Книга пророка Иезекииля, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1	И бысть слово Господне ко мнѣ глаголя:
6:2 См.: 🔗Иез. 36:1	сыне человѣчь, утверди лице твое къ горамъ Израилевымъ и прорцы къ нимъ,
6:3 См.: 🔗Иез. 36:2 🔗Ам. 4:1	и речеши: горы Израилевы, слышите слово Господне, сiя глаголетъ Адонаи Господь горамъ и холмомъ, и каменемъ и дебремъ: се, азъ наведу на вы мечь, и потребят­ся высоты вашя:
6:4 См.: 🔗Лев. 26:30	и сокрушат­ся требища ваша и кумирницы вашя, и повергу язвеныхъ вашихъ предъ кумиры вашими:
6:5	и дамъ трупы сыновъ Израилевыхъ предъ кумиры ихъ и расточу кости вашя окрестъ требищъ вашихъ.
6:6	И во всемъ селенiи ва­шемъ опустѣютъ грады, и высокая ваша погибнутъ, яко да потребят­ся требницы ваши и сокрушат­ся, и престанутъ кумiры ваши, и от­вергут­ся кумирницы вашя, и потребят­ся дѣла ваша:
6:7 См.: 🔗Иез. 7:27	и падутъ язвенiи посредѣ васъ, и познаете, яко азъ Господь.
6:8 См.: 🔗Ис. 43:5 🔗Иез. 12:16	И оставлю еже быти от­ васъ избѣгшымъ от­ меча во языцѣхъ, и въ разсыпанiи ва­шемъ во странахъ,
6:9 См.: 🔗Ис. 45:17 🔗Иез. 20:43 🔗Иез. 36:31	и помянутъ мя уцѣлѣв­шiи от­ васъ во языцѣхъ, аможе быша плѣнени: кляхся бо сердцу ихъ блудив­шему и от­став­шему от­ мене и очесемъ ихъ блудив­шымъ вслѣдъ начинанiй ихъ: и бити имутъ лица своя о злобахъ, яже твориша во всѣхъ мерзостехъ сво­ихъ,
6:10	и познаютъ, яко азъ Господь не туне глаголахъ сотворити имъ вся злая сiя.
6:11 См.: 🔗Иез. 21:12	Тако глаголетъ Адонаи Господь: восплещи рукою и вострепли ногою и рцы: благоже, благоже о всѣхъ мерзостехъ злобы дому Израилева: яко мечемъ и гладомъ и смертiю падутъ.
6:12 См.: 🔗Иер. 24:10 🔗Иер. 48:17 🔗Иез. 14:21	Дальнiи смертiю скончают­ся, а ближнiи мечемъ падутъ: остав­шiи же и обдержимiи гладомъ скончают­ся: и скончаю гнѣвъ мой на нихъ,
6:13 См.: 🔗3Цар. 14:23 🔗4Цар. 16:4 🔗Иер. 2:20	и увѣсте, яко азъ Господь, егда будутъ язвенiи ваши средѣ кумиръ вашихъ окрестъ требищъ вашихъ, на всяцѣмъ холмѣ высоцѣмъ и на всѣхъ версѣхъ горнихъ, и подъ дубомъ сѣн­нымъ и подъ всякимъ древомъ чащнымъ, идѣже даяху воню благо­уханiя всѣмъ кумiромъ сво­имъ.
6:14 См.: 🔗Иер. 6:8	И простру руку мою на ня, положу землю въ пагубу и въ потребленiе от­ пустыни Девлаѳа, от­ всего селенiя ихъ: и познаете, яко азъ Господь.