Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 19 | |
19:1 | Месяца же третiяго изшествiя сыновъ Израилевыхъ от земли Египетскiя, въ сій день прiидоша въ пустыню Синайскую: |
19:2 См.: 🔗Чис. 33:15 | и воздвигошася от Рафидина и прiидоша въ пустыню Синайскую, и ополчися тамо Израиль прямо горы. |
19:3 См.: 🔗Деян. 7:38 | Моисей же взыде на гору Божiю, и воззва его Богъ от горы глаголя: сiя возглаголеши дому Иаковлю и повѣси сыномъ Израилевымъ: |
19:4 См.: 🔗Втор. 29:2 | сами видѣсте, елика сотворихъ Египтяномъ, и подъяхъ васъ яко на крилѣхъ орлихъ и приведохъ васъ къ Себѣ: |
19:5 См.: 🔗Втор. 5:2 🔗Пс. 23:1 | и нынѣ аще слухомъ послушаете гласа Моего и сохраните завѣтъ Мой, будете Ми людiе избранни от всѣхъ языкъ: Моя бо есть вся земля: |
19:6 См.: 🔗1Пет. 2:9 | вы же будете Ми царское священiе и языкъ святъ: сiя словеса да речеши сыномъ Израилевымъ. |
19:7 | Прiиде же Моисей, и призва старцы людскія и предложи имъ вся словеса сiя, яже завѣща имъ Богъ. |
19:8 | Отвѣщаша же вси людiе единодушно и рекоша: вся, елика рече Богъ, сотворимъ и послушаемъ. Донесе же Моисей словеса сiя къ Богу, |
19:9 | и рече Господь къ Моисею: се, Азъ прiиду къ тебѣ въ столпѣ облачнѣ, да услышатъ людiе глаголюща Мя къ тебѣ и да тебѣ вѣруютъ во вѣки. Повѣда же Моисей словеса людій ко Господу. |
19:10 | Рече же Господь Моисею: сошедъ засвидѣтелствуй людемъ и очисти я днесь и утрѣ, и да исперутъ ризы, |
19:11 | и да будутъ готовы въ день третiй: въ третiй бо день снидетъ Господь на гору Синайскую предъ всѣми людьми: |
19:12 См.: 🔗Евр. 12:20 | и устроиши люди окрестъ глаголя: внемлите себѣ не восходити на гору и ни чимже коснутися ея: всякъ прикоснувыйся горѣ смертiю умретъ: |
19:13 | не коснется ей рука, каменiемъ бо побiется или стрѣлою устрѣлится, аще скотъ, аще человѣкъ, не будетъ живъ: егда же гласи и трубы и облакъ отъидетъ от горы, сіи взыдутъ на гору. |
19:14 См.: 🔗Нав. 3:5 | Сниде же Моисей съ горы къ людемъ, и освяти я, и испраша ризы своя: |
19:15 См.: 🔗1Цар. 21:4 🔗1Кор. 7:5 | и рече людемъ: будите готови, три дни не входите къ женамъ. |
19:16 См.: 🔗Втор. 5:4 | Бысть же въ третiй день бывшу ко утру, и быша гласи и молнiя и облакъ мраченъ на горѣ Синайстѣй, гласъ трубный глашаше зѣло: и убояшася вси людiе, иже въ полцѣ: |
19:17 См.: 🔗Втор. 4:10 | изведе же Моисей люди во срѣтенiе Богу изъ полка, и сташа подъ горою. |
19:18 | Гора же Синайская дымяшеся вся, схожденiя ради Божiя на ню во огни, и восхождаше дымъ, яко дымъ пещный: и ужасошася вси людiе зѣло. |
19:19 См.: 🔗Деян. 7:38 | Быша же гласи трубнiи происходяще крѣпцы зѣло: Моисей глаголаше, Богъ же отвѣщаваше ему гласомъ. |
19:20 См.: 🔗3Цар. 19:8 | Сниде же Господь на гору Синайскую на верхъ горы, и воззва Господь Моисеа на верхъ горы, и взыде Моисей: |
19:21 | и рече Богъ къ нему глаголя: сошедъ засвидѣтелствуй людемъ, да не когда приступятъ къ Богу уразумѣти, и падутъ от нихъ мнози: |
19:22 См.: 🔗Лев. 10:3 | жерцы же приступающiи ко Господу Богу да освятятся, да не когда погубитъ от нихъ Господь. |
19:23 | И рече Моисей къ Богу: не возмогутъ людiе взыти на гору Синайскую: Ты бо завѣщалъ еси намъ глаголя: опредѣли гору и освяти ю. |
19:24 | И рече ему Господь: иди, сниди и взыди ты и Ааронъ съ тобою: жерцы же и людiе да не нудятся взыти къ Богу, да не когда погубитъ от нихъ Господь. |
19:25 | Сниде же Моисей къ людемъ и повѣда имъ. |