамо.
16:3 См.: 🔗Исх. 12:14	Да не снѣси въ ню кваснаго: седмь дній да яси въ ню опрѣсноки, хлѣбъ озлобленiя, яко со тщанiемъ изыдосте изъ Египта, да поминаете день исхода ва­шего от­ земли Египетскiя вся дни житiя ва­шего:
16:4 См.: 🔗Исх. 12:10 🔗2Пар. 35:1	да не явит­ся тебѣ квасно во всѣхъ предѣлѣхъ тво­ихъ седмь дній, и да не преноще­ст­вуетъ от­ мясъ, яже пожреши въ вечеръ въ первый день, до утрiя.
16:5	Не воз­можеши жрети Пасхи ни въ единѣмъ от­ градовъ тво­ихъ, яже Господь Богъ твой даетъ тебѣ:
16:6 См.: 🔗Мк. 14:13 🔗Лк. 2:41 🔗Исх. 12:6	но токмо на мѣстѣ, еже изберетъ Господь Богъ твой при­­зывати имя Его ту, тамо пожреши Пасху въ вечеръ при­­ захожденiи солнца, во время въ неже изшелъ еси изъ земли Египетскiя:
16:7 См.: 🔗Исх. 12:9 🔗2Пар. 35:13	и свариши, и испечеши, и снѣси на мѣстѣ, идѣже изберетъ Господь Богъ твой: и воз­вратишися заутра, и пойдеши въ домъ твой.
16:8 См.: 🔗Исх. 12:15 🔗Лев. 23:8	Шесть дній да яси опрѣсноки, въ седмый же день исходный праздникъ Господеви Богу тво­ему: да не сотвориши въ немъ всякаго дѣла, кромѣ яже суть души.
16:9 См.: 🔗Лев. 23:15 🔗Чис. 28:26 🔗Лк. 6:1	Седмь седмицъ всецѣлыхъ да сочтеши себѣ: въ начало же тво­его серпа на жатву начни исчисляти седмь седмицъ,
16:10 См.: 🔗Исх. 23:6 🔗Исх. 34:22 🔗Втор. 26:2	и да сотвориши праздникъ седмицъ Господеви Богу тво­ему, якоже рука твоя можетъ, елика дастъ тебѣ, якоже благослови тя Господь Богъ твой.
16:11 См.: 🔗Неем. 8:10	И воз­веселишися предъ Господемъ Богомъ тво­имъ ты и сынъ твой и дщерь твоя, и рабъ твой и раба твоя, и левитъ иже во градѣхъ тво­ихъ, и при­­шлецъ, и сирота и вдова, яже въ васъ, на мѣстѣ, идѣже изберетъ Господь Богъ твой при­­зывати имя Его тамо:
16:12	и помянеши, яко рабъ былъ еси [ты] въ земли Египетстѣй, и сохраниши и сотвориши заповѣди сiя.
16:13 См.: 🔗Исх. 23:16 🔗Лев. 23:34 🔗3Цар. 8:2	Праздникъ кущей да сотвориши себѣ седмь дній, егда собереши от­ нивы тво­ея и от­ точила тво­его:
16:14 См.: 🔗Неем. 8:10	и да воз­веселишися въ праздницѣ тво­емъ ты и сынъ твой и дщи твоя, рабъ твой и раба твоя, и левитъ и при­­шлецъ, и сирота и вдова, яже во градѣхъ тво­ихъ:
16:15	седмь дній да празднуеши Господеви Богу тво­ему на мѣстѣ, еже изберетъ Господь Богъ твой при­­зывати имя Его тамо: аще же благословитъ тя Господь Богъ твой во всѣхъ плодѣхъ тво­ихъ и во всякомъ дѣлѣ рукъ тво­ихъ, и будеши веселяся.
16:16 См.: 🔗Исх. 23:17 🔗Исх. 34:23 🔗Сир. 35:4	Въ три времена лѣта да явит­ся всякъ мужескъ полъ предъ Господемъ Богомъ тво­имъ, на мѣстѣ, еже изберетъ Господь Богъ твой: въ праздникъ опрѣсноковъ, и въ праздникъ седмицъ, и въ праздникъ кущей: да не явишися предъ Господемъ Богомъ тво­имъ тощь:
16:17 См.: 🔗Тов. 4:8	кійждо по силѣ рукъ сво­ихъ, по благословенiю Господа Бога тво­его, еже даде тебѣ.
16:18 См.: 🔗2Пар. 19:5 🔗Прем. 6:5 🔗Пс. 81:3	Судiи и книгочiи поставиши себѣ во всѣхъ градѣхъ тво­ихъ, яже Господь Богъ твой даетъ тебѣ по племенамъ, и да судятъ людемъ судъ праведный:
16:19 См.: 🔗Исх. 23:8 🔗Лев. 19:15 🔗Втор. 1:17 🔗Прит. 24:23 🔗Сир. 20:29 🔗Ин. 7:24 🔗Иак. 2:1	да не уклонятъ суда, ниже познаютъ лице, ниже да возмутъ даровъ: дары бо ослѣпляютъ очи мудрыхъ и от­мещутъ словеса праведныхъ.
16:20	Праведнѣ праведное гоните, да поживете, и в­шедше наслѣдите землю, юже Господь Богъ твой даетъ вамъ.
16:21	Да не насадиши себѣ дубравы: всякаго древа близъ олтаря Господа Бога тво­его да не сотвориши себѣ,
16:22 См.: 🔗Лев. 26:1	да не поставиши себѣ капища, еже воз­ненавидѣ Господь Богъ твой.