Книга пророка Аввакума, глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1	Молитва Аввакума пророка съ пѣснiю. Господи, услышахъ слухъ твой и убояхся:
3:2	Господи, разумѣхъ дѣла твоя и ужасохся: посредѣ двою животну познанъ будеши: внегда при­­ближитися лѣтомъ, познаешися: внегда прiити времени, явишися: внегда смутитися души мо­ей во гнѣвѣ, милость [твою] помянеши.
3:3 См.: 🔗Втор. 33:2	Богъ от­ юга прiидетъ, и святый изъ горы при­­осѣнен­ныя чащи: покры небеса добродѣтель его, и хваленiя его исполнь земля.
3:4 См.: 🔗Исх. 24:17	И сiянiе его яко свѣтъ будетъ: рози въ рукахъ его, и положи любо­вь державну крѣпости сво­ея.
3:5 См.: 🔗Исх. 9:3	Предъ лицемъ его предъидетъ слово, и изыдетъ на поле при­­ ногу его.
3:6 См.: 🔗Нав. 10:13 🔗Пс. 17:8 🔗Ис. 54:10	Ста, и подвижеся земля: при­­зрѣ, и растаяша языцы: стрышася горы нуждею, и растаяша холми вѣчнiи, ше­ст­вiя вѣчная его,
3:7 См.: 🔗Чис. 31:7 🔗Суд. 7:21	за трудъ видѣша селенiя еѳiопская, убоят­ся и кровы земли Мадiамскiя.
3:8 См.: 🔗Исх. 14:25 🔗Исх. 15:3	Еда въ рѣкахъ прогнѣваешися, Господи? еда въ рѣкахъ ярость твоя? или въ мори устремленiе твое? яко всядеши на кони твоя, и яжденiе твое спасенiе.
3:9 См.: 🔗Нав. 3:16	Наляцая налячеши лукъ твой на скиптры, глаголетъ Господь: рѣками разсядет­ся земля.
3:10 См.: 🔗Пс. 45:4 🔗Пс. 76:19	Узрятъ тя и поболятъ людiе, расточая воды ше­ст­вiя его: даде бездна гласъ свой, высота при­­видѣнiя своя:
3:11 См.: 🔗Нав. 10:12	воз­движеся солнце, и луна ста въ чинѣ сво­емъ: во свѣтѣ стрѣлы твоя пойдутъ, въ блистанiи молнiй оружiй тво­ихъ.
3:12	Прещенiемъ умалиши землю и яростiю низложиши языки.
3:13	Изшелъ еси во спасенiе людій тво­ихъ, спасти помазан­ныя твоя, вложилъ еси во главы беззакон­ныхъ смерть, воз­двиглъ еси узы даже до выи въ конецъ:
3:14	разсѣклъ еси во изступленiи главы сильныхъ, сотрясут­ся въ ней: разверзутъ узды своя яко снѣдаяй нищiй тай.
3:15	И навелъ еси на море кони твоя, смущающыя воды многи.
3:16	Сохранихся, и убояся сердце мое от­ гласа молитвы устенъ мо­ихъ, и вниде трепетъ въ кости моя, и во мнѣ смятеся крѣпость моя: почію въ день скорби мо­ея, да взыду въ люди при­­шел­ст­вiя мо­его.
3:17	Зане смоковь не плодопринесетъ, и не будетъ рода въ лозахъ: солжетъ дѣло маслин­ное, и поля не сотворятъ яди: оскудѣша овцы от­ пищи, и не будетъ воловъ при­­ яслехъ.
3:18 См.: 🔗Пс. 12:7 🔗Ис. 61:10	Азъ же о Господѣ воз­радуюся, воз­веселюся о Бозѣ Спасѣ мо­емъ.
3:19 См.: 🔗2Цар. 22:34 🔗Пс. 17:34	Господь Богъ мой сила моя, и учинитъ нозѣ мо­и на совершенiе, и на высокая воз­водитъ мя, еже побѣдити ми въ пѣсни его.