Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 22 | |
22:1 | И бысть слово Господне ко мнѣ глаголя: |
22:2 См.: 🔗Иез. 20:4 | и ты, сыне человѣчь, аще судити будеши граду кровей, и яви ему вся беззаконiя его, |
22:3 | и речеши: сiя глаголетъ Адонаи Господь: о, граде проливаяй кровь средѣ себе, еже прiити времени его, и творяй кумiры на себе, еже осквернитися самому: |
22:4 См.: 🔗4Цар. 21:16 | въ крови ихъ, юже излiялъ еси, согрѣшилъ еси, и въ кумiрѣхъ твоихъ, яже творилъ, осквернился еси, и сократилъ еси дни твоя, и приведъ время лѣтъ твоихъ: сего ради дахъ тя на укоризну языкомъ и на поруганiе всѣмъ странамъ, |
22:5 | близъ тебе и далече от тебе сущымъ, и поругаются тебѣ и возопiютъ на тя: о, нечистый, пресловутый и многъ во беззаконiихъ! |
22:6 См.: 🔗Мих. 3:1 | се, старѣйшины дому Израилева, кійждо ко своимъ ужикамъ смѣсишася въ тебѣ, яко да пролiютъ кровь: |
22:7 См.: 🔗Пс. 93:6 | отцу и матери злословяху въ тебѣ и ко пришелцу обращахуся неправдами въ тебѣ: сироту и вдовицу преобидяху въ тебѣ: |
22:8 | и святая моя уничижаху и субботы моя оскверняху въ тебѣ: |
22:9 | мужiе разбойницы бѣша въ тебѣ, яко да пролiютъ въ тебѣ кровь, и на горахъ ядяху въ тебѣ и скверны творяху въ тебѣ: |
22:10 См.: 🔗Лев. 18:7 | стыдъ отчiй открыша въ тебѣ, и въ нечистотѣ сѣдящую обругаша въ тебѣ: |
22:11 См.: 🔗Лев. 18:9 🔗Иез. 33:26 | кійждо на жену подруга своего беззаконноваша, и кійждо невѣстку свою оскверняше въ нечестiи, и кійждо сестру свою, дщерь отца своего, обругаваше въ тебѣ: |
22:12 См.: 🔗Лев. 25:36 🔗Прит. 28:8 | мзды взимаху въ тебѣ, яко да пролiютъ кровь, лихву и избытокъ взимаху въ тебѣ: и скончалъ еси скончанiе злобы твоея яже въ насилiи, мене же забылъ еси, глаголетъ Адонаи Господь. |
22:13 | Се убо, ударю рукою моею о руку мою на та, яже совершилъ еси и яже сотворилъ еси, и на крови твоя бывшыя посредѣ тебе: |
22:14 См.: 🔗Иез. 17:24 | аще устоитъ сердце твое, и аще преодолѣютъ руцѣ твои во днехъ, въ няже азъ творю въ тебѣ? Азъ Господь глаголахъ, и сотворю. |
22:15 См.: 🔗Иез. 12:15 | И разсыплю тя во языцѣхъ и разсѣю тя въ странахъ, и оскудѣетъ нечистота твоя изъ тебе, |
22:16 | и владѣти буду тобою предъ очима языковъ, и познаеши, яко азъ Господь. |
22:17 | И бысть слово Господне ко мнѣ глаголя: |
22:18 См.: 🔗Иер. 6:28 | сыне человѣчь, се, быша мнѣ домъ Израилевъ смѣшани вси съ мѣдiю и желѣзомъ, и со оловомъ чистымъ и со свинцемъ, средѣ пещи сребро смѣшено суть. |
22:19 | Сего ради рцы: сiя глаголетъ Адонаи Господь: понеже бысте вси во смѣшенiе едино, сего ради, се, азъ прiиму васъ во средину Иерусалима: |
22:20 | якоже прiемлется сребро и мѣдь, и желѣзо и свинецъ и олово чистое во средину пещи, еже дунути на ня огню, да слiются, тако прiиму васъ во гнѣвѣ моемъ и въ ярости моей, и соберу и слiю васъ, |
22:21 | и дуну на вы во огни гнѣва моего, и слiяни будете средѣ его: |
22:22 | якоже сливается сребро средѣ пещи, тако слiетеся посредѣ его и познаете, яко азъ Господь излiяхъ ярость мою на васъ. |
22:23 | И бысть слово Господне ко мнѣ глаголя: |
22:24 См.: 🔗Евр. 6:7 | сыне человѣчь, рцы ему: ты еси земля неодождимая, ниже дождь бысть на тя въ день ярости. |
22:25 | Егоже старѣйшины средѣ его, яко львы рыкающе, восхищающе восхищенiя, душы изъядающе насилiемъ, богатство и честь прiемлюще, и вдовицы твоя умножишася посредѣ тебе: |
22:26 | и жерцы его отвергошася закона моего и оскверниша святая моя: между святымъ и сквернавымъ не разлучаху, и между нечистымъ и чистымъ не раздѣляху, и от субботъ моихъ покрываху очи свои, и оскверняху мя посредѣ себе: |
22:27 См.: 🔗Мих. 3:10 🔗Соф. 3:3 | князи его средѣ его яко волцы восхищающе похищенiя, еже пролiяти кровь и погубити душы, яко да лихоимствомъ лихоимствуютъ: |
22:28 См.: 🔗Иез. 13:6 | и пророцы его помазующiи ихъ падутъ, видящiи суетная, волхвующiи ложная, глаголюще: сiя глаголетъ Адонаи Господь: а Господь не глагола. |
22:29 | Людій земли утѣсняюще неправдою и восхищающе восхищенiя, нища и убога насильствующе и со пришелцемъ не живуще судомъ. |
22:30 См.: 🔗Иез. 13:5 | И искахъ от нихъ мужа живуща право и стояща цѣло предъ лицемъ моимъ во время гнѣва моего, еже бы не до конца погубити его {градъ Иерусалимъ}, и не обрѣтохъ. |
22:31 См.: 🔗Иез. 7:4 | И излiяхъ нань ярость мою во огни гнѣва моего, еже скончати я: пути ихъ на главы ихъ дахъ, глаголетъ Адонаи Господь. |