Книга пророка Иезекииля, глава 19

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 19
19:1	Ты же, сыне человѣчь, воз­ми плачь на князи Израилевы,
19:2 См.: 🔗Наум. 2:11 🔗Соф. 3:3	и речеши: почто мати твоя львица средѣ львовъ почи, посредѣ львовъ умножи львичища своя?
19:3 См.: 🔗4Цар. 23:31 🔗Зах. 11:3	И от­скочи единъ от­ львичищъ ея и бысть левъ, и научися восхищати восхищенiя и человѣки снѣде.
19:4 См.: 🔗4Цар. 23:33 🔗Иер. 22:11	И слышаша о немъ языцы, и ятъ бысть въ растлѣнiи ихъ, при­­ведоша его во уздѣ во Египетъ.
19:5 См.: 🔗4Цар. 23:34	И видѣ, яко от­веденъ бысть от­ нея, и погибе чаянiе ея: и взя инаго от­ львичищъ сво­ихъ и львомъ учини его,
19:6	и живяше посредѣ львовъ, бысть левъ и научися восхищати восхищенiя: человѣки изъяде,
19:7 См.: 🔗Ам. 3:4	и пасяшеся въ лютости сво­ей, и грады ихъ пусты постави, и погуби землю и исполненiе ея гласомъ рыканiя сво­его.
19:8 См.: 🔗Иез. 17:20	И даша нань языцы окрестъ от­ странъ и простроша нань мрежи своя, и въ погубленiи ихъ ятъ бысть.
19:9 См.: 🔗2Пар. 36:6	И положиша его во уздѣ и въ клѣти, при­­ведоша его ко царю Вавилонску и ввергоша его въ темницу, яко да не слышит­ся гласъ его ктому на горахъ Израилевыхъ.
19:10	Мати твоя яко виноградъ и яко цвѣтъ шипчанъ на водѣ насажденъ, плодъ его и от­расль его бысть от­ воды многи.
19:11	И бысть ему жезлъ крѣпости надъ племенемъ старѣйшинъ, и воз­несеся въ величiи сво­емъ средѣ лозiя: и видѣ величе­с­т­во свое во множе­ст­вѣ лозiя сво­его,
19:12 См.: 🔗Ос. 13:15	и обломися въ ярости, и на землю поверженъ бысть, и вѣтръ знойный изсуши плоды его: увядоша, и изсше жезлъ крѣпости его: огнь потреби его.
19:13	И нынѣ насадиша его въ пустыни, на земли безводнѣ.
19:14	И изыде огнь от­ жезла избран­ныхъ его и пояде и, и не бѣ въ немъ жезла крѣпости его: племя въ притчу плача есть, и будетъ плачь.