Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 31 | |
31:1 | И рече Господь къ Моисею, глаголя: |
31:2 См.: 🔗Исх. 35:30 | се, нарекохъ именемъ Веселеила сына Уріи, сына Орова, от племене Иудина, |
31:3 См.: 🔗3Цар. 7:14 | и наполнихъ его Духомъ Божiимъ премудрости и смышленiя и вѣдѣнiя, во всякомъ дѣлѣ разумѣти |
31:4 | и архитектонствовати, дѣлати злато и сребро и мѣдь, и синету и багряницу, и червленицу прядену и виссонъ сканый, |
31:5 | и каменное дѣло, и различная древодѣлства дѣлати во всѣхъ дѣлѣхъ: |
31:6 См.: 🔗Исх. 35:34 | и Азъ дахъ его и Елiава сына Ахисамахова от племене Данова, и всякому смысленному сердцемъ дахъ смыслъ, и потрудятся, и сотворятъ вся, елика заповѣдахъ тебѣ: |
31:7 См.: 🔗Исх. 35:11 | скинiю свидѣнiя и кивотъ завѣта, и очистилище еже верху его, и утварь скинiи, |
31:8 | и жертвенники, и трапезу и вся сосуды ея, и свѣтилникъ чистый и вся сосуды его, |
31:9 | и умывалницу и стояло ея, |
31:10 | и ризы служебныя Аароновы и ризы сыновъ его, еже священнодѣйствовати Мнѣ, |
31:11 | и елей помазанiя, и ѳимiамъ сложенiя святаго: по всѣмъ, елика заповѣдахъ тебѣ, сотворятъ. |
31:12 | И рече Господь къ Моисею, глаголя: |
31:13 См.: 🔗Исх. 20:8 🔗Иез. 20:12 | и ты заповѣждь сыномъ Израилевымъ, глаголя: смотрите и субботы Моя сохраните: есть бо знаменiе между Мною и вами въ роды вашя, да увѣсте, яко Азъ Господь освящаяй васъ: |
31:14 См.: 🔗Чис. 15:35 🔗Быт. 17:14 | и сохраните субботу, яко свята сiя есть Господу и вамъ: осквернивый ю смертiю умретъ: всякъ, иже сотворитъ въ ню дѣло, потребится душа та от среды людій своихъ: |
31:15 См.: 🔗Исх. 20:9 | шесть дній да сотвориши дѣла, въ день же седмый суббота, покой святъ Господу: всякъ, иже сотворитъ дѣло въ седмый день, смертiю умретъ: |
31:16 | и да сохранятъ сынове Израилевы субботы держати я въ роды ихъ: |
31:17 | завѣтъ вѣченъ во Мнѣ и въ сынѣхъ Израилевыхъ, знаменiе есть во Мнѣ вѣчное: яко въ шести днехъ сотвори Господь небо и землю, въ седмый же день преста, и почи. |
31:18 | И даде [Богъ] Моисею, егда преста глаголя ему на горѣ Синайстѣй, двѣ скрижали свидѣнiя, скрижали каменны написаны перстомъ Божiимъ. |