Книга Екклезиаста, или Проповедника, глава 7

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 7
7:1 См.: 🔗Прит. 22:1	2Благо имя паче елеа блага, и день смертный паче дня рожденiя его.
7:2 См.: 🔗Иак. 4:9	3Благо ходити въ домъ плача, нежели ходити въ домъ пира, понеже сiе конецъ всякому человѣку, и живый дастъ благо въ сердцы его.
7:3 См.: 🔗2Кор. 7:10	4Блага ярость паче смѣха, яко во злобѣ лица ублажит­ся сердце.
7:4	5Сердце мудрыхъ въ дому плача, а сердце безумныхъ въ дому веселiя.
7:5 См.: 🔗Прит. 15:31	6Благо еже слышати прещенiе премудра, паче мужа слышащаго пѣснь безумныхъ:
7:6	7якоже гласъ тернiя подъ котломъ, тако смѣхъ безумныхъ. И сiе суета.
7:7	8Яко клевета льститъ мудраго и погубляетъ сердце благород­ст­вiя его.
7:8	9Блага послѣдняя словесъ паче начала его: благъ терпѣливый паче высокаго духомъ.
7:9 См.: 🔗Прит. 14:17	10Не тщися въ дусѣ сво­емъ яритися, яко ярость въ нѣдрѣ безумныхъ почіетъ.
7:10	11Да не речеши: что бысть, яко дніе прежднiи бѣша блази паче сихъ? яко не въ мудрости вопросилъ еси о семъ.
7:11	12Блага мудрость съ наслѣдiемъ, паче же видящымъ солнце:
7:12 См.: 🔗Сир. 41:29	13яко въ сѣни его мудрость, якоже сѣнь сребра, и изобилiе разума премудрости оживляетъ, иже от­ нея.
7:13 См.: 🔗Еккл. 1:15	14Виждь творенiя Божiя: яко кто можетъ украсити, егоже аще Богъ превратитъ?
7:14 См.: 🔗Иов. 2:10	15Въ день благостыни [его] живи во блазѣ и виждь въ день зла: виждь, и съ нимъ согласно сiе сотвори Богъ, о глаголанiи, да не обрящетъ человѣкъ за нимъ ничтоже.
7:15	16Всяческая видѣхъ во днехъ сует­ст­вiя мо­его: есть праведный погибаяй во сво­ей правдѣ, и есть нечестивый пребываяй во сво­ей злобѣ.
7:16 См.: 🔗Сир. 7:5 🔗Ис. 5:21 🔗Рим. 11:20	17Не буди правдивъ вельми, ни мудрися излишше, да не когда изумишися.
7:17 См.: 🔗Иов. 15:32	18Не нече­ст­вуй много и не буди жестокъ, да не умреши не во время свое.
7:18	19Благо ти есть держатися сего, и от­ сего не оскверни руки тво­ея, яко боящымся Бога поспѣшат­ся вся.
7:19 См.: 🔗Еккл. 9:16	20Премудрость поможетъ мудрому паче десяти обладающихъ во градѣ:
7:20 См.: 🔗3Цар. 8:46 🔗2Пар. 6:36 🔗Прит. 20:9 🔗Иак. 3:2 🔗1Ин. 1:8 🔗Рим. 7:14	21яко нѣсть человѣкъ праведенъ на земли, иже сотворитъ благое и не согрѣшитъ.
7:21	22И во вся словеса, яже воз­глаголютъ нечестивiи, не вложи сердца сво­его, да не услышиши раба сво­его кленуща тебе:
7:22	23яко многажды воз­лукавнуетъ на тя, и обхожденiи многими озлобитъ сердце твое, якоже и ты клялъ еси иныя [многiя].
7:23	24Вся сiя искусихъ въ мудрости: рѣхъ, умудрюся: и сiя удалися от­ мене
7:24 См.: 🔗Рим. 11:33	25далече паче неже бѣхъ, и бездны глубина, кто обрящетъ ю?
7:25 См.: 🔗Еккл. 1:17 🔗Ин. 10:8	26Обыдохъ азъ, и сердце мое, еже разумѣти, еже разсмотрити, и еже взыскати мудрость и разумъ, и еже разумѣти нечестиваго безумiе и ожесточенiе и лесть:
7:26 См.: 🔗Прит. 5:4 🔗Прит. 22:4	27и обрѣтохъ азъ ю, и реку горчайшу паче смерти жену, яже есть ловитва, и сѣти сердце ея, узы въ руку ея: благій предъ лицемъ Божiимъ изъимет­ся от­ нея, а согрѣшаяй ятъ будетъ от­ нея.
7:27	28Се, сiе обрѣтохъ, рече екклесiастъ: едину единою еже обрѣсти помыслъ, еже взыска душа моя, и не обрѣтохъ:
7:28 См.: 🔗Рим. 5:15 🔗Рим. 7:4	29и человѣка единаго от­ тысящъ обрѣтохъ, а жены во всѣхъ сихъ не обрѣтохъ:
7:29 См.: 🔗Быт. 1:27 🔗Быт. 3:2	30обаче се, сiе обрѣтохъ, еже сотвори Богъ человѣка праваго, и сіи взыскаша помысловъ многихъ. Кто увѣдѣ мудрость? и кто вѣсть разрѣшенiе глагола?