Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 30 | |
30:1 | И бысть слово Господне ко мнѣ глаголя: |
30:2 | сыне человѣчь, прорцы и рцы: сiя глаголетъ Адонаи Господь: |
30:3 См.: 🔗Иоил. 2:2 🔗Соф. 1:14 | возрыдайте: оле, оле день! яко близъ день Господень, и приближается день облака, и конецъ языковъ будетъ: |
30:4 См.: 🔗Ис. 20:3 | и прiидетъ мечь на Египтяны, и будетъ мятежъ во еѳiопiи, и падутъ язвенiи во Египтѣ, и взято будетъ множество ихъ, и падутся основанiя его: |
30:5 | персяне и критяне, и лидяне и Ливиане, и мурини [и вся Аравiа] и вси примѣсницы, и сынове, иже от завѣта моего, въ немъ мечемъ падутъ съ нимъ. |
30:6 См.: 🔗Иез. 29:10 | Сiя глаголетъ Господь: и падутъ подпоры Египта, и снидетъ укоризна крѣпости его от Магдола даже до Сiины, мечемъ падутъ въ немъ, глаголетъ Адонаи Господь. |
30:7 | И опустѣютъ средѣ странъ погибшихъ, и гради ихъ средѣ градовъ опустѣвшихъ будутъ: |
30:8 См.: 🔗Иез. 29:16 | и уразумѣютъ, яко азъ есмь Господь, егда дамъ огнь на Египетъ, и сокрушатся вси помагающiи ему. |
30:9 См.: 🔗Исх. 12:29 | Въ той день прiидутъ вѣстницы от лица моего въ сiеимъ тщащеся погубити надежду муринскiя земли, и будетъ имъ мятежъ въ день Египетскъ, яко се, приспѣ. |
30:10 | Сiя глаголетъ Адонаи Господь: и погублю множество Египтянъ рукою навуходоносора царя Вавилонска, |
30:11 См.: 🔗Иез. 31:11 | самаго и людій его съ нимъ, губителiе от языкъ послани погубити землю: и извлекутъ вси мечы своя на Египта, и наполнится земля язвеными. |
30:12 См.: 🔗Ис. 19:5 🔗Иез. 5:17 | И дамъ рѣки ихъ во опустѣнiе и отдамъ землю въ руцѣ злыхъ, и погублю землю и исполненiе ея руками чуждихъ, азъ Господь глаголахъ. |
30:13 См.: 🔗Зах. 13:2 | Яко сiя глаголетъ Адонаи Господь: погублю кумiры и испражню вельможы от мемфиса и старѣйшины от земли Египетскiя, и не будутъ ктому: и дамъ страхъ во земли Египетстѣй. |
30:14 См.: 🔗Иер. 44:1 | И погублю землю фаѳорскую, и дамъ огнь на таниса, и сотворю отмщенiе въ Дiосполи, |
30:15 См.: 🔗Иер. 46:25 🔗Ос. 9:6 | и излiю ярость мою на саинъ крѣпость Египетску, и погублю множество мемфы. |
30:16 | И дамъ огнь на Египта, и мятежемъ возмятется саисъ, и въ Дiосполи будетъ разсѣлина, и разлiются воды. |
30:17 См.: 🔗Исх. 1:11 | Юноши илiуполя и вуваста мечемъ падутъ, и жены въ плѣнъ пойдутъ: |
30:18 См.: 🔗Иер. 46:14 | и въ тафнесѣ помрачится день, егда сокрушу тамо скипетры Египетски, и погибнетъ тамо укоризна крѣпости его, и того покрыетъ облакъ, и дщери его во плѣненiе отведутся. |
30:19 См.: 🔗Иер. 1:16 | И сотворю судъ во Египтѣ, и уразумѣютъ, яко азъ есмь Господь. |
30:20 | И бысть во единонадесятое лѣто, въ первый месяцъ, въ седмый день месяца, бысть слово Господне ко мнѣ глаголя: |
30:21 См.: 🔗Иер. 48:25 | сыне человѣчь, мышцы фараона царя Египетска сотрохъ, и се, не помолися, еже дати ему цѣльбу, приложити ему пластырь, [обязати,] дати силу, да возметъ мечь. |
30:22 | Того ради сiя глаголетъ Адонаи Господь: се, азъ на фараона царя Египетска, и сокрушу мышцы его крѣпкiя и протяженыя и сотреныя, и изрину мечь его изъ руки его: |
30:23 См.: 🔗Иез. 29:12 | и разсѣю Египта во языки и развѣю ихъ во страны: |
30:24 | и укрѣплю мышцы царя Вавилонска и дамъ мечь мой въ руку его, и наведетъ его на Египта, и плѣнитъ плѣненiе его, и возметъ корысти его: |
30:25 | и укрѣплю мышцы царя Вавилонска, мышцы же фараони падутъ: и увѣдятъ, яко азъ есмь Господь, егда дамъ мечь мой въ руцѣ царя Вавилонска, и простретъ его на землю Египетску, |
30:26 | и разсѣю Египта во языки и развѣю ихъ во страны: и увѣдятъ вси, яко азъ есмь Господь. |