Книга пророка Аггея, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Аг. 1:1	въ седмый месяцъ, въ двадесять первый месяца, глагола Господь рукою Аггеа пророка глаголя:
2:2 См.: 🔗Зах. 3:1	рцы нынѣ къ зоровавелю Салаѳiилеву от­ колѣна Иудова и ко иисусу сыну Иоседекову, иерею великому, и ко всѣмъ прочiимъ людемъ, глаголя:
2:3 См.: 🔗1Езд. 3:12	кто от­ васъ, иже видѣ храмъ сей въ славѣ его прежней? и како вы видите его нынѣ якоже не суща предъ вами?
2:4 См.: 🔗Аг. 1:13	И нынѣ укрѣпляйся, зоровавелю, глаголетъ Господь, и укрѣпляйся, иисусе, сыне Иоседековъ, иерею великiй, и да укрѣпляют­ся вси людiе земли, глаголетъ Господь [Вседержитель], и творите: зане азъ съ вами есмь, глаголетъ Господь Вседержитель:
2:5	слово, еже завѣщахъ съ вами, егда исходисте изъ земли Египетскiя, и Духъ мой насто­итъ посредѣ васъ: дерзайте, зане сице глаголетъ Господь Вседержитель:
2:6 См.: 🔗Евр. 12:26	еще единою азъ потрясу небомъ и землею, и моремъ и сушею,
2:7 См.: 🔗Ис. 66:19 🔗Ин. 12:21 🔗Мф. 21:23	и сотрясу вся языки, и прiидутъ избран­ная всѣхъ языковъ: и исполню храмъ сей славы, глаголетъ Господь Вседержитель.
2:8	Мое сребро и мое злато, глаголетъ Господь Вседержитель:
2:9 См.: 🔗Аг. 1:8	зане велiя будетъ слава храма сего послѣдняя паче первыя, глаголетъ Господь Вседержитель: и на мѣстѣ семъ дамъ миръ, глаголетъ Господь Вседержитель, и миръ души въ снабдѣнiе всякому зиждущему, еже воз­ставити церковь сiю.
2:10	Въ двадесять четвертый девятаго месяца, во второе лѣто при­­ дарiи цари, бысть слово Господне ко Аггею пророку глаголя:
2:11 См.: 🔗Втор. 17:11 🔗Мал. 2:7	сице глаголетъ Господь Вседержитель: вопроси иереевъ закона глаголя:
2:12 См.: 🔗Лев. 10:10	аще прiиметъ человѣкъ мясо свято вскрай ризы сво­ея, и коснет­ся край ризы его хлѣба, или варива, или вина, или масла, или всякаго брашна, еда освятит­ся? И от­вѣщаша священ­ницы и рѣша: ни.
2:13 См.: 🔗Лев. 5:2 🔗Лев. 11:24 🔗Чис. 19:11	И рече Аггей: аще при­­коснет­ся оскверненый или нечистый душею всякому сихъ, еда осквернит­ся? И от­вѣщаша иерее и рѣша: осквернит­ся.
2:14	И от­вѣща Аггей и рече: сице людiе сіи, и сице языкъ сей предо мною, глаголетъ Господь, и сице вся дѣла рукъ ихъ: и иже аще при­­ближит­ся тамо, осквернит­ся за прiятiя ихъ утрен­няя, поболятъ от­ лица лукав­ст­въ сво­ихъ, и ненавидѣсте во вратѣхъ обличающаго.
2:15	И нынѣ положите на сердцахъ вашихъ от­ дне сего и выше, прежде неже положити камень на камени въ храмѣ Господни.
2:16 См.: 🔗Втор. 28:38 🔗Мих. 6:15	Кто бысте, егда влагасте въ мѣхъ ячмене двадесять сатъ, и быша ячмене десять сатъ? и входисте въ подточилiе черпати пятьдесятъ мѣръ, и быша двадесять.
2:17 См.: 🔗Ам. 4:9	Поразихъ вы неплодiемъ и вѣтротлѣнiемъ и градомъ вся дѣла рукъ вашихъ, и не обратистеся ко мнѣ, глаголетъ Господь.
2:18	Устройте же сердца ваша от­ сего дне и далѣе, от­ двадесять четвертаго дне девятаго месяца и от­ дне, въ оньже основася церковь Господня: положите въ сердцахъ вашихъ,
2:19 См.: 🔗Зах. 8:12	аще еще познает­ся на гумнѣ, и аще еще виноградъ, и смокви, и яблонь, и древа масличная не творящая плода? от­ дне сего благословлю.
2:20	И бысть слово Господне вторицею ко Аггею пророку въ двадесять четвертый месяца глаголя:
2:21	рцы къ зоровавелю сыну Салаѳiилеву от­ колѣна Иудова глаголя: азъ потрясу небомъ и землею, и моремъ и сушею,
2:22 См.: 🔗Иез. 38:21 🔗Отк. 19:21	и превращу престолы царей, и потреблю силу царей языческихъ, и превращу колесницы и всадники, и снидутъ кони и всадницы ихъ, кійждо во оружiи на брата сво­его.
2:23 См.: 🔗Сир. 49:13	Въ той день, глаголетъ Господь Вседержитель, прiиму тя, зоровавелю Салаѳiилевъ, рабе мой, глаголетъ Господь, и положу тя яко печать, понеже тя избрахъ, глаголетъ Господь Вседержитель.