Книга Екклезиаста, или Проповедника, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1 См.: 🔗Еккл. 3:16 🔗Сир. 35:18	И обратихся азъ и видѣхъ вся оклеветанiя бывающая подъ солнцемъ: и се, слезы оклеветан­ныхъ, и нѣсть имъ утѣшающаго, и от­ руки клевещущихъ на ня крѣпость, и нѣсть имъ утѣшающаго.
4:2	И похвалихъ азъ всѣхъ умершихъ, иже умроша уже, паче живыхъ, елицы живи суть доселѣ:
4:3	и благъ паче обо­ихъ сихъ, иже еще не бысть, иже не видѣ всякаго сотворенiя лукаваго сотворен­наго подъ солнцемъ.
4:4 См.: 🔗Деян. 7:9	И видѣхъ азъ весь трудъ и всяко муже­с­т­во сотворенiя, яко сiе ревность мужа от­ подруга сво­его. И сiе суета и про­изволенiе духа.
4:5 См.: 🔗Прит. 6:10 🔗Прит. 24:33	Безумный объятъ руцѣ сво­и и снѣде плоти своя.
4:6 См.: 🔗Прит. 17:1	Благо есть исполненiе горсти покоя, паче исполненiя двою горстiю труда и про­изволенiя духа.
4:7	И обратихся азъ и видѣхъ сует­ст­во подъ солнцемъ:
4:8 См.: 🔗Пс. 38:7 🔗1Ин. 2:16	есть единъ, и нѣсть втораго, ни сына, ниже брата нѣсть ему, и нѣсть конца всему труду его, ниже око его насыщает­ся богат­ст­ва. И кому азъ труждаюся и лишаю душу мою от­ благостыни? И сiе суета и попеченiе лукавно есть.
4:9 См.: 🔗Быт. 2:18 🔗Суд. 7:10	Блази два паче единаго, имже есть мзда блага въ трудѣ ихъ:
4:10	яко аще падет­ся единъ от­ нихъ, воз­двигнетъ другій при­­част­ника сво­его: и горе тому единому, егда падетъ и не будетъ втораго воз­двигнути его.
4:11	И аще уснета два, тепло има будетъ, а единъ како согрѣет­ся?
4:12	И аще укрѣпит­ся единъ, два станета противу ему: и вервь треплетена не скоро расторгнет­ся.
4:13 См.: 🔗Еккл. 2:13	Благъ отрокъ нищь и мудръ, паче стара царя и безумна, иже не разумѣ внимати еще:
4:14 См.: 🔗Быт. 41:40	яко изъ дому юзниковъ изыдетъ цар­ст­вовати, понеже и въ цар­ст­вѣ сво­емъ родися нищь.
4:15	Видѣхъ всѣхъ живущихъ, ходящихъ подъ солнцемъ, съ юнымъ вторымъ, иже востанетъ вмѣсто его.
4:16 См.: 🔗Еккл. 1:14	Нѣсть конца всѣмъ людемъ, всѣмъ, иже предъ ними быша, ибо послѣднiи не воз­веселят­ся о немъ: яко и сiе суета и про­изволенiе духа.
4:17 См.: 🔗Деян. 7:33 🔗1Цар. 15:22 🔗Ос. 6:6	Сохрани ногу твою, егда аще идеши въ домъ Божiй, и близъ [буди] еже слушати: паче даянiя безумныхъ жертва твоя, понеже не вѣдятъ, яко творятъ зло.