Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 35 | |
35:1 | И бысть слово Господне ко мнѣ глаголя: |
35:2 См.: 🔗Иез. 25:8 🔗Авд. 1:10 | сыне человѣчь, обрати лице твое къ горѣ сеиръ и прорцы на ню и рцы ей: |
35:3 См.: 🔗Ис. 31:3 | сiя глаголетъ Адонаи Господь: се, азъ на тя, горо сеиръ, и простру руку мою на тя и поставлю тя пусту, и опустѣеши, |
35:4 См.: 🔗Иез. 7:27 | и во градѣхъ твоихъ пустыню сотворю, и ты въ пустыню будеши, и уразумѣеши, яко азъ есмь Господь. |
35:5 См.: 🔗Ам. 1:11 🔗Иез. 21:29 | Понеже бысть въ тебѣ вражда вѣчная, и присѣдѣла еси дому Израилеву лукавствомъ, рукою враговъ съ мечемъ во время печали ихъ и во время неправды, на послѣдокъ: |
35:6 | сего ради живу азъ, глаголетъ Адонаи Господь, понеже въ крови согрѣшила еси, и кровь поженетъ тя, кровь возненавидѣла еси, и кровь ижденетъ тя. |
35:7 | И поставлю гору сеиръ пусту и опустѣвшу, и погублю от нея человѣки и скоты, [и приходяша и отходяща:] |
35:8 | и наполню язвеными твоими холмы твоя и дебри твоя, и на всѣхъ полехъ твоихъ язвенiи мечемъ падутъ въ тебѣ: |
35:9 См.: 🔗Мал. 1:4 | и пусту во вѣкъ поставлю тя, и гради твои не населятся ктому, и уразумѣеши, яко азъ есмь Господь. |
35:10 См.: 🔗Пс. 82:13 | Понеже рекла еси: оба языка и обѣ странѣ мои будутъ, и возму ихъ въ наслѣдiе, а Господь тамо есть: |
35:11 См.: 🔗Иез. 7:27 | сего ради живу азъ, глаголетъ Адонаи Господь, и сотворю тебѣ по враждѣ твоей и по ревности твоей, юже сотворила еси от ненавидѣнiя къ нимъ, и познанъ буду тобою, егда имамъ тебе судити, и уразумѣеши, яко азъ есмь Господь. |
35:12 См.: 🔗Авд. 1:12 | Слышахъ гласъ всѣхъ хуленiй твоихъ, яже глаголала еси: горы Израилевы пусты даны намъ во снѣдь: |
35:13 | и велерѣчила еси на мя усты твоими и умножила на мя словеса, азъ же услышахъ. |
35:14 | Сего ради тако глаголетъ Адонаи Господь: во веселiи всея земли пусту тя сотворю: |
35:15 См.: 🔗Авд. 1:15 | якоже порадовалася еси о наслѣдiй дому Израилева, яко погибе, тако сотворю тебѣ: пуста будеши, горо сеиръ, и вся Идумеа потребится, и увѣдятъ, яко азъ есмь Господь Богъ ихъ. |