Книга Исход, глава 20

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 20
20:1 См.: 🔗Втор. 4:13	И глагола Господь вся словеса сiя къ Моисею глаголя:
20:2 См.: 🔗Втор. 5:6 🔗Пс. 80:11	Азъ есмь Господь Богъ твой, изведый тя от­ земли Египетскiя, от­ дому работы:
20:3 См.: 🔗Втор. 5:7	да не будутъ тебѣ бози иніи развѣ Мене.
20:4 См.: 🔗Лев. 26:1 🔗Втор. 5:8 🔗Пс. 96:7	Не сотвори себѣ кумiра и всякаго подобiя, елика на небеси горѣ и елика на земли низу, и елика въ водахъ подъ землею:
20:5 См.: 🔗Чис. 14:18 🔗Втор. 5:9	да не поклонишися имъ, ни послужиши имъ: Азъ бо есмь Господь Богъ твой, Богъ ревнитель, от­даяй грѣхи отецъ на чада до третiяго и четвертаго рода ненавидящымъ Мене,
20:6 См.: 🔗Исх. 34:7 🔗Втор. 5:10	и творяй милость въ тысящахъ любящымъ Мя и хранящымъ повелѣнiя Моя.
20:7 См.: 🔗Лев. 19:12 🔗Втор. 5:11 🔗Мф. 5:33	Не возмеши имене Господа Бога тво­его всуе: не очиститъ бо Господь прiемлющаго имя Его всуе.
20:8 См.: 🔗Исх. 31:13 🔗Втор. 5:12 🔗Иез. 20:12	Помни день субботный, еже святити его:
20:9 См.: 🔗Лев. 23:3 🔗Втор. 5:13	шесть дній дѣлай и сотвориши [въ нихъ] вся дѣла твоя:
20:10 См.: 🔗Втор. 5:14 🔗Мф. 12:2	въ день же седмый, суббота Господу Богу тво­ему: да не сотвориши всякаго дѣла въ онь ты и сынъ твой и дщерь твоя, и рабъ твой и раба твоя, и волъ твой и осля твое и всякiй скотъ твой, и при­­шлецъ обитаяй у тебе:
20:11 См.: 🔗Быт. 2:2 🔗Исх. 31:17 🔗Евр. 4:4	зане въ шести днехъ сотвори Господь небо и землю, море и вся яже въ нихъ, и почи въ день седмый: сего ради благослови Господь день седмый и освяти его.
20:12 См.: 🔗Втор. 5:16 🔗Мф. 15:4 🔗Мк. 7:10 🔗Еф. 6:2 🔗Сир. 3:8	Чти отца тво­его и матерь твою, да благо ти будетъ и да долголѣтенъ будеши на земли блазѣ, юже Господь Богъ твой даетъ тебѣ.
20:13 См.: 🔗Втор. 5:17 🔗Мф. 5:21 🔗Мф. 19:18 🔗Мк. 10:19 🔗Рим. 13:9	Не убій.
20:14 См.: 🔗Втор. 5:18 🔗Мф. 5:27	Не прелюбы сотвори.
20:15 См.: 🔗Втор. 5:19	Не укради.
20:16 См.: 🔗Втор. 5:20	Не послуше­ст­вуй на друга сво­его свидѣтел­ст­ва ложна.
20:17 См.: 🔗Втор. 5:21 🔗Рим. 7:7 🔗Рим. 13:9	Не пожелай жены искрен­няго тво­его, не пожелай дому ближняго тво­его, ни села его, ни раба его, ни рабыни его, ни вола его, ни осла его, ни всякаго скота его, ни всего, елика суть ближняго тво­его.
20:18 См.: 🔗Евр. 12:19	И вси людiе зряху гласъ и свѣщы, и гласъ трубный и гору дымящуюся: и убояв­шеся вси людiе сташа издалече,
20:19 См.: 🔗Втор. 18:16 🔗Евр. 12:19	и рекоша Моисею: глаголи ты съ нами, и да не глаголетъ къ намъ Богъ, да не когда умремъ.
20:20 См.: 🔗Быт. 22:1	Рече же имъ Моисей: дерзайте: искушенiя бо ради прiиде Богъ къ вамъ, яко да будетъ страхъ Его въ васъ, да не согрѣшаете.
20:21 См.: 🔗3Цар. 8:12 🔗Евр. 12:18	Стояху же вси людiе издалече: Моисей же вниде во мракъ, идѣже бяше Богъ.
20:22	Рече же Господь къ Моисею: сiя речеши дому Иаковлю и воз­вѣстиши сыномъ Израилевымъ: вы видѣсте, яко съ небесе глаголахъ къ вамъ:
20:23 См.: 🔗Исх. 34:17	не сотворите себѣ сами боговъ сребряныхъ и боговъ златыхъ не сотворите самымъ себѣ:
20:24 См.: 🔗Исх. 27:8 🔗Втор. 12:11	олтарь изъ земли сотворите Ми и пожрете на немъ всесожженiя ваша и спасителная ваша, и овцы и телцы вашя, на всякомъ мѣстѣ, идѣже нареку имя Мое тамо, и прiиду къ тебѣ и благословлю тя:
20:25 См.: 🔗Втор. 27:5 🔗Нав. 8:31	аще же олтарь от­ каменiй сотвориши Ми, да не устроиши ихъ тесаныхъ: сѣчиво бо твое аще воз­ложиши на нихъ, то осквернят­ся:
20:26 См.: 🔗Исх. 28:42	да не взыдеши по степенемъ ко олтарю Мо­ему, яко да не от­крыеши срамоты тво­ея на немъ.