Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 17 | |
17:1 См.: 🔗Чис. 33:14 | И воздвижеся весь сонмъ сыновъ Израилевыхъ от пустыни Синъ по полкомъ своимъ словомъ Господнимъ и ополчишася въ Рафидинѣ. Не бяше же воды людемъ пити, |
17:2 См.: 🔗Чис. 20:2 🔗Втор. 9:7 | и хуляху людiе Моисеа, глаголюще: даждь намъ воду, да пiемъ. И рече имъ Моисей: что хулите мя? И что искушаете Господа? |
17:3 См.: 🔗Исх. 14:11 | Возжаждаша же тамо людiе воды и роптаху на Моисеа, глаголюще: вскую сiе? Извелъ еси насъ изъ Египта уморити насъ и чада наша и скоты жаждею? |
17:4 См.: 🔗Чис. 14:10 | Возопи же Моисей ко Господу глаголя: что сотворю людемъ симъ? Еще мало, и побiютъ мя каменiемъ. |
17:5 См.: 🔗Исх. 7:20 | И рече Господь къ Моисею: пойди предъ людьми сими, и поими съ собою от старецъ людскихъ, и жезлъ, имже пресѣклъ еси море, возми въ руку твою, и пойди: |
17:6 | Азъ же стану тамо прежде пришествiя твоего у камене въ Хоривѣ: и удариши въ камень, и изыдетъ изъ него вода, и да пiютъ людiе. Сотвори же Моисей тако предъ сыны Израилевыми, |
17:7 | и прозва имя мѣсту тому Искушенiе и Похуленiе, хулы ради сыновъ Израилевыхъ, и занеже искусиша Господа, глаголюще: аще есть въ насъ Господь, или ни? |
17:8 См.: 🔗Втор. 25:17 🔗Прем. 11:3 | Прiиде же Амаликъ и воева на Израиля въ Рафидинѣ. |
17:9 См.: 🔗Нав. 1:1 | Рече же Моисей ко Иисусу: избери себѣ мужы сильны и изшедъ ополчися на Амалика заутра: и се, азъ стану на верху горы, и жезлъ Божiй въ руцѣ моей. |
17:10 См.: 🔗Исх. 24:14 🔗Исх. 31:2 | И сотвори Иисусъ, якоже рече ему Моисей, и изшедъ ополчися на Амалика: Моисей же и Ааронъ и Оръ взыдоша на верхъ горы. |
17:11 См.: 🔗Нав. 8:18 | И бысть егда воздвизаше Моисей руцѣ, одолѣваше Израиль: егда же опускаше руцѣ, одолѣваше Амаликъ: |
17:12 | руцѣ же Моисеовы тяжки бѣша: и вземше камень, подложиша ему, и сѣдяше на немъ: Ааронъ же и Оръ поддержаста руцѣ ему, единъ отсюду, а другій оттуду: и быша Моисеови руцѣ укрѣплены до захожденiя солнца: |
17:13 См.: 🔗Суд. 4:23 🔗Прем. 11:3 | и преодолѣ Иисусъ Амалика и вся люди его убійствомъ меча. |
17:14 | Рече же Господь къ Моисею: впиши сiе на память въ книги и вдай во ушы Иисусу, яко пагубою погублю память Амаликову от поднебесныя. |
17:15 | И созда Моисей олтарь Господу и прозва имя ему Господь прибѣжище мое: |
17:16 | яко рукою тайною ратуетъ Господь на Амалика от рода въ родъ. |