Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 4 | |
4:1 См.: 🔗Втор. 12:32 | И нынѣ, Израилю, послушай оправданiй и судовъ, елика азъ учу васъ днесь дѣлати, да поживете и умножитеся, и вшедше наслѣдите землю, юже Господь Богъ отецъ вашихъ даетъ вамъ въ наслѣдiе: |
4:2 См.: 🔗Втор. 12:32 🔗Прит. 30:6 | да не приложите къ словеси, еже азъ заповѣдаю вамъ, ниже да отъимете от него: сохраните заповѣди Господа Бога нашего, елика азъ заповѣдаю вамъ днесь. |
4:3 | Очи ваши видѣша вся, елика сотвори Господь Богъ нашъ Веельфегору: яко всякъ человѣкъ иже иде вслѣдъ Веельфегора, потреби его Господь Богъ нашъ от васъ: |
4:4 | вы же, прилѣжащiи Господеви Богу вашему, живете вси до днесь: |
4:5 | видите, показахъ вамъ оправданiя и суды, якоже заповѣда мнѣ Господь Богъ мой сотворити сице на земли, въ нюже вы идете тамо, наслѣдити ю: |
4:6 См.: 🔗3Езд. 14:30 | и сохраните, и сотворите, яко сiя премудрость ваша и смышленiе предъ всѣми языки, елицы аще услышатъ вся оправданiя сiя и рекутъ: се, людiе премудрiи и умѣтелны: языкъ великiй сей. |
4:7 | Кій бо языкъ тако велiй, емуже есть богъ, приближаяйся ему, яко Господь Богъ нашъ во всѣхъ, въ нихже аще призовемъ Его? |
4:8 См.: 🔗3Цар. 2:3 🔗Пс. 118:98 | И кій языкъ великъ, емуже суть оправданiя и суды правы по всему закону сему, егоже азъ даю предъ вами днесь? |
4:9 | Вонми себѣ и снабди душу твою зѣло, и не забуди всѣхъ словесъ, яже видѣста очи твои, и да не отступятъ от сердца твоего вся дни живота твоего: и да наставиши сыны твоя и сыны сыновъ твоихъ, |
4:10 См.: 🔗3Езд. 3:17 | въ день въ оньже стоясте предъ Господемъ Богомъ вашимъ въ Хоривѣ въ день собранiя, егда рече Господь ко мнѣ: собери ко Мнѣ люди, и да слышатъ словеса Моя, да научатся боятися Мене вся дни, въ няже сіи живутъ на земли, и сыны своя да научатъ. |
4:11 См.: 🔗Исх. 19:18 | И прiидосте, и стасте подъ горою: и гора горяше огнемъ даже до небесе, тма, мракъ, и вихръ. |
4:12 См.: 🔗Неем. 9:13 🔗Ин. 1:18 | И глагола Господь къ вамъ на горѣ изъ среды огня: гласъ словесъ Его вы слышасте, и образа не видѣсте, токмо гласъ: |
4:13 См.: 🔗Исх. 20:1 🔗2Кор. 3:3 | и возвѣсти вамъ завѣтъ Свой, егоже заповѣда вамъ творити, десять словесъ, и написа я на двоихъ скрижалехъ каменныхъ: |
4:14 | и мнѣ заповѣда Господь во время оно, научити васъ оправданиемъ и судамъ, творити вамъ я на земли, въ нюже вы входите тамо наслѣдити ю. |
4:15 См.: 🔗Нав. 23:11 🔗Иер. 17:21 | И снабдите душы своя зѣло, яко не видѣсте всякаго подобiя въ день, въ оньже глагола Господь къ вамъ въ горѣ Хоривѣ изъ среды огня: |
4:16 См.: 🔗Исх. 20:4 | не беззаконнуйте, и не сотворите себѣ самимъ подобiя ваянна, всякаго образа подобiя мужеска пола или женска: |
4:17 См.: 🔗Рим. 1:23 | и подобiя всякаго скота, иже есть на земли, подобiя всякiя птицы пернатыя, подъ небесемъ парящiя: |
4:18 | подобiя всякаго гада, иже плѣжетъ по земли: подобiя всякiя рыбы, елики суть въ водахъ подъ землею: |
4:19 | да не когда воззрѣвъ на небо и видѣвъ солнце и луну и звѣзды, и всю красоту небесную, прельстився поклонишися имъ и послужиши имъ, яже раздѣли Господь Богъ твой всѣмъ языкомъ, иже подъ небесемъ. |
4:20 См.: 🔗Сир. 17:13 | Васъ же взя Господь Богъ и изведе васъ от пещи желѣзны изъ Египта, да будете Ему людiе въ жребiй, якоже въ днешнiй день. |
4:21 | И Господь Богъ разгнѣвася на мя о словесѣхъ вашихъ, и клятся, да не прейду Иордана сего и да не вниду въ землю, юже Господь Богъ твой даетъ тебѣ въ наслѣдiе: |
4:22 См.: 🔗Втор. 34:4 | азъ бо умру въ сей земли, и не прейду Иордана сего, вы же прейдете и наслѣдите землю благую сiю. |
4:23 См.: 🔗Прем. 1:12 | Вонмите вы, да не когда забудете завѣта Господа Бога вашего, егоже завѣща къ вамъ, и да не сотворите сами себѣ изваянна подобiя всѣхъ, яже заповѣда тебѣ Господь Богъ твой, |
4:24 См.: 🔗Евр. 12:29 | яко Господь Богъ твой огнь потребляяй есть, Богъ ревнитель. |
4:25 | Аще же родиши сыны и сыны сыновъ твоихъ, и умедлите на земли, и возбеззаконнуете, и сотворите изваянно подобiе всякаго, и сотворите злое предъ Господемъ Богомъ вашимъ, еже раздражити Его, |
4:26 | засвидѣтелствую вамъ днесь небесемъ и землею, яко пагубою погибнете от земли, на нюже вы преходите чрезъ Иорданъ тамо наслѣдити ю: не пребудете много дній на ней, но потребленiемъ потребитеся: |
4:27 См.: 🔗Втор. 28:64 🔗Быт. 34:30 | и разсыплетъ вы Господь во всѣхъ языцѣхъ, и останетеся мали числомъ во языцѣхъ, въ няже введетъ вы Господь тамо, |
4:28 См.: 🔗Втор. 28:36 | и послужите тамо богомъ инымъ, дѣломъ рукъ человѣческихъ, древу и каменiю, иже не узрятъ и не услышатъ, ни ядятъ, ни обоняютъ: |
4:29 См.: 🔗Пс. 114:4 🔗Прем. 1:2 | и взыщете тамо Господа Бога вашего, и обрящете Его, егда взыщете Его от всего вашего сердца и от всея души вашея въ скорби вашей. |
4:30 См.: 🔗Лев. 26:40 | И постигнутъ тя вся сiя словеса въ послѣдняя дни, и обратишися къ Господеви Богу твоему, и услышиши гласъ Его, |
4:31 См.: 🔗Пс. 102:8 🔗Ис. 11:12 | яко Богъ щедръ и милосердъ Господь Богъ твой, не оставитъ тебе, ниже потребитъ тебе, не забудетъ завѣта отецъ твоихъ, имже клятся имъ. |
4:32 | Вопросите дній первыхъ, бывшихъ прежде васъ, от дне въ оньже сотвори Богъ человѣка на земли, и от края небесе даже до края небесе, аще бысть по словеси великому сему, аще слышано бысть сицево: |
4:33 | аще [кій] языкъ слыша гласъ Бога живаго глаголюща от среды огня, имже образомъ слышалъ еси ты, и живъ былъ еси: |
4:34 | аще искуси богъ вшедъ взяти себѣ языкъ от среды языка искушенiемъ, и знаменiи и чудесы, и бранiю и рукою сильною, и мышцею высокою и видѣнiи великими, по всему елико сотвори Господь Богъ нашъ во Египтѣ предъ тобою зрящимъ, |
4:35 | яко да разумѣеши ты, яко Господь Богъ твой сей Богъ есть, и нѣсть развѣ Его. |
4:36 | От небесе слышанъ сотвори тебѣ гласъ Свой, еже научити тя, и на земли показа тебѣ огнь Свой великiй, и глаголы Его слышалъ еси изъ среды огня: |
4:37 См.: 🔗Исх. 13:3 | занеже возлюби отцы твоя, избра сѣмя ихъ по нихъ васъ, и изведе тя Самъ силою Своею великою изъ Египта |
4:38 | потребити языки великiя и крѣпчайшыя тебе предъ лицемъ твоимъ, ввести тя, дати тебѣ землю ихъ въ наслѣдiе, якоже имаши днесь. |
4:39 См.: 🔗Нав. 2:11 | И увѣси днесь, и обратишися умомъ, яко Господь Богъ твой Сей Богъ на небеси горѣ и на земли долу, и нѣсть развѣ Его, |
4:40 См.: 🔗Втор. 5:33 🔗Втор. 6:3 | и да сохраниши заповѣди Его и оправданiя Его, елика азъ заповѣдаю тебѣ днесь, да благо тебѣ будетъ и сыномъ твоимъ по тебѣ, яко да будете долголѣтни на земли, юже Господь Богъ твой даетъ тебѣ вся дни. |
4:41 См.: 🔗Втор. 19:2 | Тогда отдѣли Моисей три грады объ ону страну Иордана на востокъ солнца, |
4:42 См.: 🔗Чис. 35:6 | еже убѣгати тамо убійцѣ, иже аще убiетъ ближняго не вѣдый, и сей не ненавидя его прежде вчера и третiяго дне, и да вбѣгнетъ во единъ градъ от сихъ и живъ будетъ: |
4:43 См.: 🔗Нав. 20:8 | Восоръ въ пустыни въ земли селнѣй Рувиму, и Раммоѳъ въ Галаадѣ Гадду, и Гавлонъ въ Васанѣ Манассіи. |
4:44 | Сей законъ, егоже предложи Моисей предъ сыны Израилтескими: |
4:45 | сiя свидѣнiя и оправданiя и суды, елика глагола Моисей сыномъ Израилевымъ въ пустыни, изшедшымъ имъ изъ земли Египетскiя, |
4:46 | объ онъ полъ Иордана, въ дебри, близъ дому Фогорова, въ земли Сиона царя Аморрейска, иже живяше во Есевонѣ, егоже изби Моисей и сынове Израилевы, изшедшымъ имъ изъ земли Египетскiя. |
4:47 См.: 🔗Чис. 21:24 🔗Втор. 29:7 | И наслѣдиша землю его и землю Ога царя Васанска, дву царей Аморрейскихъ, иже бяху объ онъ полъ Иордана на востокъ солнца, |
4:48 См.: 🔗Чис. 34:7 🔗Втор. 3:9 | от Ароира, иже есть во устiи водотечи Арнони и у горы Сiона, яже есть Аермонъ, |
4:49 | всю араву объ ону страну Иордана, на востокъ солнца подъ асидоѳомъ Тесанымъ. |