Книга Исход, глава 40

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 40
40:1	И рече Господь къ Моисею, глаголя:
40:2 См.: 🔗2Пар. 1:3	въ день первый месяца перваго, въ новомесячiе поставиши скинiю свидѣнiя:
40:3 См.: 🔗Исх. 26:33	и да положиши кивотъ свидѣнiя, и покрыеши кивотъ завѣсою:
40:4	и внесеши трапезу, и предложиши предложенiе ея: и внесеши свѣтилникъ, и поставиши свѣтила его:
40:5 См.: 🔗Исх. 30:1	и положиши олтарь златый, въ кажденiе предъ кивотомъ свидѣнiя, и воз­ложиши покровъ завѣсы надъ дверiю скинiи свидѣнiя:
40:6	и олтарь при­­ношенiй поставиши у дверiй скинiи свидѣнiя,
40:7	и поставиши умывалницу между скинiею свидѣнiя и между олтаремъ, и влiеши въ ню воду:
40:8	и поставиши дворъ окрестъ и даси завѣсу дверiй двора:
40:9 См.: 🔗Исх. 30:26	и возмеши елей помазанiя и помажеши скинiю и вся яже въ ней, и освятиши ю и вся сосуды ея, и будутъ свята:
40:10 См.: 🔗Чис. 7:1	и да помажеши олтарь при­­ношенiй и вся сосуды его, и освятиши олтарь, и будетъ олтарь святый святыхъ:
40:11	и помажеши умывалницу и стояло ея и освятиши ю:
40:12 См.: 🔗Исх. 29:4	и да при­­ведеши Аарона и сыновъ его предъ двери скинiи свидѣнiя и измыеши ихъ водою:
40:13	и да облечеши Аарона въ ризы святыя и помажеши его, и освятиши его, и да жретъ Мнѣ:
40:14 См.: 🔗Исх. 29:8	и сыны его да при­­ведеши и облечеши я въ ризы,
40:15	и да помажеши я, якоже помазалъ еси отца ихъ, да жрутъ Мнѣ: и будетъ, еже быти имъ помазанiю жрече­ст­ва во вѣкъ, въ роды ихъ.
40:16 См.: 🔗Исх. 7:10	И сотвори Моисей вся, елика заповѣда ему Господь, сице сотвори.
40:17 См.: 🔗Чис. 7:1	И бысть въ первый месяцъ во второе лѣто исходящымъ имъ от­ Египта, въ новомесячiи ста скинiя.
40:18	И постави Моисей скинiю, и подложи стояла ея, и воз­ложи главицы, и вложи разворы, и постави столпы,
40:19	и простре опоны на скинiю, и воз­ложи покрывало скинiи на ню съ верху, якоже заповѣда Господь Моисею:
40:20 См.: 🔗Чис. 7:1 🔗Евр. 9:4	и вземъ свидѣнiя, вложи въ кивотъ, и подстави ноги подъ кивотомъ, и воз­ложи очистилище надъ кивотомъ:
40:21	и внесе кивотъ въ скинiю, и воз­ложи покровъ завѣсы, и закры кивотъ свидѣнiя, якоже заповѣда Господь Моисею:
40:22 См.: 🔗Исх. 26:35	и постави трапезу въ скинiи свидѣнiя, на страну скинiи свидѣнiя, яже къ сѣверу, внѣуду завѣсы скинiи:
40:23 См.: 🔗Исх. 25:23 🔗1Цар. 21:6	и воз­ложи на ню хлѣбы предложенiя предъ Господемъ, якоже заповѣда Господь Моисею:
40:24 См.: 🔗Исх. 25:31	и постави свѣтилникъ въ скинiи свидѣнiя прямо трапезы, на страну скинiи, яже къ югу:
40:25	и постави свѣщники его предъ Господемъ, якоже заповѣда Господь Моисею:
40:26	и постави олтарь златый въ скинiи свидѣнiя противу завѣсы,
40:27 См.: 🔗Исх. 30:7	и покади надъ нимъ ѳимiамомъ сложенiя, якоже заповѣда Господь Моисею:
40:28	и положи завѣсу дверiй скинiи,
40:29 См.: 🔗Исх. 27:1	и олтарь при­­ношенiй постави у дверiй скинiи покрова свидѣнiя, и воз­несе на немъ всесожженiе и жертву, якоже заповѣда Господь Моисею:
40:30 См.: 🔗Исх. 30:18	и сотвори умывалницу между скинiею свидѣнiя и между жертвен­никомъ,
40:31	и влiя въ ню воду, да умываютъ от­ нея Моисей и Ааронъ и сынове его руки своя и ноги, входящымъ имъ въ скинiю свидѣнiя:
40:32 См.: 🔗Исх. 29:4 🔗Исх. 30:19	или при­­ходяще къ жертвен­нику служити, умывахуся от­ нея, якоже заповѣда Господь Моисею:
40:33	и постави дворъ окрестъ скинiи и олтаря и положи завѣсу двора. И сконча Моисей вся дѣла.
40:34 См.: 🔗Чис. 9:15 🔗3Цар. 8:10	И покры облакъ скинiю свидѣнiя, и славы Господни исполнися скинiя,
40:35	и не можа­ше Моисей внити въ скинiю свидѣнiя, яко осѣняше надъ нею облакъ, и славы Господни исполнися скинiя:
40:36 См.: 🔗Чис. 9:21 🔗Чис. 14:14	егда же восхожда­ше облакъ от­ скинiи, воз­двизахуся сынове Израилевы со имѣнiемъ сво­имъ:
40:37	аще же не взыде облакъ, не воз­двизахуся даже до дне, въ оньже взыдетъ облакъ:
40:38 См.: 🔗Пс. 77:14 🔗Ис. 4:5 🔗1Кор. 10:1	облакъ бо Господень бяше надъ скинiею въ день, и огнь бяше надъ нею въ нощь предъ всѣмъ Израилемъ во всѣхъ путеше­ст­вiихъ ихъ. Конецъ книзѣ вторѣй Моисеовѣ: имать въ себѣ главъ 40.