Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 34 | |
34:1 См.: 🔗2Мак. 2:4 | И взыде Моисей от аравоѳа Моавля на гору Нававъ, на верхъ Фазга, яже есть прямо Иерихону: и показа ему Господь всю землю Галаадску даже до Дана, |
34:2 | и всю землю Нефѳалимлю, и всю землю Ефремову и Манассіину, и всю землю Иудину даже до моря послѣдняго, |
34:3 См.: 🔗4Цар. 2:4 🔗Быт. 19:22 | и пустыню и окрестная [села] Иерихона, градъ Финиковъ даже до Сигора, |
34:4 | и рече Господь къ Моисею: сiя земля, еюже кляхся Аврааму и Исааку и Иакову, глаголя: сѣмени вашему дамъ ю: и показахъ ю очесемъ твоимъ, и тамо не внидеши. |
34:5 См.: 🔗Чис. 20:12 🔗Нав. 24:29 | И скончася тамо Моисей рабъ Господень въ земли Моавли словомъ Господнимъ. |
34:6 См.: 🔗Втор. 32:50 🔗Иуд. 1:9 | И погребоша его въ земли Моавли близъ дому Фогорова. И не увѣда никтоже погребенiя его даже до дне сего. |
34:7 См.: 🔗Втор. 31:2 | Моисею же бѣ сто и двадесять лѣтъ, егда скончася: не отемнѣстѣ очи его, ни истлѣста устнѣ его. |
34:8 См.: 🔗Чис. 20:29 | И плакашася сынове Израилевы Моисеа во аравоѳѣ Моавли у Иордана близъ Иерихона тридесять дній. И скончашася дніе плача сѣтованiя о Моисеи. |
34:9 См.: 🔗Деян. 8:17 🔗Чис. 27:18 | И Иисусъ сынъ Навинъ наполнися духа разума: возложи бо Моисей руцѣ свои на него. И послушаша его сынове Израилевы, и сотвориша якоже заповѣда Господь Моисею. |
34:10 | И не воста ктому пророкъ во Израили якоже Моисей, егоже позна Господь лицемъ къ лицу, |
34:11 | во всѣхъ знаменiихъ и чудесѣхъ, егоже посла Господь сотворити я въ земли Египетстѣй фараону и рабомъ его и всей земли его, |
34:12 | дивная великая, и руку крѣпкую [и мышцу высокую], яже сотвори Моисей предъ всѣмъ Израилемъ. Конецъ книзѣ пятѣй Моисеовѣ: имать въ себѣ главъ 34. |