Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 | Видѣнiе, еже видѣ Аввакумъ пророкъ. |
1:2 См.: 🔗Пс. 12:2 | Доколѣ, Господи, воззову, и не услышиши? возопiю къ тебѣ обидимь, и не избавиши? |
1:3 См.: 🔗Иез. 22:29 | Вскую мнѣ показалъ еси труды и болѣзни, смотрити страсть и нечестiе? противу мнѣ бысть судъ, и судiя вземлетъ. |
1:4 См.: 🔗Иов. 21:7 🔗Иер. 12:1 | Сего ради разорися законъ, и не производится въ совершенiе судъ: яко нечестивый преобидитъ праведнаго, сего ради изыдетъ судъ развращенъ. |
1:5 См.: 🔗Деян. 13:41 | Видите, презорливiи, и смотрите, и чудитеся чудесемъ и изчезните: понеже дѣло азъ дѣлаю во днехъ вашихъ, емуже не имате вѣровати, аще кто исповѣсть вамъ. |
1:6 См.: 🔗Иер. 50:41 | Зане, се, азъ возставляю халдеи, языкъ горькiй и борзый, ходящiй по широтамъ земли, еже наслѣдити селенiя не своя: |
1:7 | страшенъ и явленъ есть, от него судъ его будетъ, и взятiе его от него изыдетъ: |
1:8 См.: 🔗Иер. 4:13 🔗Иер. 5:6 | и изскочатъ паче рысей кони его и быстрѣе волковъ Аравійскихъ, и поѣдутъ конницы его и устремятся издалеча и полетятъ аки орелъ готовъ на ядь. |
1:9 | Скончанiе на нечестивыя прiидетъ, сопротивляющыяся лицамъ ихъ противу, и соберетъ яко песокъ плѣнники. |
1:10 | И той надъ царьми посмѣется, и мучителiе игранiе его, и той надъ всякою твердѣлiю поругается, и обложитъ валъ, и возобладаетъ ею. |
1:11 См.: 🔗2Пар. 28:23 | Тогда премѣнитъ духъ и прейдетъ и помолится: сiя крѣпость Богу моему. |
1:12 | Нѣси ли ты искони, Господи Боже, святый мой? и не умремъ. Господи, на судъ учинилъ еси его, и созда мя обличати наказанiе его. |
1:13 | Чисто око еже не видѣти зла и взирати на труды болѣзненныя: вскую призираеши на презорливыя? премолчаваеши, егда пожираетъ нечестивый праведнаго? |
1:14 | и сотвориши человѣки яко рыбы морскія и яко гады не имущыя старѣйшины. |
1:15 См.: 🔗Мк. 12:13 | Скончанiе удою восхити и привлече его мрежею и собра его сѣтьми своими: сего ради возвеселится и возрадуется сердце его: |
1:16 См.: 🔗Ис. 10:13 | сего ради пожретъ мрежи своей и покадитъ сѣть свою, яко тѣми разблажи часть свою и пищи своя избранныя: |
1:17 | сего ради простретъ мрежу свою и присно избивати языковъ не пощадитъ. |