Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 | И помяни сотворшаго тя во днехъ юности твоея, дондеже не прiидутъ дніе злобы твоея, и приспѣютъ лѣта, въ нихже речеши: нѣсть ми въ нихъ хотѣнiя: |
12:2 См.: 🔗Быт. 48:10 | дондеже не померкнетъ солнце и свѣтъ, и луна и звѣзды, и обратятся облацы созади дождя: |
12:3 | въ день, въ оньже подвигнутся стражiе дому, и развратятся мужiе силы, и упразднятся мелющiи, яко умалишася, и помрачатся зрящiи во скважнехъ: |
12:4 См.: 🔗2Цар. 19:35 | и затворятъ двери на торжищи, въ немощи гласа мелющiя, и востанетъ на гласъ птицы, и смирятся вся дщери пѣсни: |
12:5 См.: 🔗Иов. 1:21 | и на высоту узрятъ, и ужасъ на пути, и процвѣтетъ Амигдалъ, и отолстѣютъ прузiе, и разрушится каппарисъ: яко отъиде человѣкъ въ домъ вѣка своего, и обыдоша на торжищи плачущiи: |
12:6 | дондеже не превратится уже сребряное, и не сокрушится повязка златая, и сокрушится водоносъ у источника, и сломится колесо въ колiи. |
12:7 См.: 🔗Пс. 145:4 | И возвратится персть въ землю, якоже бѣ, и духъ возвратится къ Богу, иже даде его. |
12:8 См.: 🔗Еккл. 1:2 | Суета суетствiй, рече екклесiастъ, всяческая суета. |
12:9 См.: 🔗3Цар. 4:32 | И лишшее, яко бысть екклесiастъ мудръ, и яко научи разуму человѣка: и ухо изслѣдитъ красоту притчей. |
12:10 | Много взыска екклесiастъ, еже обрѣсти словеса хотѣнiя, и написаное правости, словеса истины. |
12:11 | Словеса мудрыхъ якоже остны воловiи и якоже гвоздiе вонзено, иже от сложенiй дани быша от пастыря единаго. |
12:12 | И множае от нихъ, сыне мой, хранися: творити книги многи нѣсть конца, и ученiе многое трудъ плоти. |
12:13 См.: 🔗1Тим. 1:5 🔗Втор. 6:2 | Конецъ слова, все слушай: Бога бойся и заповѣди его храни, яко сiе всякъ человѣкъ: |
12:14 См.: 🔗2Кор. 5:10 | яко все творенiе приведетъ Богъ на судъ о всяцѣмъ погрѣшенiи, аще благо и аще лукаво. |