Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 См.: 🔗3Цар. 2:12 🔗Прит. 1:1 | Глаголы екклесiаста, сына давидова, царя Израилева во Иерусалимѣ. |
1:2 См.: 🔗Еккл. 12:8 🔗2Кор. 4:18 | Суета суетствiй, рече екклесiастъ, суета суетствiй, всяческая суета. |
1:3 См.: 🔗Еккл. 2:22 | Кое изобилiе человѣку во всемъ трудѣ его, имже трудится подъ солнцемъ? |
1:4 | Родъ преходитъ и родъ приходитъ, а земля во вѣкъ стоитъ. |
1:5 | И восходитъ солнце и заходитъ солнце и въ мѣсто свое влечется, сiе возсiявая тамо. |
1:6 | Идетъ къ югу и обходитъ къ сѣверу, обходитъ окрестъ, идетъ духъ и на круги своя обращается духъ. |
1:7 См.: 🔗Сир. 40:11 | Вси потоцы идутъ въ море, и море нѣсть насыщаемо: на мѣсто, аможе потоцы идутъ, тамо тіи возвращаются ити. |
1:8 См.: 🔗Прит. 27:20 | Вся словеса трудна, не возможетъ мужъ глаголати: и не насытится око зрѣти, ни исполнится ухо слышанiя. |
1:9 | Что было, тожде есть, еже будетъ: и что было сотвореное, тожде имать сотворитися: |
1:10 | и ничтоже ново подъ солнцемъ. Иже возглаголетъ и речетъ: се, сiе ново есть: уже бысть въ вѣцѣхъ бывшихъ прежде насъ. |
1:11 | Нѣсть память первыхъ, и послѣднимъ бывшымъ не будетъ ихъ память съ будущими на послѣдокъ. |
1:12 | Азъ екклесiастъ быхъ царь надъ Израилемъ во Иерусалимѣ |
1:13 | и вдахъ сердце мое, еже взыскати и разсмотрити въ мудрости о всѣхъ бывающихъ подъ небесемъ: яко попеченiе лукаво даде Богъ сыномъ человѣческимъ, еже упражднятися въ немъ. |
1:14 | Видѣхъ всяческая сотворенiя сотворенная подъ солнцемъ: и се, вся суетство и произволенiе духа. |
1:15 | Развращенное не можетъ исправитися, и лишенiе не можетъ изчислитися. |
1:16 См.: 🔗3Цар. 3:12 | Глаголахъ азъ въ сердцы моемъ, еже рещи: се, азъ возвеличихся и умножихъ мудрость паче всѣхъ, иже быша прежде мене во Иерусалимѣ, |
1:17 См.: 🔗Еккл. 7:25 | и сердце мое вдахъ, еже вѣдѣти премудрость и разумъ: и сердце мое видѣ многая, премудрость и разумъ, притчи и хитрость: уразумѣхъ азъ, яко и сiе есть произволенiе духа: |
1:18 | яко во множествѣ мудрости множество разума, и приложивый разумъ приложитъ болѣзнь. |