Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 32 | |
32:1 | Вонми, небо, и возглаголю, и да слышитъ земля глаголы устъ моихъ, |
32:2 См.: 🔗Ис. 55:10 | да чается яко дождь вѣщанiе мое, и да снидутъ яко роса глаголи мои, яко туча на троскотъ и яко иней на сѣно: |
32:3 См.: 🔗Отк. 14:7 | яко имя Господне призвахъ, дадите величiе Богу нашему. |
32:4 См.: 🔗2Цар. 22:2 🔗1Кор. 1:9 | Богъ, истинна дѣла Его, и вси путiе Его судъ: Богъ вѣренъ, и нѣсть неправды въ Немъ: праведенъ и преподобенъ Господь. |
32:5 См.: 🔗Ис. 1:4 | Согрѣшиша, не Того чада порочная: роде строптивый и развращенный, |
32:6 См.: 🔗Мф. 6:9 | сiя ли Господеви воздаете, сіи людiе буiи и не мудри? Не Самъ ли сей Отецъ твой стяжа тя, и сотвори тя, и созда тя? |
32:7 См.: 🔗Пс. 76:12 | Помяните дни вѣчныя, разумѣйте лѣта рода родовъ: вопроси отца твоего, и возвѣститъ тебѣ, старцы твоя, и рекутъ тебѣ. |
32:8 См.: 🔗Быт. 11:8 🔗Деян. 17:26 | Егда раздѣляше Вышнiй языки, яко разсѣя сыны Адамовы, постави предѣлы языковъ по числу ангелъ Божiихъ, |
32:9 См.: 🔗1Цар. 10:1 🔗2Цар. 14:16 | и бысть часть Господня, людiе Его Иаковъ, уже наслѣдiя Его Израиль: |
32:10 См.: 🔗Ос. 13:5 | удовли его въ пустыни, въ жажди зноя въ безводнѣ: обыде его и наказа его, и сохрани его яко зѣницу ока: |
32:11 См.: 🔗Исх. 19:4 | яко орелъ покры гнѣздо свое, и на птенцы своя возжелѣ: простеръ крилѣ свои и прiятъ ихъ, и подъятъ ихъ на раму своею. |
32:12 См.: 🔗Исх. 13:21 | Господь единъ вождаше ихъ, и не бѣ съ ними богъ чуждь: |
32:13 | возведе я на силу земли, насыти ихъ житъ селныхъ: ссаша медъ изъ камене и елей от тверда камене, |
32:14 См.: 🔗Иер. 5:7 | масло кравiе и млеко овчее съ тукомъ агнчимъ и овнимъ сыновъ юнчихъ и козлихъ, съ тукомъ пшеничнымъ, и кровь гроздову пiяху вино. |
32:15 | И яде Иаковъ и насытися, и отвержеся возлюбленный: уты, утолстѣ, разширѣ: и остави Бога сотворшаго его, и отступи от Бога Спаса своего. |
32:16 | Прогнѣваша Мя о чуждихъ, и въ мерзостехъ своихъ преогорчиша Мя. |
32:17 См.: 🔗Пс. 105:37 | Пожроша бѣсовомъ, а не Богу, богомъ, ихже не вѣдѣша: нови и секрати {недавни} прiидоша, ихже не вѣдѣша отцы ихъ. |
32:18 См.: 🔗Вар. 4:8 | Бога рождшаго тя оставилъ еси и забылъ еси Бога питающаго тя. |
32:19 | И видѣ Господь, и возревнова, и раздражися за гнѣвъ сыновъ ихъ и дщерей, |
32:20 См.: 🔗Втор. 31:18 🔗Прит. 14:12 | и рече: отвращу лице Мое от нихъ и покажу, что будетъ имъ напослѣдокъ, яко родъ развращенъ есть, сынове, имже нѣсть вѣры въ нихъ: |
32:21 См.: 🔗Рим. 10:19 | тіи раздражиша Мя не о бозѣ, прогнѣваша Мя во идолѣхъ своихъ: и Азъ раздражу ихъ не о языцѣ, о языцѣ же неразумливѣ прогнѣваю ихъ: |
32:22 См.: 🔗Иер. 15:14 | яко огнь возгорится от ярости Моея, разжжется до ада преисподняго, снѣстъ землю и жита ея, попалитъ основанiя горъ: |
32:23 | соберу на нихъ злая, и стрѣлы Моя скончаю въ нихъ: |
32:24 См.: 🔗Авв. 2:17 | тающе гладомъ и снѣдiю птицъ, и горбъ неисцѣленъ: зубы звѣрій послю въ ня, съ яростiю пресмыкающихся по земли: |
32:25 См.: 🔗Плч. 1:20 | отвнѣ обезчадитъ ихъ мечь, и от храмовъ ихъ страхъ: юноша съ дѣвою, ссущее съ совершеннымъ старцемъ. |
32:26 | Рѣхъ: разсѣю ихъ, уставлю же от человѣкъ память ихъ: |
32:27 | токмо за гнѣвъ враговъ, да не долголѣтствуютъ, и да не налягутъ супостати, да не рекутъ: рука наша высока, и не Господь сотвори сiя вся: |
32:28 | яко языкъ погубивый совѣтъ есть, и нѣсть въ нихъ художества, не смыслиша разумѣти: |
32:29 См.: 🔗Иер. 9:12 | сiя вся да прiимутъ во грядущее лѣто. |
32:30 См.: 🔗Лев. 26:8 🔗Ос. 14:10 | Како поженетъ единъ тысящы, и два двигнета тмы, аще не Богъ отдаде ихъ, и Господь предаде ихъ? |
32:31 | Не суть бо бози ихъ, яко Богъ нашъ: врази же наши неразумливи. |
32:32 | От виноградовъ бо Cодомскихъ виноградъ ихъ, и розга ихъ от Гоморры: гроздъ ихъ гроздъ желчи, гроздъ горести ихъ: |
32:33 | ярость змиевъ вино ихъ, и ярость аспидовъ неисцѣльна. |
32:34 | Не сiя ли вся собрашася у Мене и запечатлѣшася въ сокровищахъ Моихъ? |
32:35 | Въ день отмщенiя воздамъ, во время егда соблазнится нога ихъ: яко близъ день погибели ихъ, и предстоятъ готовая вамъ: |
32:36 См.: 🔗Пс. 134:14 | яко судити имать Господь людемъ Своимъ, и о рабѣхъ Своихъ умоленъ будетъ: видѣ бо ихъ разслабленны и истаявшя во время и изнемогшя. |
32:37 См.: 🔗3Цар. 18:27 🔗Иер. 2:28 | И рече Господь: гдѣ суть бози ихъ, на нихже уповаша, |
32:38 См.: 🔗Лев. 3:17 | ихже тукъ жертвъ ихъ ядясте, и пiясте вино требъ ихъ? Да воскреснутъ и помогутъ вамъ, и будутъ вамъ покровители. |
32:39 | Видите, видите, яко Азъ есмь, и нѣсть Богъ развѣ Мене: Азъ убiю и жити сотворю: поражу и Азъ исцѣлю, и нѣсть иже изметъ от руку Моею: |
32:40 См.: 🔗Быт. 22:16 🔗Иер. 10:10 | яко воздвигну на небо руку Мою, и кленуся десницею Моею, и реку: живу Азъ во вѣки: |
32:41 | яко поострю якоже молнiю мечь Мой, и прiиметъ судъ рука Моя, и воздамъ месть врагомъ и ненавидящымъ Мя воздамъ: |
32:42 | упою стрѣлы Моя от крове, и мечь Мой снѣстъ мяса от крове язвеныхъ и плѣненiя, от главъ князей языческихъ. |
32:43 | Возвеселитеся, небеса, купно съ Нимъ, и да поклонятся Ему вси Ангели Божiи: возвеселитеся, языцы, съ людьми Его, и да укрѣпятся Ему вси сынове Божiи: яко кровь сыновъ Своихъ отмщаетъ и отмститъ, и воздастъ месть врагомъ и ненавидящымъ Его воздастъ: и очиститъ Господь землю людій Своихъ. |
32:44 См.: 🔗2Мак. 7:6 | И написа Моисей пѣснь сiю въ той день, и научи ей сыны Израилевы: и вниде Моисей къ людемъ и глагола вся словеса закона сего во ушы людемъ, самъ и Иисусъ Навинъ. |
32:45 | И сконча Моисей глаголя словеса сiя вся всему Израилю, |
32:46 | и рече къ нимъ: внемлите сердцемъ вашимъ вся словеса сiя, яже азъ засвидѣтелствую вамъ днесь, яже да заповѣсте сыномъ вашымъ, хранити и творити вся словеса закона сего, |
32:47 | яко не тщетно слово сiе вамъ, зане сiя жизнь ваша, и ради слова сего долги дни будете на земли, на нюже вы преходите Иорданъ тамо наслѣдити ю. |
32:48 | И рече Господь къ Моисею въ день сей, глаголя: |
32:49 См.: 🔗Чис. 27:12 | взыди на гору Аваримъ, сiя гора Нававъ, яже есть въ земли Моавли прямо Иерихону, и виждь землю Ханааню, юже азъ даю сыномъ Израилевымъ во обдержанiе: |
32:50 См.: 🔗Чис. 20:25 🔗Чис. 33:38 | и скончайся тамо на горѣ, на нюже восходиши, и приложися къ людемъ твоимъ, якоже умре Ааронъ братъ твой на горѣ Оръ и приложися къ людемъ своимъ: |
32:51 | понеже не покористеся словеси Моему въ сынѣхъ Израилевыхъ у воды пререканiя Кадисъ въ пустыни Синъ, понеже не освятисте Мене въ сынѣхъ Израилевыхъ: |
32:52 См.: 🔗Чис. 20:12 | яко прямо узриши землю, и тамо не внидеши, юже даю сыномъ Израилевымъ. |