Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 33 | |
33:1 См.: 🔗Сир. 3:8 | И сiе благословенiе, имже благослови Моисей человѣкъ Божiй сыны Израилевы прежде скончанiя своего, |
33:2 | и рече: Господь от Синаи прiиде, и явися от Сиира намъ, и приспѣ от горы Фарани, и прiиде со тмами святыхъ, одесную Его ангели съ нимъ, |
33:3 См.: 🔗Прем. 3:1 | и пощадѣ люди Своя: и вси освященнiи подъ руками Твоими, и сіи подъ Тобою суть. |
33:4 См.: 🔗Пс. 147:8 | И прiя от словесъ Его законъ, егоже заповѣда намъ Моисей, наслѣдiе сонму Иаковлю: |
33:5 | и будетъ въ Возлюбленнѣмъ князь, собравшымся княземъ людскимъ купно съ племены Израилевыми. |
33:6 См.: 🔗Быт. 49:3 | Да живетъ Рувимъ, и да не умретъ, и Симеонъ да будетъ многъ числомъ. |
33:7 См.: 🔗Быт. 49:10 🔗Евр. 7:14 | И сiе Иудѣ: услыши, Господи, гласъ Иудинъ и въ люди его вниди: руцѣ его поборютъ по немъ, и помощникъ на враги его да будеши. |
33:8 | И Левію рече: дадите Левію явленная Его, и истину Его мужу преподобну, егоже искусиша Искушенiемъ, укориша его у воды Пререканiя: |
33:9 | глаголяй отцу своему и матери своей: не видѣхъ тебе: и братiи своея не позна, и сыновъ своихъ не увѣдѣ: сохрани словеса Твоя и завѣтъ Твой соблюде: |
33:10 | явятъ оправданiя Твоя Иакову и законъ Твой Израилю: возложатъ ѳимiамъ во гнѣвѣ Твоемъ всегда на олтарь Твой: |
33:11 | благослови, Господи, крѣпость его и дѣла руку его прiими: порази чресла воставшихъ на него враговъ его, и ненавидящiи его да не востанутъ. |
33:12 См.: 🔗Нав. 18:11 | И Венiамину рече: возлюбленный Господемъ уповаяй вселится [въ Немъ], и Богъ осѣняетъ его во вся дни, и посредѣ раменъ Его почи. |
33:13 См.: 🔗Быт. 27:28 🔗Быт. 49:22 | И Иосифови рече: от благословенiя Господня земля его, от красотъ небесныхъ и росы, и от безднъ источниковъ низу, |
33:14 | и во время плодовъ солнечныхъ обращенiй, и от схожденiй месячныхъ, |
33:15 | и от верха горъ начала, и от верха холмовъ вѣчныхъ, |
33:16 См.: 🔗Исх. 3:2 | и по времени земли исполненiя: и прiятная Явившемуся въ купинѣ, да прiидутъ на главу Иосифу, и на версѣ прославивыйся въ братiи. |
33:17 См.: 🔗Чис. 23:22 🔗Быт. 48:19 | Первородный юнца доброта его, рози единорога рози его: ими языки избодетъ вкупѣ даже до края земли: сiя тмы Ефремовы, и сiя тысящи Манассіины. |
33:18 | И Завулону рече: возвеселися, Завулоне, во исходѣ твоемъ, и Иссахаре, въ селенiихъ твоихъ: |
33:19 См.: 🔗Пс. 50:19 | языки потребятъ: и призовете тамо, и пожрете тамо жертву правды: яко богатство морское воздоитъ тя, и купли от языкъ при мори живущихъ. |
33:20 См.: 🔗Быт. 49:19 | И Гаду рече: благословенъ разширяяй Гада: яко левъ почи, сокрушивый мышцу и князя: |
33:21 | и видѣ начатки своя, яко тамо раздѣлися земля, князей собранныхъ вкупѣ съ началники людскими: правду Господь сотвори и судъ Свой со Израилемъ. |
33:22 См.: 🔗Нав. 19:47 | И Дану рече: Данъ, скименъ львовъ, и изскочитъ от Васана. |
33:23 См.: 🔗Быт. 49:21 | И Нефѳалиму рече: Нефѳалимъ насыщенiе прiятныхъ, и да насытится благословенiемъ от Господа: море и югъ наслѣдитъ. |
33:24 См.: 🔗Нав. 19:24 | И Асиру рече: благословенъ от {паче} чадъ Асиръ, и будетъ прiятенъ братiи своей: омочитъ въ елей ногу свою: |
33:25 | желѣзо и мѣдь сапогъ его будетъ, и аки дни твоя крѣпость твоя. |
33:26 | Нѣсть якоже Богъ Возлюбленнаго: восходяй на небо помощникъ твой, и великолѣпый въ тверди: |
33:27 | и покрыетъ тя Божiе начало, и подъ крѣпостiю мышцей вѣчныхъ: и отженетъ от лица твоего врага, глаголя: да погибнеши: |
33:28 См.: 🔗Иер. 23:6 🔗Иер. 33:16 | и вселится Израиль уповая единъ на земли Иаковли въ винѣ и пшеницѣ: и небо ему облачно росою. |
33:29 | Блаженъ еси, Израилю: кто подобенъ тебѣ, людiе спасаемiи от Господа? Защититъ помощникъ твой, и мечь хвала твоя: и солжутъ тебѣ врази твои, и ты на выю ихъ наступиши. |