Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 24 | |
24:1 См.: 🔗Исх. 18:25 | И Моисею рече: взыди ко Господу ты и Ааронъ, и Надавъ и Авiудъ и седмьдесятъ старецъ Израилевыхъ, и да поклонятся издалече Господу: |
24:2 | и да приступитъ Моисей единъ къ Богу, они же да не приступятъ: и людiе съ ними да не взыдутъ. |
24:3 См.: 🔗Ин. 7:19 | Прiиде же Моисей и повѣда людемъ вся словеса Божiя и оправданiя. Отвѣщаша же вси людiе гласомъ единымъ, глаголюще: вся словеса, яже глагола Господь, сотворимъ и послушаемъ. |
24:4 См.: 🔗Быт. 31:45 | И написа Моисей вся словеса Господня: обутрѣвъ же Моисей заутра, созда олтарь подъ горою, и дванадесять каменiй въ дванадесять племенъ Израилевыхъ: |
24:5 См.: 🔗Чис. 3:41 | и посла юношы сыновъ Израилевыхъ, и принесоша всесожженiя, и пожроша жертву спасенiя Господу Богу телцы. |
24:6 | Вземъ же Моисей половину крове, влiя въ чашы, половину же крове возлiя на олтарь, |
24:7 См.: 🔗Тов. 5:1 | и вземъ книгу завѣта, прочте людемъ во ушы. И рекоша: вся, елика глагола Господь, сотворимъ и послушаемъ. |
24:8 См.: 🔗Евр. 9:19 | Вземъ же Моисей кровь, окропи люди и рече: се, кровь завѣта, егоже завѣща Господь къ вамъ о всѣхъ словесѣхъ сихъ. |
24:9 | И взыде Моисей и Ааронъ, и Надавъ и Авiудъ и седмьдесятъ от старецъ Израилевыхъ, |
24:10 | и видѣша мѣсто, идѣже стояше Богъ Израилевъ: и подъ ногама Его яко дѣло камене сапфира, и яко видѣнiе тверди небесныя чистотою. |
24:11 См.: 🔗Исх. 19:12 🔗Исх. 33:22 | И от избранныхъ Израилевыхъ не повредися ни единъ: и явишася на мѣстѣ Божiи, и ядоша, и пиша. |
24:12 | И рече Господь къ Моисею: взыди ко Мнѣ на гору и стани тамо, и дамъ ти скрижали каменныя, законъ и заповѣди, яже написахъ законоположити имъ. |
24:13 | И воставъ Моисей и Иисусъ предстоявый ему, взыдоша на гору Божiю |
24:14 См.: 🔗Исх. 31:2 🔗Исх. 35:30 | и старцемъ рѣша: пождите въ молчанiи здѣ, дондеже возвратимся къ вамъ: и се, Ааронъ и Оръ съ вами: аще кому случится судъ, да идутъ къ нимъ. |
24:15 | И взыде Моисей на гору, и покры облакъ гору, |
24:16 | и сниде слава Божiя на гору Синайскую, и покры ю облакъ шесть дній. И воззва Господь Моисеа въ день седмый изъ среды облака: |
24:17 | обличiе же славы Господни, яко огнь пламенуя на версѣ горы, предъ сыны Израилевы. |
24:18 См.: 🔗Исх. 34:28 🔗Втор. 9:9 | И вниде Моисей въ среду облака и взыде на гору, и бѣ тамо на горѣ четыредесять дній и четыредесять нощей. |