Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 15 | |
15:1 См.: 🔗Пс. 105:12 | Поимъ Господеви, славно бо прославися: коня и всадника вверже въ море: |
15:2 См.: 🔗Пс. 117:6 🔗Ис. 12:2 | Помощникъ и Покровитель бысть мнѣ во спасенiе: Сей мой Богъ и прославлю Его, Богъ отца моего и вознесу Его: |
15:3 | Господь сокрушаяй брани, Господь имя Ему, |
15:4 | колесницы фараоновы и силу его вверже въ море, избранныя всадники тристаты потопи въ Чермнѣмъ мори, |
15:5 См.: 🔗Неем. 9:11 🔗Отк. 18:21 | пучиною покры ихъ, погрязоша во глубинѣ яко камень: |
15:6 См.: 🔗Пс. 117:15 | десница Твоя, Господи, прославися въ крѣпости, десная Твоя рука, Господи, сокруши враги: |
15:7 | и множествомъ славы Твоея стерлъ еси сопротивныхъ, послалъ еси гнѣвъ Твой, пояде я яко стеблiе, |
15:8 См.: 🔗Ис. 63:12 | и духомъ ярости Твоея разступися вода: огустѣша яко стѣна воды, огустѣша и волны посредѣ моря: |
15:9 См.: 🔗Исх. 14:3 | рече врагъ: гнавъ постигну, раздѣлю корысть, исполню душу мою, убiю мечемъ моимъ, господствовати будетъ рука моя: |
15:10 См.: 🔗Пс. 73:13 | послалъ еси духа Твоего, покры я море, погрязоша яко олово въ водѣ зѣлнѣй: |
15:11 | кто подобенъ Тебѣ въ бозѣхъ, Господи, кто подобенъ Тебѣ? Прославленъ во святыхъ, дивенъ въ славѣ, Творяй чудеса: |
15:12 | простерлъ еси десницу Свою, пожре я земля, |
15:13 См.: 🔗Пс. 76:21 | наставилъ еси правдою Твоею люди Твоя сiя, яже избавилъ еси, утѣшилъ еси крѣпостiю Твоею во обитель святую Твою: |
15:14 См.: 🔗Нав. 2:9 | слышаша языцы и прогнѣвашася, болѣзни прiяша живущiи въ Филистимѣ: |
15:15 | тогда потщашася владыцы Едомстiи и князи Моавитстiи, прiятъ я трепетъ: растаяша вси живущiи въ Ханаанѣ: |
15:16 См.: 🔗Втор. 4:37 | да нападетъ на ня страхъ и трепетъ: величiемъ мышцы Твоея да окаменятся, дондеже пройдутъ людiе Твои, Господи, дондеже пройдутъ людiе Твои сіи, яже стяжалъ еси: |
15:17 | введъ насади я въ гору достоянiя Твоего, въ готовое жилище Твое, еже содѣлалъ еси, Господи, святыню, Господи, юже уготовастѣ руцѣ Твои: |
15:18 См.: 🔗Пс. 88:19 | Господь царствуяй вѣки, и на вѣкъ, и еще: |
15:19 См.: 🔗Исх. 14:22 | егда вниде конница фараонова съ колесницами и всадники въ море, и наведе на нихъ Господь воду морскую: сынове же Израилевы проидоша сушею посредѣ моря. |
15:20 См.: 🔗Пс. 67:26 | Взя же Марiамъ пророчица, сестра Ааронова, тимпанъ въ руцѣ свои, и изыдоша вся жены вслѣдъ ея со тимпаны и лики: |
15:21 | преднача же имъ Марiамъ, глаголющи: поимъ Господеви, славно бо прославися: коня и всадника вверже въ море. |
15:22 См.: 🔗Быт. 16:7 🔗Чис. 33:8 | Поятъ же Моисей сыны Израилевы от моря Чермнаго и веде ихъ въ пустыню Суръ: и идяху три дни въ пустыни, и не обрѣтаху воды пити. |
15:23 | Прiидоша же въ Мерру, и не можаху пити воды от Мерры, горька бо бѣ: сего ради наречеся имя мѣсту тому Горесть. |
15:24 | И роптаху людiе на Моисеа, глаголюще: что пiемъ? |
15:25 См.: 🔗Сир. 38:5 | Возопи же Моисей ко Господу, и показа ему Господь древо, и вложи е въ воду, и усладися вода: тамо положи ему оправданiя и судьбы, и тамо его искуси, |
15:26 | и рече: аще слухомъ услышиши гласъ Господа Бога твоего, и угодная предъ Нимъ сотвориши, и внушиши заповѣдемъ Его, и сохраниши вся оправданiя Его: всяку болѣзнь, юже наведохъ Египтяномъ, не наведу на тя: Азъ бо есмь Господь Богъ твой исцѣляяй тя. |
15:27 См.: 🔗Чис. 33:9 | И прiидоша во Елимъ, и бяху тамо дванадесять источниковъ водъ, и седмьдесятъ стеблiй финиковыхъ: и ополчишася тамо при водахъ. |