Книга Исход, глава 34

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 34
34:1 См.: 🔗Втор. 10:1	И рече Господь къ Моисею: истеши себѣ двѣ скрижали камен­ны, якоже и первыя, и взыди ко Мнѣ на гору: и напишу на скрижалехъ словеса, яже бяху на скрижалехъ первыхъ, яже сокрушилъ еси:
34:2 См.: 🔗Исх. 33:21	и буди готовъ заутра, и взыдеши на гору Синайскую и предстанеши Мнѣ тамо на версѣ горы:
34:3 См.: 🔗Исх. 19:12	и да никтоже взыдетъ съ тобою, ниже да явит­ся на всей горѣ: и овцы и говяда да не пасут­ся близъ горы тоя.
34:4 См.: 🔗Втор. 10:3	И истеса двѣ скрижали камен­ны, якоже и первыя: и утрен­невавъ Моисей заутра, взыде на гору Синайскую, якоже завѣща ему Господь: и взя Моисей съ собою двѣ скрижали камен­ныя.
34:5 См.: 🔗Исх. 33:19	И сниде Господь во облацѣ, и предста ему тамо Моисей, и при­­зва именемъ Господнимъ.
34:6 См.: 🔗Пс. 85:15 🔗Иоил. 2:13 🔗Ион. 4:2	И мимо­иде Господь предъ лицемъ его и воз­зва: Господь, Господь Богъ щедръ и милостивъ, долготерпѣливъ и многомилостивъ и истиненъ,
34:7 См.: 🔗Исх. 20:6 🔗Втор. 5:10 🔗Иер. 32:18	и правду храняй, и творяй милость въ тысящы, отъ­емляй беззаконiя и неправды и грѣхи, и повин­наго не очиститъ, наводяй грѣхи отцевъ на чада, и на чада чадъ, до третiяго и четвертаго рода.
34:8 См.: 🔗1Цар. 24:9	И потщався Моисей, при­­никъ на землю, поклонися Богу
34:9 См.: 🔗Втор. 9:13	и рече: аще обрѣтохъ благодать предъ Тобою, да идетъ Господь мой съ нами: людiе бо жестоковыйнiи суть: и отъ­имеши Ты грѣхи нашя и беззаконiя наша, и будемъ Тво­и.
34:10	И рече Господь къ Моисею: се, Азъ полагаю тебѣ завѣтъ предъ всѣми людьми тво­ими, и сотворю славная, яже не быша по всей земли и во всѣхъ языцѣхъ: и узрятъ вси людiе, въ нихже еси ты, дѣла Господня, яко чудна суть, яже Азъ сотворю тебѣ:
34:11	внемли ты вся, елика Азъ заповѣдаю тебѣ: се, Азъ изжену предъ лицемъ вашимъ Аморреа и Хананеа, и Хеттеа и Ферезеа, и Евеа и Гергесеа и Иевусеа:
34:12 См.: 🔗Втор. 7:2	внемли себѣ, да не когда завѣщаеши завѣтъ сѣдящымъ на земли, въ нюже внидеши, да не будетъ соблазнъ въ васъ:
34:13 См.: 🔗Исх. 23:24	капища ихъ разорите и кумiры ихъ сокрушите, и дубравы ихъ посѣцыте, и изваяная боговъ ихъ сожжите огнемъ,
34:14 См.: 🔗Исх. 20:5	не бо поклонитеся богомъ инымъ: ибо Господь Богъ ревниво имя, Богъ ревнивъ есть:
34:15 См.: 🔗Исх. 23:32 🔗Втор. 7:2	да не когда завѣщаеши завѣтъ сѣдящымъ на земли, и соблудятъ вслѣдъ боговъ ихъ, и пожрутъ богомъ ихъ, и при­­зовутъ тя, и снѣси от­ жертвъ ихъ:
34:16 См.: 🔗3Цар. 11:1 🔗Втор. 7:3	и поймеши от­ дщерей ихъ сыномъ тво­имъ, и от­ дщерей тво­ихъ даси сыномъ ихъ, и соблудятъ дщери твоя вслѣдъ боговъ ихъ, и сынове тво­и соблудятъ вслѣдъ боговъ ихъ:
34:17 См.: 🔗Исх. 20:3	и боговъ слiяныхъ да не сотвориши себѣ:
34:18 См.: 🔗Исх. 12:2	и праздникъ опрѣсночный да сохраниши: седмь дній да яси опрѣсноки, якоже заповѣдахъ тебѣ, во время въ месяцѣ новыхъ плодовъ: въ месяцѣ бо новыхъ плодовъ изшелъ еси от­ земли Египетскiя:
34:19 См.: 🔗Исх. 13:2 🔗Исх. 22:29 🔗Иез. 44:30 🔗Лк. 2:23	всяко разверзающее ложесна мужескъ Мнѣ полъ [да будетъ], всяко первородное телца и первородное овцы:
34:20 См.: 🔗Исх. 13:13	и первородное осляте искупиши овцею: аще же не искупиши е, цѣну да даси его: всякаго первенца от­ сыновъ тво­ихъ да искупиши, да не явишися предо Мною тощь:
34:21 См.: 🔗Исх. 20:9	въ шесть дній да дѣлаеши, въ седмый же день да почіеши, от­ сѣятвы и жатвы да почіеши,
34:22 См.: 🔗Втор. 16:10	и праздникъ седмицъ да сотвориши ми, начало жатвы пшеницы, и праздникъ собранiя посредѣ лѣта:
34:23 См.: 🔗Исх. 23:17 🔗Втор. 16:16	въ три времена лѣта да явит­ся всякъ мужескъ полъ твой предъ Господемъ Богомъ Израилевымъ:
34:24	егда бо изжену языки от­ лица тво­его и разширю предѣлы твоя, никтоже воз­желаетъ земли тво­ея, егда прiидеши явитися предъ Господемъ Богомъ тво­имъ въ три времена лѣта:
34:25 См.: 🔗Исх. 12:10 🔗Исх. 23:18	да не заколеши съ квасомъ крове жертвъ Мо­ихъ, и да не прележитъ до утрiя жертва праздника Пасхи:
34:26 См.: 🔗Исх. 23:19 🔗Втор. 14:21	первородная житъ земли тво­ея да внесеши въ домъ Господа Бога тво­его: да не свариши агнца во млецѣ матере его.
34:27 См.: 🔗Исх. 24:4	И рече Господь къ Моисею: напиши себѣ словеса сiя, въ словесѣхъ бо сихъ положихъ тебѣ завѣтъ и Израилю.
34:28 См.: 🔗Исх. 24:18 🔗Втор. 9:9	И бѣ тамо Моисей предъ Господемъ четыредесять дній и четыредесять нощей: хлѣба не яде и воды не пи: и написа [Моисей] на скрижалехъ словеса сiя завѣта, десять словесъ.
34:29	Сходящу же Моисею съ горы Синайскiя, и обѣ скрижали въ руку Моисеову: сходящу же ему съ горы, и Моисей не вѣдяше, яко прославися зракъ плоти лица его, егда глаголаше съ нимъ.
34:30 См.: 🔗2Кор. 3:7	И видѣ Ааронъ и вси сынове Израилевы Моисеа, и бяше прославленъ зракъ плоти лица его: и убояшася при­­ступити къ нему.
34:31	И воз­зва ихъ Моисей, и обратишася къ нему Ааронъ и вси князи сонма: и глагола Моисей къ нимъ.
34:32 См.: 🔗Исх. 35:1	И по сихъ прiидоша къ нему вси сынове Израилевы: и заповѣда имъ вся, елика глагола къ нему Господь на горѣ Синайстѣй.
34:33 См.: 🔗2Кор. 3:13	И егда преста глаголя къ нимъ, воз­ложи на лице свое покровъ.
34:34	Егда же вхожда­ше Моисей предъ Господа глаголати къ Нему, снима­ше покровъ, дондеже исхожда­ше: и изшедъ глаголаше ко всѣмъ сыномъ Израилевымъ, елика заповѣда ему Господь.
34:35	И видѣша сынове Израилевы лице Моисеово, яко прославися: и воз­лага­ше Моисей покровъ на лице свое, дондеже внидетъ глаголати съ Нимъ.