Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 23 | |
23:1 | Да не входитъ каженикъ и скопецъ въ сонмъ Господень. |
23:2 См.: 🔗Суд. 11:1 | Ниже да внидетъ блудородный во храмъ Господень до десятаго рода. |
23:3 См.: 🔗Неем. 13:1 | Да не внидетъ Амманитинъ и Моавитинъ въ храмъ Господень: и даже до десятаго рода да не входитъ въ храмъ Господень, и даже до вѣка, |
23:4 См.: 🔗Чис. 22:5 | понеже не срѣтоша они васъ съ хлѣбы и водою на пути, исходящымъ вамъ изъ земли Египетскiя, и яко наяша на тя Валаама сына Веорова от Месопотамiи, да тя прокленетъ: |
23:5 См.: 🔗Чис. 22:12 | и не восхотѣ Господь Богъ твой послушати Валаама, и обрати Господь Богъ твой клятвы въ благословенiе, зане возлюби тя Господь Богъ твой: |
23:6 | да не совѣщаеши мирная имъ и полезная имъ во вся дни твоя во вѣки. |
23:7 См.: 🔗Быт. 25:25 🔗Чис. 20:14 | Да не возгнушаешися Идумеаниномъ, яко братъ твой есть: да не возгнушаешися Египтяниномъ, яко пришлецъ былъ еси въ земли его: |
23:8 | сынове аще родятся имъ, въ родѣ третiемъ да внидутъ въ храмъ Господень. |
23:9 | Аще же изыдеши ополчитися на враги твоя, и да сохранишися от всякаго слова зла. |
23:10 См.: 🔗Лев. 15:16 | Аще будетъ у тебе человѣкъ, иже не будетъ чистъ от излiянiя его нощiю, и да изыдетъ внѣ полка, и да не внидетъ въ полкъ: |
23:11 | и егда будетъ къ вечеру, да омыетъ тѣло свое водою, и зашедшу солнцу да внидетъ въ полкъ. |
23:12 | И мѣсто тебѣ да будетъ внѣ полка, и изыдеши тамо вонъ: |
23:13 | и рылецъ да будетъ тебѣ за поясомъ твоимъ, и будетъ егда сядеши внѣ, и да ископаеши имъ [яму], и навративъ покрыеши стыдѣнiе твое въ ней: |
23:14 См.: 🔗Лев. 26:12 | яко Господь Богъ твой ходитъ въ полцѣ твоемъ избавляти тя и предати враги твоя въ руцѣ твои предъ лицемъ твоимъ: и да будетъ полкъ твой святъ, и да не явится у тебе стыдѣнiе вещи, и отвратится от тебе. |
23:15 | Да не предаси раба господину его, иже прiиде къ тебѣ от господина своего: |
23:16 См.: 🔗Исх. 22:21 | съ тобою да обитаетъ, съ вами да живетъ во всякомъ мѣстѣ, идѣже угодно будетъ ему: да не оскорбиши его. |
23:17 См.: 🔗Чис. 25:8 🔗3Цар. 3:16 | Да не будетъ блудница от дщерей Израилевыхъ, и да не будетъ блудникъ от сыновъ Израилевымъ. |
23:18 | Да не принесеши мзды блудничи, ниже цѣны песiи въ домъ Господа Бога твоего на всякъ обѣтъ, яко мерзость суть Господеви Богу твоему и обоя. |
23:19 См.: 🔗Пс. 14:5 | Да не даси брату твоему въ лихву сребра и въ лихву пищей и въ лихву всякiя вещи, емуже аще взаимъ даси: |
23:20 См.: 🔗Втор. 15:3 | чуждему да даси въ лихву, брату же твоему да не даси въ лихву, да благословитъ тя Господь Богъ твой во всѣхъ дѣлѣхъ твоихъ на земли, въ нюже входиши тамо наслѣдити ю. |
23:21 См.: 🔗Чис. 30:3 🔗Еккл. 5:3 | Аще же обѣщаеши обѣтъ Господеви Богу твоему, да не умедлиши воздати его, яко взыская взыщетъ Господь Богъ твой от тебе, и будетъ на тебѣ грѣхъ: |
23:22 | аще же не восхощеши обѣщати, нѣсть ти грѣха. |
23:23 | Исходящая на устъ твоихъ сохрани и сотвори, имже образомъ обѣщалъ еси Господеви Богу твоему даръ, егоже глаголалъ еси устами твоими. |
23:24 | Аще же внидеши на ниву ближняго своего, и собереши въ руцѣ свои класы, а серпа да не возложиши на ниву ближняго. |
23:25 | Аще же внидеши въ виноградъ ближняго своего, да яси гроздiе, елико души твоей насытитися, въ сосудъ же да не вложиши. |