Второзаконие, глава 26

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 26
26:1	И будетъ аще внидеши въ землю, юже Господь Богъ твой даетъ тебѣ въ жребiй еже наслѣдити ю, и вселишися на ней,
26:2 См.: 🔗Исх. 23:19 🔗Исх. 34:26	и да возмеши от­ начатка плодовъ земли тво­ея, юже Господь Богъ твой даетъ тебѣ въ жребiй, и вложиши въ кошницу, и пойдеши на мѣсто, еже изберетъ Господь Богъ твой при­­зывати имя Его тамо:
26:3	и прiидеши къ жерцу, иже будетъ въ тыя дни, и речеши къ нему: воз­вѣщаю днесь Господеви Богу тво­ему, яко внидохъ въ землю, еюже клят­ся Господь отцемъ нашымъ дати намъ:
26:4	и да возметъ жрецъ от­ руку твоею кошницу и да положитъ ю предъ олтаремъ Господа Бога тво­его:
26:5 См.: 🔗Быт. 31:5 🔗Быт. 46:5 🔗Исх. 12:37	и от­вѣщавъ речеши предъ Господемъ Богомъ тво­имъ: Сирію остави отецъ мой и сниде во Египетъ и обита тамо въ числѣ малѣмъ, и бысть тамо въ языкъ великъ и во множе­с­т­во много и велико:
26:6 См.: 🔗Исх. 1:11	и озлобиша насъ Египтяне, и смириша ны, и воз­ложиша на ны дѣла жестокая:
26:7 См.: 🔗Исх. 2:23	и возопихомъ ко Господу Богу отецъ нашихъ, и услыша Господь вопль нашъ и видѣ смиренiе на­ше и трудъ нашъ и скорбь нашу,
26:8 См.: 🔗Исх. 12:51	и изведе ны Господь изъ Египта Самъ крѣпостiю Сво­ею великою и рукою сильною и мышцею высокою, и въ видѣнiихъ великихъ и въ знаменiихъ и въ чудесѣхъ,
26:9 См.: 🔗Исх. 3:8 🔗Исх. 13:5	и введе ны въ мѣсто сiе, и даде намъ землю сiю, землю кипящую медомъ и млекомъ:
26:10 См.: 🔗Втор. 14:22	и нынѣ се, при­­несохъ начатки от­ плодовъ земли, юже далъ ми еси, Господи, землю кипящую медомъ и млекомъ. И оставиши е предъ Господемъ Богомъ тво­имъ, и поклонишися тамо предъ Господемъ Богомъ тво­имъ,
26:11 См.: 🔗Втор. 16:14	и воз­веселишися о всѣхъ благихъ, яже даде тебѣ Господь Богъ твой, и домъ твой, и левитъ, и при­­шлецъ иже у тебе.
26:12 См.: 🔗Лев. 27:30	Егда же совершиши одесятити всю десятину плодовъ земли тво­ея въ лѣто третiе, вторую десятину да даси левиту и при­­шелцу и сиротѣ и вдовѣ, и ядятъ во градѣхъ тво­ихъ и насытят­ся:
26:13 См.: 🔗Втор. 14:27	и речеши предъ Господемъ Богомъ тво­имъ: очистихъ святая изъ дому мо­его, и дахъ я левиту и при­­шелцу и сиротѣ и вдовѣ, по всѣмъ заповѣдемъ Тво­имъ, яже заповѣдалъ еси мнѣ: не преступихъ заповѣди Тво­ея и не забыхъ,
26:14 См.: 🔗Иер. 16:7 🔗Иез. 24:17	и не ядохъ въ болѣзни мо­ей от­ нихъ, не при­­несохъ от­ нихъ въ нечистое, ниже дахъ от­ нихъ умершему: послушахъ гласа Господа Бога мо­его, сотворихъ, якоже заповѣдалъ еси мнѣ:
26:15 См.: 🔗Ис. 63:15 🔗Вар. 2:16	призри съ небесе от­ храма святаго Тво­его, и благослови люди Твоя Израиля и землю, юже далъ еси имъ якоже клял­ся еси отцемъ нашымъ, дати намъ землю кипящую медомъ и млекомъ.
26:16 См.: 🔗Втор. 6:5	Въ сей день заповѣда тебѣ Господь Богъ твой сотворити вся оправданiя сiя и судьбы: и сохраните и сотворите я от­ всего сердца ва­шего и от­ всея души ва­шея.
26:17 См.: 🔗Втор. 5:31	Господа избралъ еси днесь быти тебѣ въ Бога, и ходити во всѣхъ путехъ Его и хранити оправданiя и заповѣди и судьбы Его, и послушати гласа Его.
26:18 См.: 🔗Втор. 7:6 🔗Втор. 14:2	И Господь избра васъ днесь, да будете Ему люди избран­нiи, якоже рече тебѣ, хранити вся заповѣди Его,
26:19 См.: 🔗Втор. 4:7 🔗Втор. 28:1 🔗Иер. 13:11	и быти тебѣ вышше всѣхъ языкъ, иже сотвори тя именита и хвальна и славна, быти вамъ людемъ святымъ Господу Богу ва­шему, якоже глагола.